كلام مجانين

نقطة و من أول السطر .

2012-01-24T16:54:00.000+02:00

ألقي نظرة في أرشيف المدونة لبداية السنة الماضية واتصفح ما كتبته ومر عام كامل عليه .

اندهش من المكتوب ، تهاجمني ذكريات مختلطة كأطياف بألوان متعددة من أمل إلي صبر إلي حزن ومرارة علي الشهداء الراحلين إلي فرح إلي أمل جديد إلي سعي نحو الحياة أو الموت ، ذكريات كثيرة في عام كألف عام ، بعضها يضحكني حتي الثمالة والآخر يبيكني حتي تجف الدموع ، لكن في النهاية مازال عندي حلم بتحرير وطن اسمه مصر ، الثورة مستمرة دائما و أبدا في النفوس ، في القلوب ، في العقول ، في الحياة ، في كل شئ ، لا أريد أن اتحدث كثيرا فلقد تحدثت كثيرا جدا سواء هنا علي المدونة أو علي حساباتي الشخصية لكن مازالت اتمسك بحلمنا حلم الثورة و التحرير ، من سنة بدأنا خطوة في الطريق وغدا سنكتب فصل جديد عنوانه

يسقط يسقط حكم العسكر
إحنا الشعب الخط الأحمر

أراكم غدا في الميدان نستكمل ثورتنا ونأتي بحقوق شهدائنا :)

ظلام....شفق....حياة !

2011-12-31T04:44:00.000+02:00

ظلام دامس يحيط بي

عقارب الساعة تأكل بعضها البعض
نبضات قلبي ثابتة
أبدو كحجر ساكن في قاع بحيرة
بينما داخلي طوفان من الأفكار

ابحث عن شئ لا اعلمه
لأصل إلي شئ لا أدرك كنهه
ويختلط هذا بذاك لينتج ذلك وبعد ذلك اسأل كيف
كيف ولماذا وعلامة استفهام وتعجب
أليست هذه هي الحياة؟!
إذا كانت هذه هي الحياة فكيف يكون الموت؟!

ارتشف قهوتي
لا أحب القهوة في الأساس لكني سأشربها
لماذا أشربها؟!
ولماذا هذا وذاك ؟ّ!
إن هذه هي حقيقة الحياة
أفعال غير مبررة تطلق أثر الفراشة
وعندها ستري النتائج
هل نحن حقا نري أم لا نري؟!
هل حقا هذا هو ذاك أم هذا هو ذاك؟!
لا تبحث عن معني
فكل هذا مجرد هراء يدور في عقلي الذي تجهل مفرداته
فلا تحاول البحث عن جدوي هذا الكلام

هل فكرت يوما في الموت والحياة ؟!
لا تخبرني إنك لم تفكر يوما في القفز من علي سطح مبني
أو أن تتساءل ما هو شعور سريان السم في الأحشاء
أو أن تعبر رصاصة داخل جسدك مخترقة اياه
أوكيف يمكن أن تسير بسكين منغرز في رقبتك

نحن أموات تسير علي الأرض
لكن اليوم قررت أن أكون حي يحلق في السماء
والنقيض بالنقيض يثبت

اليوم موعدي مع ملك الموت
دعوته فاستجاب دعوتي
تناولنا القهوة معا
وصعدنا لأعلي السطح
أشعلت سيجارتي برغم كرهي للتدخين
ادخن سجائري في صمت
كمن يحاول أن يأخذ نفسه الأخير في هذه الدنيا
كقبلة وداع ملتهبة من حبيبة سيتركها
لكن ما أسرع أن تنتهي القبلة
ولا يبقي منها سوي آثار ملوثة علي شفاه ميت

أشعر الآن بسريان السم في جسدي
اتألم بقسوة لكن قمة الألم هي أقصي درجات الحياة
ألم أخبرك بأن القهوة تحتوي علي سم ؟!
لماذا كنت تعتقد إني سأشرب شئ لا أحبه إذا ؟!
أقف علي الحافة أرقص ما بين الموت والحياة
لكن لا أحد يعلم أيهما هو الموت و أيهما هو الحياة ؟!

أخرج مسدسي من جرابه واتحسسه في صمت
ارفعه إلي جانب رأسي واقفز تاركا نفسي للا شئ
ثلاث ثواني وبعض الأجزاء من الثانية هي ما تلزمني للوصل إلي الأرض والموت
لكني أشبه بمن قفز داخل بعد زمني آخر
أشعر بأقل جزء من ثانية
أري كل شئ بوضوح عن ذي قبل
كلا إنهم يخدعونك عندما يدعون أنك تري شريط حياتك
فلقد انمحي هذا الشريط من ذاكرتي
كأني أصبحت شئ جديد
غير ملوث غير مدنس
إن هذه القفزة هي ميلادي الجديد
إنها بداية الحياة
ارفع مسدسي اطلق رصاصتي الوحيدة
تاركا خلفي مشهد واحد
شمس ميلادي مخضبة بالدماء علي الأرض
مع شروق شمس هذه الدنيا الفانية

دليل الثائر المصري في الثورة

2011-11-21T11:21:00.000+02:00

نظرا لأني مريض وملازم الفراش لآسف منذ أكثر من اسبوعين فهذا اقل ما يمكن تقديمه لأسود الميدان أو من يريد أن ينزل ويساند الثوار في حربهم ضد القمع والاستبداد ويساهم في استكمال ثورتنا .

ارتدي ملابس ثقيلة بقدر المستطاع من جواكت وغيره ،ارتدي بنطلونين فوق بعض إذا استطعت ،فمن ناحية ستقي نفسك من البرد ومن ناحية آخر وهذه الأهم صنع مقاومة بسيطة للطلقات الخرطوش والمطاطي .

لا تضع اي شئ لزج أو مواد قد تسبب التصاق جزئيات الغاز بك مثل الكريمات والجل إلي آخره ،لا ترتدي عدسات لاصقة .

اكتب علي جسمك بقلم حبر أو فلوماستر بياناتك الشخصية مثل اسمك ،رقم تليفون عائلتك ،فصيلة دمك ........

اذهب لأقرب محل بيع أدوات أمن صناعي ،إذا لم تكن تعرف مكان واحد فاستقل المترو وانزل محطة أحمد عرابي و من خلال شركة ريدونج لمهمات الأمن الصناعي في شارع الجمهورية يمكنك شراء الآتي :

أقنعة الغاز والماسكات تبدأ من 10 جنيه وانت طالع ،قناع الغاز بالكربون النشط ب ١٥ جنيه ، قناع الغاز المزدوج ب 25 جنيه بعد فصال ، ممكن تخييط كمامتين مع بعض ووضع قطن وفحم مكسر بينهم ، وهناك فيديوهات عديدة لصنع أقنعة غاز بسيطة لمن عجز عن الشراء .

نضارة أمن صناعي أو نضارة بحر لحماية العين ودي اسعارها بتبدأ من 5 جنيه .

جوانتي وخوذة وبيبدوأ ب 10 جنيه .

الغاز المستخدم حتي الآن مختلف عن الذي اعتدنا التعامل معه كما أن هناك أقاويل بأن هناك أنواع مختلفة من الغازات يتم استخدامها لذلك سأذكر كل الطرق التي يمكن استخدامها لمواجهة الغاز.

القنابل المسيلة للدموع تعتمد علي 3 أنواع من الغازات ، الذي تم استخدامه في يناير هو سي اس وهو أوسطهم في التأثير وكانت طرق التعامل معه غسيل الوجه بالكولا أو البيبسي ،مياه مذوب فيها اقراص حموضة ،خل وبصل ،الأقاويل المترددة الآن أن الغاز المستخدم حاليا هو غاز السي آر وهذا هو أخطرهم وأكثرهم فاعلية وسمية وتم تصنيفه علي أنه سلاح كيمائي قاتل ، وتبلغ قوة سي آر من 6 - 10 أضعاف سي آس والذي تم استخدامه في الموجة الأولي لثورة في يناير السابق ، سي آر قد يتسبب في حدوث عمى مؤقت، وسعال وصعوبة في التنفس وهلع ويشتبه في كون مادة سي آر مادة مسرطنة ، و يستمر تأثير مادة سي آر لفترات طويلة، وحالة الهلع التي يسببها الغاز تؤدي إلي زيادة تأثيره حيث يؤدي الخوف إلي توسيع مسام الجسم التي تمتص مزيد من جزيئات الغاز ،فلا تخف أو تهلع أو تجري بسرعة في حالة إلقاء القنابل .
الأقنعة كافية لتقليل أثر الغاز وقد لا تشعر به من الأساس علي حسب القناع الذي ترتديه ، في حالة إصابتك لا تخف ،لا تدعك عينيك ،قم بالسير عكس اتجاه الريح ، إذا شعرت بأنك بلعت شئ قم بالكح والبصق ؛ لا تستخدم الخل أو الماء فقط لغسل الوجه هذه المرة بل استخدم محلول مكون من المياه ومضادات الحموضة أو من المياه والخميرة .

إذا تعرضت لغاز بشدة فتناول أقراص فحم ( 4 أقراص كل 8 ساعات ) وقم بشرب ماء وعصائر فاكهة أو لبن وعسل بكثرة لتخليص الجسم من السموم ، إذا لم تستطع العثور علي أقراص فحم فيمكن استخدام الماء والنشا أو شاي ناشف ،قد يكون هناك أثر جانبي لأقراص الفحم وهو وجود اسهال لذلك يجب الإكثار من شرب الماء وتناول محلول هيدروسيف ،بعد كل هذا إذا مازالت تشعر بألم في منطقة معينة فاستشر طبيب ، تأثير الغاز مؤقت يعتمد علي كمية الغاز وكم الوقت الذي تعرضت له لغاز لكن تاثيرك النفسي قد يكون أشد فتكا من الغاز .

في حالة توافر جرادل مياه يمكنك الإمساك بالقنابل ووضعها في المياه وسيؤدي ذلك لابطال مفعول القنبلة ،في حالة عدم توافرها يمكن استخدام قطعة قماش أو خيش مبللة وتغطية القنبلة بها .
في حالات الاقتحام إذا سقطت أرضا ولم تستطع القيام خذ وضع الجنين لتحمي بطنك من الركلات وغطي رأسك بذراعيك .

إذا كنتم مجموعة قسموا اليوم بينكم بحيث هناك من يستريح وهناك من يقف مدافعا عن الميدان .

قم بعمل أكياس إعاشة تحتوي علي مخبوزات بالعجوة ،عيش ، جبنة مثلثات ، مربي ،حلاوة بار ،عصير ،لبن ، لا تذهب ويدك فارغة مادام في استطاعتك .
إذا كنت تريد التبرع ولا تريد الذهاب إلي ميدان التحريريمكنك معرفة الاحتياجات المطلوبة من خلال هذا الحساب علي التويتر أو متابعة هذا هاشتاج، واذهب بالأشياء التي تستطيع شراءها إلي مركز هشام مبارك في ١ شارع سوق التوفيقية الدور الخامس، خلف دار القضاء العالي أو مركز النديم ٣ شارع سليمان الحلبي متفرع من شارع رمسيسوتستطيع الوصل إليهم بسهولة عبر المترو .
في حالة عدم قدرتك لفعل أي شئ من هذا يمكنك الذهابوالتبرع بالدم في أحد المستشفيات مثل القصر العيني ، أحمد ماهر ،المنيرة .

إذا لم تستطع فعل أي شئ فيكفي نقل الحقيقة ، وتوضيح الصورة لأهل والجيران والأصدقاء ، وقم بنشر فضائح العسكر في كل مكان ، وقم بتوعية الناس فقد يكون هذا سبب لنزول المزيد أو علي الأقل محو الصورة السلبية التي يبثها ماسبيرو ، وارجو عدم نشر أخبار غير موثوق في مصدرها أو إشاعات لأن في مثل هذه الأوقات لا يوجد أكثر من الإشاعات فأما الأخبار تكون موثقة أو مصورة أو من شخص موثوق فيه لدرجة لا تحمل الشك .
عندما خرجنا هتفنا الشعب يريد إسقاط النظام ،والبعض ظن أن النظام هو مبارك ، لكن النظام الذي نريد إسقاطه هو النظام العسكرينظام الدولة البوليسية القمعية ، أما من يتحجج ويقول الشعب المصري هو كده ومينفعشمعاه غير كده ، فبرغم عميان بصر و بصيرةمن يدعي مثل هذا الإدعاء لأنه لم يكلف خاطره النظر للمصريين الأحرار وعما فعلوه ، وصدقمن قال أن الثورة المصرية أبهرت العالم أسره ولم تبهر المصريين ،أهدي له هذه القصة
كتب والي خراسان إلى الخليفة عمر بن عبد العزيز :
يستأذنه في أن يرخص له باستخدام بعض القوة والعنف معأهلها قائلاً في رسالته للخليفة : « إنهم لا يصلحهم إلا السيف والسوط »
فرد عليه عمر قائلا: كَذبتَ .. بل يصحلهم العدلوالحق ، فابسط ذلك فيهم ، واعلم أن الله لا يصلح عمل المفسدين .
هذه بعض الأرقام الهامة التي أرجو أن تحتفظ بها علي موبايلك قبل نزولك
أرقام المستشفي الميداني :
01149900115
01117678422
01202601079
0113638828
0113638828

في حالة تعرضك للقبض عليك لا قدر الله فهذه الأرقام قد تساعدك
01002850271
01004118110
01063347782
01220624003

هذا البوست سأقوم بتحديثه من وقت لآخر وفي حالة رغبة أحد أن يضيف لي شئ أو هناكلينكات لمواضيع مشابهة يقوم بإرسالها لي وسأقوم بتنزيلها

شكرا لكل من ساهم في خلق معلومة كتبتها هنا .

علياء V.S سميرة

2011-11-17T05:04:00.001+02:00

علياء أكثر اسم تردد في الفترة السابقة ،من كثرة البحث عنها أصبحت تحتل في البحث قبل علامات يوم القيامة !!

لقد شاهدت البوست الذي وضعته علياء من قبل أن تثارتلك الضجة بفترة طويلة ، ولم اهتم ولم اضع في ذهني شيئا ، ولم أجد في الموضوع شيئايستحق الحديث عنه ،لكني ذُهلت بكم المبالغة الرهيب في ردود الأفعال المختلفة ، لكنأكثر ما اثار انتباهي إذا كانت هي قد تعرت جسديا فبتعريها عرت معها الكثير منالبشر وكشفت الزيف عن الكثير من الأخلاق والفضائل التي يدعي البعض امتلاكها ولنأخوض في الحديث عنها لأن هناك ما هو أهم في نظري منها ولأن الموضوع يحمل أبعادآخري قد تخفي علي البعض....

فعلى صعيد آخر هناك فتاة اسمها سميرة ، لا تقلقفهذه الفتاة لم تثر ضجة ، و لم يهتم بها الإعلام ، ولم تُفرد لها القنوات و الجرائد ، ولم ينشأ لها صفحات عددها يتجاوز الألاففصفحتها اليتيمة تكاد تقترب من الألف بصعوبة ، ولم تتجاوز المليون ونصف مشاهدة إنلم يكن أكثر في بضعة أيام برغم أن قضيتها أصبح لها من الزمن شهور ،هذه الفتاة تعرتايضا لكنها لم تتعرَ بمزاجها الخاص بل تحت ذل ومهانة ممن يرتدون زي قالوا عنه إنهزي حماة الوطن وليس زي مغتصبي الأعراض !!!

قضية كشف العذرية التي مارسها الجيش الغالي فيشهر مارس ، واعتراف المجلس العسكري بذلك ضمنيا من خلال كلامه في وسائل الإعلامالمختلفة لم تثر حفيظة أحد ، لذلك خرجت سميرة تعلن عن قضيتها عن رغبتها في استعادةحقها و كرامتها المذبوحة والمسلوبة بيد العسكر.

إن خروج فتاة لتتحدث علانية عن شاب عاكسها أو حاولالتحرش بها ،لهو أمر ثقيل عند البعض ، وآخريات قد تفضل الموت عن البوح به ،فمابالك ببنت عذراء قررت الخروج والإعلان عن قضيتها وأن تقف أمام المجلس العسكري تضرخبكلمة حق لاسترجاع حق منتهك علي ايدي حماة الوطن .

إذا أردت أن تدعم سميرة في قضيتها وموفقها فصفحتها علي الفيسكلنا سميره إبراهيم
وحسابها الخاص علي تويتر Samira Ibrahim

وأرجو أن تخرج كل فتاة تعرضت لمثل ما تعرضت له سميرة لتقف بجانبها لتتوحد الجهود والقضية ضد مجلس الذل والعار .

وإذا كنت تتسأل لماذا الاختلاف في رد الفعل في الموقفين ما بين سميرة وعلياء؟ فالإجابة لأننا ولدنا عراة يا سادة ومازالنا عراة!

أراكم غدا في الميدان.

واستمر جناننا لمدة عامين….

2011-11-16T16:52:00.001+02:00

يا الله لقد مرّ عامان كاملان !!!!

عامان في عالم التدوين الرائع الذي يحمل بداخله أسمى معاني للكلمة ...

لا نصدق أنفسنا أن مدونة كلام مجانين تحتفل اليوم بمرور عامها الثاني منذ أن دخلت عالم التدوين ..

لا نزال نتذكر حين جلسنا أول مرة نتحدث فيها عن اطلاق المدونة وكيف جاءت الفكرة إلى رؤوسنا ..

كنا نجلس في منزل محمد نتحدث عن اطلاق المدونة والاقتراح أن تحمل اسمها " كلام مجانين "

لم نكن نعلم إننا مجانين إلى هذا الحد ، فلقد اسرفنا في الكتابة وانزال المقالات والقصص والخواطر بسخاء ، مثل طفل صغير وجد نفسه في محل حلويات مجانية فأخذ يأكل من كل رف حتي كاد أن يموت بالتخمة ...

لا نزال نتذكر أول تعليق شارف على المدونة أن يرى أفكارنا وأسلوبنا وتحليلنا للمشكلات ..

لا نزال نتذكر أول نقد واجهناه ، وكيف لم يكن يعجبه كلامنا

لا نزال نذكر أول تصفيق لأول قصة كتبناها ونشرت في اليوم السابع وكانت بعنوان " في سبيل هذه الانثى "

لا نزال نذكر الاحتفال بأول سنة من مدونة كلام مجانين واستمرار جناننا لمدة عام ووضع المقالات والقصص التي تميزت بها المدونة ...

لا نزال نذكر آخر سنة لمحمد في الكلية ، وسنة إسلام في الجيش وما حملته لنا تلك السنة من أحداث كثيرة ، وذكريات أكثر ....

ذكرى محمد ونزوله في ثورة يناير وتحليله لما حدث من تعاطف الناس إثر خطاب مبارك الشهير الذي استدار به عطف الملايين وذكر التحليل الرائع في بوست بعنوان " ما الذي يحدث ؟ "

لا نزال نتذكر حادثة خالد سعيد ونزولنا ببوستات مختلفة "أنا اسمي خالد محمد سعيد ، الاسم خالد "
وذكري البداية الحزينة لهذا العام بتفجير كنيسة القديسين

لا نزال نتذكر تحليل المدونة لما حدث من الثورة ودخول الاسلاميين للسيطرة على المقاليد في بعنوان " لماذا نسمع أصواتكم الآن ؟ "

نتذكر دائما نقدنا للمذهب الأصولي السلفي الذي زور وزيف التاريخ وهاجم الحضارة المصرية والرد عليه في مقالات بعنوان " هو أي هبل يتقال في الجبل ، وهو الكلام عليه جمرك "

ذكريات تحملها لنا مقالات " عالم عيال عيال ، وفوازير رمضان ولكن بطعم أخر " ومقالات عديدة حملتها المدونة لكي يقرأها الكثيرون ...

حملت المدونة لنا ذكرى أليمة والتوقف عن الكتابة لفترة من قبلنا وعدم الكتابة لفترة ..

لا نزال نتذكر قصصنا على صفحات المدونة مثل " معنى الحب ، في سبيل هذه الأنثى ، دفع الثمن ، من أجلهما ، أبجديات القومية ، بقايا شفاه وغيرها الكثير من القصص "

لا نزال نتذكر عيد ميلاد محمد حين تم واحد وعشرين عاما من العمر واحتفالنا به على المدونة ، وتلك الاحتفالية وذكرى اصدقاؤنا المشتركين على المدونة ...

لا نزال نذكر صفحة المدونة على الفيس بوك وانتشارها بين من يحب أن يقرأ لنا ...

ذكريات كثيرة حملتها الأيام ، والساعات والشهور ، والاربعة وعشرين شهرا ، الذين مروا على المدونة في ذكرى ميلادها الثاني ...

وفي ذكرى ميلادها الثاني تركناكم مع ما انتجته المدونة خلال عامها الأول والثاني و برغم غيابنا الذي طال لأسباب يطول شرحها فنتمني أن يكون العام الثالث عام أفضل من سابقيه ونقطة بداية جديدة لانطلاق أفضل و أن يحتفل معنا أصدقاء أكثر ،وشكرا لكل أصدقائنا القدامي الذين دعمونا في البداية حتي الآن وشكرا لكل من ساهم في المدونة بتعليق أو حتي مجرد قراءة ،ومرحبا بالأصدقاء الجدد لاتنين مجانين بعيد عنا وعن السامعين :D

المرة دي مفيش تورتة غير لما يسقط حكم العسكر وسمعني أحلي هتاف في أحلي عيد ميلاد لأحلي مدونة

يسقط يسقط حكم العسكر

يسقط يسقط شيخ المنصر

M.S.M.O & I.M.S.A

هو الكلام عليه جمرك ؟؟

2011-08-29T14:51:00.001+02:00

الكلام فعلا ليس عليه جمرك !!!

فتستطيع أن تقول ما اردت طالما لم تكن مسئولا وطالما لا يهمك ما يخرجه فوهك إلينا ، فهذه شيمة من يريد أن يلعب بعقول البشر !!

فمنذ فترة ليست طويلة وليست قصيرة قرأت كتابا يتحدث عن فرضية النقاب ...

لا يهمني إن كان النقاب عبادة أم عادة والأخيرة هي التي اؤمن بها إيمانا تاما ألا وهي كونه عادة ، ولكن إن أرادت المرأة ارتداؤه فهذا شأنها ولكن ، يتراشق إلى ذهني ذلك الهجوم العنيف الذي شنه مؤلف الكتاب على مصر بكونها أول دولة خلعت النقاب !!!!!!

تبادر إلى ذهني مباشرة أن مصر خلعت برقع الحياء بكلامه هذا والأهم من هذا هو اتهامه لمصر بأنها أول من فعلت هذا زمن " سعد زغلول " !!!

فيقول إنه على يد سعد زغلول ، وصفية زغلول وهدى شعراوي وقاسم أمين - أليسوا هؤلاء هم دعاة الحرية للمرأة من نير عبودية الرجل - !!!

الأدهى من ذلك أن مؤلفنا هذا زاد وغطى في تصوره التاريخي بأن هذا حدث في ميدان الإسماعيلية حين عاد سعد باشا زغلول من إحدى جولاته في اوروبا للمطالبة بحرية مصر والتي هي في منظوره تنفيذا لمخطط غربي لضرب العفة في العالم الإسلامي - هتخلص امتى نظرية المؤامرة - عامةً مؤلفنا قال أن السبب في تسمية ميدان التحرير بهذا الاسم هو كون سعد زغلول حين عاد استقبلته صفية وهدى شعراوي في الميدان بالنقاب وحولهم عدة نسوة بالنقاب فمد سعد زغلول يده وازال عنهما النقاب والقاه على الأرض وقامت باقي النساء بفعل ما فعل ومن هنا سمي الميدان بالتحرير !!!!!

هكذا أصبح عليك أن تتوقف في هذا التشويه البيِّن في التاريخ ...

فمن أين استقيت معلوماتك التاريخية ؟

لماذا تصر على تشويه التاريخ في مصر - هي ناقصة - ؟

لماذ تشوه التاريخ لخدمة موضوع النقاب وأن تلقي المسئولية من وجهة نظرك على مصر في أمر ليس لها فيه ناقة ولا جمل ؟

هل سمي ميدان التحرير بهذا الاسم من أجل التحرر من النقاب وحرقه ؟؟؟؟

هل سمي بهذا الاسم لانهم قاموا بمظاهرة من أجل المطالبة بخلع الحياء عن المرأة - هل حياء المرأة وشرفها وعزتها متمثلة في النقاب ؟ - حسنا بما لا أحد صحح لك المعلومة ، فاجعل أي فتى أو فتاة من متصفحي كتب التاريخ يردون عليك ...

بداية عزيزي الملقب بعالم في أمور الدين لك بعض الأدلة التاريخية :

- إن كنت طالعت تاريخ النصف الأول من القرن العشرين - أشك في هذا - فستعلم أن ما كانت ترتديه المرأة كان يسمع بيشة أو برقع على الوجه وليس كما ترتديه المنتقبة الآن وتستطيع أن تقرأ في التراث المصري عن الملاية اللف ..

- سعد وصفية وهدى وقاسم دعوا لحرية المرأة من حالة العبودية التي فرضها عليها الرجل بصفته سي السيد وهي الجارية المطيعة لكل أوامر سيدها ولا أرى ما فعلوه انتقص من كرامتها أو عزتها بل حافظ على آدميتها بأن كفلوا لها حق التعليم ، وحق الحياة واختيار كيف تعيش حياتها دون أن يجبرها أحد على هذا ..

نأتي لميدان التحرير :

- سمي بهذا الاسم حين تحرر المصريين من عبودية المحتل الانجليزي بثورة 1919م ودستور 1923 واعلان استقلال مصر عن الحماية البريطانية ، فتحول اسمه من ميدان الاسماعيلية الذي كان مطلق عليه نسبة للخديوي اسماعيل إلى ميدان التحرير وتأصل الاسم بعد ثورة يوليو 1952 م أو انقلاب الجيش على الملك ...

- المرأة خلعت البيشة عن وجهها في هذا الميدان وليس النقاب احتجاجا واعتراضا على اهمال دورها لإنها ثورة شعبية بكامل طوائفه وليس سعد زغلول هو من نزل وخلع النقاب والقاه في الأرض واشعل فيه النيران - جايبها من أين ؟ -

- أخيرا وليس آخرا نظرية المؤامرة التي قام بها سعد وصفية وهدى وقاسم من أجل جعل المجتمع المصري يحيا بآدمية ضد نظرية السيد والجارية التي كانت منتشرة تكون ضد مصلحة المحتل ، فالمحتل يهمه أن يظل أفراد المجتمع الذي يحتله جاهل ولا يبحث عن أي سبيل للحرية ....

نهاية كلامي أكره كثيرا الكلام دون جمرك ولا اقف عليه ولكن يحنقني كثيرا تشويه التاريخ لخدمة مصالح واهية ....

************

الكتاب لعبد الرحمن العريفي بعنوان 20 سبب لفرضية النقاب

I.M.S.A

M.S.M.O

مواقف ومش مواقف 5 ….

2011-08-25T18:05:00.001+02:00

بعض من المدونين الذين هاجموا حرية الفكر والتعبير وغيرها ، يضعون على مدوناتهم خاصية لمنع نشر أي تعليق إلا بعد الموافقة عليه ، هنا يتطرق إلى ذهني أليس هذا ما تم مهاجمته في النظام السابق ألا وهو ترك ما يريده وإقصاء ما لا يريده ؟

حقا ، لقد وضعتم أقدامكم على بداية طريق النظام ...

******************

في تصريحات الاخوان والسلف وغيرهم من الجماعات الإسلامية بغرض تشويه أي حركة سياسية مثل الليبرالية والعلمانية والديمقراطية والمدنية وغيرها يذكرني هذا أيضا بمناقب النظام السابق في تشويه منافسيه مستخدما نفوذه داخل البلد ، وطيبة عقول البسطاء في تصديق الرموز ؟

نفس الطريقة التي كنتم تنددون بها النظام السابق .....

*********************

على أثر قول بعض الناس بأن الرئيس السابق قد جعل هناك نت وتليفونات وموبايلات وغيرها من الامور التطويرية ، دعني اذكرك إن لم يكن قد فعل هذا لم تكن مصر في مصاف الدول النامية ولا النايمة بل في مصاف الدول المتخلفة تماما ...

*************

بعد أن خرجت إلينا التحقيقات في حق كل رؤوس النظام السابق تتهمهم بالفساد وأحداث موقعة الجمل وقتل المتظاهرين يختمر عقلي بالسؤال ، هل انحصر فساد النظام السابق طوال ثلاثين عاما على ثلاثة أشهر فقط ؟

حسنا متى يتم المحاكمة على المواد المسرطنة والطعام الفاسد ، وضياع الشباب في الهجرة من البلد ، والسرقة والنهب والاغتصاب والتعدي على الأموال العامة بل والمتاجرة بأرواح شعب بأكمله ، وغيرها من الأمور التي ضيعتنا ....

************

في قول بعض البسطاء والطيبين من الشعب وبعض فلول النظام السابق ومن تربحوا عن طريق النظام بقول أن الرئيس السابق لا يتم محاكمته لأنه رمز من رموز البلد يدخل في رأسي شيئا واحد ، إن لم يتم محاسبة المخطئ عن خطئه كيف سيرتدع غيره ؟

وللعلم هناك رؤساء ورؤساء حكومات تمت محاسبتهم ولم تُمس رموز الدولة أو بمعنى أصح الدولة رمزا أكبر من الأشخاص ...

**********

في ذكرى قديمة قليلا على اعتراض المواطنين في قنا على المحافظ الجديد وصدور فتاوي بعدم جواز ولاية غير المسلم على المسلم وهذا الكلام الظريف اتساءل لماذا يوافق المسلمين في كافة دول العالم على تولي غير المسلم على المسلم محترمين كفاءته بعيدا عن ديانته أم هؤلاء مسلمين ونحن مسلمين أخرين ؟

أهناك من يفهمني ما هي الولاية ؟ وأخر يذكرني بأي عصر وعام نعيش الآن ؟

************

في جمعة قندهار أو 29 يوليو ، هل انسحاب الأخوان عما فعله السلفيين احتجاجا على إخلال السلفيين وباقي التيارات الإسلامية بالمبادئ التي اتفقوا عليها والشعارات ، أم خزيا من الأخوان لأن السلفيين أستطاعوا أن يحتشدوا بأفضل منهم زائلين غطرستهم المعتادة بأنهم أفضل فصيل يستطيع الأحتشاد والتنظيم في مصر ...

******************

بخروج أمثال عمرو مصطفى وطلعت زكريا في التحدث عن قوة العهد السابق ورد عمرو مصطفى على موضوع تصدير الغاز لإسرائيل بقوله أن الغاز يصدر لفلسطين ، أحب اخبرك أمرا فلترى الشركة الأخرى الموقعة على العقد ومن طالب مصر بدفع تعويض فلسطين أم اسرائيل ، وعليك أن تسرع في الاستيقاظ من الغيبوبة قبل ما نقلبك فوتو شوب ..

****************

في موضوع الجماعات السلفية الجهادية التي تقطن سيناء ورفعت الأعلام السوداء علامة الخلافة الاسلامية ، دعوني اذكركم أنكم جعتلم الجميع في كل انحاء العالم يضعنا تحت المنظار ليس لكوننا قد قمنا بثورة لكن خوفا على مصالحهم داخل مكان مهم كسيناء ، ثم ماذا تريدون خلافة وجيش مصر هو الذي ينشأها وتذهب البلد إلى الجحيم وتظهرون أنتم ؟!! ، أم تسعون لإقامة دولتكم انتم فقط ؟!!

**************

بعدم رد اسرائيل بالاعتذار او أي شئ تجاه قتلهم للشهداء على الحدود وطلبهم بالرد على انزال العلم المصري ، حسنا ألن يتحرك أحد قبل أن نخسر البقية الباقية من كرامتنا كما تعودنا في عهد المخلوع !!!

**********

بصعود أحمد الشحات وانزاله للعلم الاسرائيلي اتمنى ألا يخرج عمرو مصطفى ويقول لنا إنه كان بينفذ مخطط كوكا كولا ، افرد جناحك وطير في الهوا ..

مواقف ومواقف كثيرة في هذه الاثناء تجعلنا نقف ونتساءل هل قمنا بثورة للتغيير أم الثورة تحتاج لثورة للتغيير الفعلي بدلا من التغيير الرمزي الذي حدث ؟

I.M.S.A

M.S.M.O

الثورة بتتسرق … تصدق عارفين ..

2011-08-02T18:09:00.001+02:00

كل فرد يخبرني أن الثورة بتتسرق !!!

وإن النظام لعب اللعبة بجدارة !!!

حقيقةً اريد أن أقول أمرا ...

النظام لم يلعب اللعبة بجدارة ...

أجل الثورة سُرقت ولا تزال تسرق ولكن النظام لم يلعب اللعبة بجدارة كل ما فعله النظام أمراً واحداً هو :

القى الكرة في الملعب وتركها لكافة التيارات والاحزاب ليلعبوا ، عارفا ومدركا لأمر واحد هو أنهم لا يجيدون اللعب ، وجلس بمفرده في المقصورة الرئيسية كالعادة يشاهد كل القى وهي تلعب ، وهو مـتأكد من أمر ...

هو إنهم لا يجيدون اللعب وإنهم لا يريدون إلا مصلحتهم الشخصية دون مصلحة الوطن إلا فئة قليلة ، والتي يتم التخلص منها عن طريق وجودها في الاعتصامات أو بالمناداة من أجل مصلحة الوطن ...

بينما الثورة بتتسرق أجل الثورة بتتسرق ليس لكون خالد يوسف يخرج بين وقتٍ وأخر يخبرنا أن الثورة بتتسرق ، ولا لأن كل فرد يخرج كل يوم في أي برنامج ليخرج لنا لسانه ويخبرنا أن الثورة بتتسرق ...

لكن الثورة بتتسرق من أجل تلك الأسباب :

- الثورة بتتسرق من يوم ما الناس فرحت بتنحي حسني مبارك يوم 11/2 ورجعوا بيوتهم ..

ونسجوا الأحلام إنهم تخلصوا من رئيس بغيض جلس على مقعد حكم دام طوال 30 عاماً ..

- الثورة بتتسرق يوم ما الجرذان خرجت من جحورها وأصبحوا الثوار والثوار ناموا .

على الرغم من مقدرة الشباب في الاطاحة بالنظام إلا أن من يحتل الساحة كل الاعمار الشبابية التي فوق ال 60 ولم نرى أحد يتراوح عمره بين العشرينات والثلاثينات والاربعينات حتى .

- الثورة بتتسرق لما اتعمل ائتلاف ثورة وافق عليه المجلس من بين الائتلافات ولم يفرض نفسه ويختار قرارته .

كان يعرضها لمجرد العرض على الرغم من أنه من المفروض إنه يتحدث بمطالب الشعب أمام المجلس سواء العسكري أو الوزاري .

- الثورة بتتسرق لما الناس مغيرتش من مفهومها نظام الأب الروحي بعد مبارك .

فمبارك الأب الروحي للشعب المصري رحل ليأتي مليون أب روحي للشعب المصري ، وعلى الشعب أن يقبل به ويقبل الأيادي مثلما كان يُفعل مع سي السيد .

- الثورة بتتسرق لما الكل بيتكلم طوال 6 أشهر ولم نجد أحد يقوم بعملية تطهير كاملة .

المجالس المحلية لم تحل إلا بعد 4 أو 5 مسيرات في التحرير ؛ رؤساء التحرير في جرائد الحكومة لا يزالوا يجلسون على مقاعدهم ولم يتم محاسبتهم ؛ التليفزيون المصري والقنوات الفضائية التابعة للحكومة المصرية لا تزال كما هي ؛ رجال الدين الموالين للنظام لا يزالوا كما هم ولم يتم محاسبتهم ..

- الثورة بتتسرق حين يجلس المحامون ولا يطلبون تجديد القانون العقيم .

كان من باب أولى حين عُطل الدستور أن يطالب بنص قانوني جديد يحاسب كل فرد حسابا قويا ، حتى لا تسول للفرد نفسه أن يرتكب الجرائم التي تدين المجتمع وتشوه صورته إلى جانب الدين ، حين يجلسون صامتين ينتظرون محاكمة واهية لنظام فاسد ؛ ومع ذلك لا يحركون ساكنا - لا اقصد تلك الفئة التي تنادي بحقوق الوطن من المحامين الشرفاء لكن للاسف هؤلاء يذوبون في نسيج الصامتين - .

- الثورة بتتسرق لما الناس بتثق في الشرطة ..

الشرطة كان المفروض تعمل عملية تطهير وهيكلة مش نقل وكلام فارغ ، أيضا غرس في نفوس الضباط الصغار أن سيحدث فيهم مثلما حدث للكبار وللأسف لا الصغار عرفوا السبب ولا الكبار تمت محاسبتهم ..

- الثورة بتتسرق لما الناس اهتمت بالدستور أولا أم الانتخابات أولا ..

ونسينا إن النظام لم يحاسب بل نسينا ألا نوعي الناس سياسيا بما يتم وما يحدث وتركناهم ليتصارعوا الدستور أولا ام الانتخابات وأصبح هذا الشغل الشاغل ..

- الثورة بتتسرق لما الناس بتفكر النقود التي بالخارج كيف ستعود ؟

للأسف الناس غيبت بموضوع النقود ، ورسمت الأمال والأحلام ولعب البعض على تلك النقطة ولا تزال تنتظر كأن الثورة لم تقم ..

الثورة بتتسرق عشان حاجات كتير وكتير ، الثورة بتتسرق عشان الناس صامتة ، وناس تانية مش قادرة !!!

يمكن الثورة بتتسرق عشان فرحنا برحيل حسني وإننا ننظف الميدان بعد رحيله ونسينا ننظف البلد من نظامه !!!

أو يمكن عشان بيستخفوا بينا كشعب وبيحاولوا يضحكوا علينا بنفس الألعاب القديمة التي ياما اخذناها من نظام مبارك !!

أو يمكن بتتسرق عشان نحن تعودنا على السرقة ؟؟؟

اعتقد إن الحل يكمن في امرين لا ثالث لهما :

أولهما : أن تقوم ثورة تطهيرية تقوم على تطهير البلد من النظام كله ، بمحاكمات قوية سريعة ، فلا يهمنا ما سُرق ولكن يهمنا ألا يضيع ما في الأيدي الآن ..

لا نريد ثورة من الخارج ولكن نريد الحفاظ على ثروتنا التي في الداخل ، التهم الموجهة للنظام السابق بالاستيلاء على الأراضي يتم أخذها منهم مرة أخرى واعادتها للدولة ..

ارصدتهم التي في البنوك يتم مصادرتها لكي توضع في خزينة الدولة ..

ما تم بالأمر المباشر يعود مرة أخرى للدولة ..

ثاني امر هو : أن تقوم كل الأحزاب والحركات بالاتحاد فيما بينها ووضع لائحة المطالب والاصرار عليها ، وتكون لعبة سياسية من المقام الأول ، ووقتها إما مصلحة الوطن أو مصلحتهم الشخصية ويحكم عليهم الشعب ..

ولكني اعتقد أن الحل الأول هو الأوفر فاللعبة السياسية معروفة بقذارتها وإنها صاحبة المصلحة الشخصية فقط ..

ولكن يساورني قلق فظيع

فالقلق أن الثورة تسرق حتى النهاية وفي الآخر نعود لأسوأ مما كنا عليه ..

I.M.S.A

M.S.M.O

لؤي ليس بلطجي .... لؤي من الثوار الأحرار

2011-06-30T03:32:00.000+02:00

أعرف لؤي نجاتي منذ حوالي عام تقريبا،تعرفت عليه في أحد لقاءات آل تويتر ،شاب مصري صعيدي عنده 21 سنة بيدرس في أكاديمية الشروق قسم حاسبات ، و يجمعني مع لؤي تجربة لا تكرر مرة ثانية في العمر وهي نزولنا معا يوم 25 يناير ، إذا تحدثت عن صفاته وشخصيته قد يعتبرها البعض مبالغة مني لكن يمكن أن اكتفي بقول أن لؤي شخص يعتز الفرد بمعرفته وبالتأكيد الفرد لن يعتز بمعرفة وصداقة شخص بلطجي.

يوم 28 \6 لم يذهب لؤي إلي مسرح البالون بل كان في نقابة الصحفيين قبل بداية الأحداث في التحرير حسب شهادة الشهود وحسب تسلسل تويتاته التي يمكن أن تراها علي حسابه الشخصي هنا .

لؤي اتقبض عليه يوم 29 الصبح واتحقق معاه في النيابة العسكرية في الحي العاشر وآخر معلومة وصلت إنه اترحل للسجن الحربي والتهمة الموجة له إنه بلطجي و اشترك في أحداث مسرح البالون!!

لما لؤي يبقي بلطجي ؛ يبقي شلة العادلي وكلاب الداخلية والقناصة اللي لسه قاعدين في بيوتهم مع أهاليهم يبقوا ايه ؟؟!

لؤي كان بيصرخ امبارح وإنه هيتخنق من قنابل الغاز الجديدة واللي انتاجها 5\2011
واللي يدل علي إن في فلوس موجودة في البلد لدرجة إننا نجيب أنواع قنابل أقوي علشان نضرب الشعب بها لأوكمان المضروب بيها يترحل للسجن الحربي !!!

لما يكون شاب زي لؤي بيحلم يسيب بصمة في عالم الكمبيوتر مرمي في السجن ،واللي قتلوا الشعب ومصوا دمه وخربوا البلد قاعدين في التكييف مستريحين ولا كأن في حاجة حصلت يبقي ده اسمه ايه؟؟!

لؤي عمره ما كان بلطجي ده واحد من أشرف الناس اللي عرفتهم وجزمته برقبة ناس كتير ،لؤي مكانش نزل يخرب ولا يكسر ولا ينهب ،علي عكس ناس كانوا نازلين بسيوف وبيرقصوا ،علي عكس ناس كانت بتشتم بالأب وبالأم في ميكرفونات،علي عكس ناس كانت جايبة بلطجية حاطتها في صفوفها الأولية وبتضرب هي من وراها.

في زي لؤي كتير ،ممكن نكون سمعنا عنهم أو مسمعنش ،فاكرينهم أو نسينهم ،لكن التغيير ابتدي ودفعنا ثمنه دم في الميدان وفي كل ركن في مصر كان فيه أحرار من أهل البلد الطيبة دي ،ومش هنسمح بتكرار ما كان يحدث ،فاخضعوا لسنة الحياة أو القادم لن يكون سلمي كما سبق وستتصاعد حدة العنف أكثر فأكثر وعندها ستكونوا أنتم من تشعلون البلد حقا وتدفعونها في أتون مستعر .

صفحة التضامن مع لؤي

هذا أقل ما يمكن تقديمه لأخي العزيز لؤي في ذلك الوقت الذي أنا عاجز فيه عن تقديم أي مساعدة حقيقية وهو في السجن مع آخرين لا يختلفون كثيرا عنه.

عذرا علي عدم تماسك الموضوع لكن الله وحده يعلم كيف كتبت مثل هذه الكلمات وأدعو من الله أن لا يضع أحد في مثل هذا الموقف وأدعو الله أن يفك سجن لؤي وكل من هو مثله وان نأخذ القصاص العادل ممن قتلوا هذا الشعب وأفسدوا هذه البلد.

تـــــخـــــاريـــــــف ….

2011-06-23T18:16:00.001+02:00

عندما تشطح بخيالك وتفكر فيما قد يفيدك أو يضرك ؟ ، ينطلق إلى رأس الفرد دائما مضمون واحد ألا وهو المصلحة الشخصية ، ولكن دعونا من المصلحة الشخصية ولنتطرق إلى المصلحة الانسانية وبما إننا نتحدث عن الانسانية فأوفر شئ نتحدث عنه ونتريض في سماء معرفته هو المضمون للحق ؟؟؟

الحق في السعادة والصحة والحياة والحصول على المعلومات والتعليم وحرية العبادة والكثير من الحقوق التي يجب أن يحصل عليها الفرد لكونه انسانا ودعونا نسترسل في الحديث فإن تحدثنا عن الحقوق الضمنية للطبيعة البشرية أو مجرد الحق في كوننا بشرا ، فافكر فيما تفعله فينا الحكومات ذات الايديولوجيات المعينة أو ذات الدين المعين في فرض أيديولوجيتها أو مرسومها الديني على غيرها من البشر هذا من جانب !!!

الجانب الأخر هو حق المشاركة في الحقيقة أحادية المعنى والمرسوم التي تتبناها الدولة سواء كانت تلك الحقيقة هي أيديولوجية معينة أو دين محدد !!!

اعلم أن كثير سيقول ما هذا الرغي الذي لا طائل منه ولم نستفد بشئ نهائيا ؟ ، ولكن دعوني أوضح لكم الأمر ...

فمثلا ما قامت به الحكومات الايديولوجية ذات الطابع الشيوعي في فرض ايديولوجيتها على كافة صنوف البشر داخل ما عرف بالاتحاد السوفيتي ألم يكن طمسا لمعارف الحرية والحق والحياة نفسها ؟

كيف ذلك ؟

بسيطة جدا ، حينما تم فرض الشيوعية تمكنت الدولة من فرض الاستخدام الامني في البطش والتنكيل بكل من يعارض تلك الايديولوجية والقائه في غياهب سيبيريا لكونه قد أراد المشاركة في الحقيقة الأحادية !!!

فالحقيقة الأحادية تعطي دائما لصاحبها نزعة غريبة ونظرة أغرب فمن وجهة نظره إنه دائما الصواب ولا يتطرق إليه الخطأ نهائيا في قراراته أو حكمه وأحكامه وهذا يقوده إلى الضياع والانهيار على نحو تدريجي ولكنه لا يشعر به وهذا ما تم بالفعل مع دولة الايديولوجية الواحدة والمسماة بالاتحاد السوفيتي ...

اما بخصوص دولة الدين المحدد فالامر يحمل نفس الشق ، فحكم الدين يقع دائما على كاهل رجال الدين أو علمائه وحينها يتحولون تدريجيا ومع الوقت إلى كهنة وليس رجال دين ، وحين يتحولوا إلى كهنة يصلوا إلى درجة أنصاف آلهة وحينها يتحولون إلى الآلهة المطلقة وهو ما يدعوهم إلى النظر والتحكم في كافة أمور البشر ولا يحق للبشر المشاركة في الحقيقة أو التعديل فيها لأن الكهنة يرون أن الحكم صادر من الله ولا يعدل أو يتم الخروج عليه مستخدمين عباراتهم بأن هذا من حكم الله !!!

أجل إنهم يرون أن من حقهم الحكم على فلان أو علان الذي يعترض أو يريد المشاركة بالكفر والزندقة والعربدة ويطلقون المجتمع كله خلفه لكي يريد التخلص منه لأنه يعارض الله ولكنه في الحقيقة لم يعارض إلا بشر مثله ألا وهم رجال الدين ...

هذا المضمون ما تم بالفعل في الدولة الرومانية أو بمعنى أدق وأصلح الإمبراطورية الرومانية حين أصبح رجال اللاهوت كهنة ومحددي مصير أمة بأسرها فانقسمت الدولة الرومانية إلى بيزنطية ورومانية وسارعت إلى الانهيار لأن الكهة تدخلوا في مصير البشر فأصبح هذا في الجنة لأنه يدفع وهذا في النار لأنه ضعيف وفقير ولا يدفع !!!

ومن مجمل كلامي أريد أن أوضح أن دولة الأيديولوجية الواحد والدولة ذات الطابع الديني الواحد دولة تستخدم القمع في فرض نظريتها وقد تكون ناجحة في بداية الأمر ولكن مع مرور الوقت النظرة الأحادية للمتحكمين بها تجعل الفرد يصبو لمصاف الآلهة ويجعله لا يرى الأخطاء الجسيمة الناتجة عن قراراته لأنه يضع في قرارة نفسه أنه دائما على صواب والمشارك والباحث عن الحق ما هو إلا مخطئ ضال يريد هدم مجد ايديولوجيته وتفكيره العبقري فبالتالي يحكم عليه بالضياع والفناء ....

إن البحث عن أيديولوجية ثابتة أو دولة دينية محددة مجبر عليه البشر يقود دائما إلى الانهيار بل والبطش بكل من يعارض تلك الايديولوجية ...

في ظل هذا اعتقد أن على البشرية أن تعيش في منظومة ذات ايديولوجية متغيرة تبحث دائما عن الأفضل في تحقيق الأهداف ...

دولة ذات طابع ديني وليست ذات دين فرضي بل طابع ذو اضاءة وآراء ومشاركة دون نظرة أحادية للمتحكمين ...

فكل الأديان تدعو إلى المشاركة في الحق وعدم النظرة الأحادية فلماذا يصر عليها البشر ؟؟

كل الايديولوجيات الاحادية لا تقود إلا للضياع فلماذا يصرون عليها ؟؟

لهذا يجب طمس الآراء التي تقول بدولة أيديولوجية واحدة حتى تعلو النفس البشرية وتتحقق المشاركة في الحق وتسمو المصلحة الانسانية ..

أم أن كلامي مجرد تخاريف ؟؟؟

I.M.S.A

M.S.M.O

شكلي هكره الكشري ….

2011-06-18T17:44:00.001+02:00

احب دائما مادة التعبير ، إن عشقي لها أكثر من عشقي للمكرونة بالبشاميل – أنا أصلا ما بحبش المكرونة بالبشاميل تسوى إيه دي جنب طبق كشري من عند أبو طارق ؟ - بدأ ولعي بمادة التعبير حين كنت طالبا في المرحلة الإبتدائية وكنت دائما غتيت في معاندة مدرس اللغة العربية الذي كان يصر على وجود مقدمة سخيفة لأي موضوع تعبير بأنه موضوع مهم وحيوي ويستحق الكتابة عنه لإن مستقبل البلد يقف عليه – حتى ولو كنت بتكتب عن البلي المسافات الطويلة وجمعية أبلة نوال مين هيقبضها الأول والموضوع دا بالذات مهم وحيوي واقتصاد المدرسة كله واقف عليه – بعدها أصبحت مدرك تماما إن الأمر ما هو إلا امكانية كيف تحفظ وتصم وتنقش كل هذا أيها التلميذ العلامة في ورقة الاجابة ...

بعد ذلك كان هناك مادة الإملاء والتي كنا نكتب فيها حتى النفس الذي يتنفسه الأستاذ – تقريبا الباشا كان بيدربنا على كدا لأيام الجامعة – وفيه كان خطئي المستديم ألا وهو كتابة مصدر الفعل الخماسي بهمزة قطع بدلا من ألف الوصل وللسخرية لا أزال أعاني هذا الخطأ حتى وقتنا هذا - ..

حينما دخلت المرحلة المتوسطة " الثانوية العامة يعني " التقيت بنوع أخر من المدرسين لمادة اللغة العربية ، رجل مثقف بحق ، يقرأ في كافة المجالات ، ذو اطلاع واسع ..

اعجبتني ثقافته وفي أول سؤال له : حضرتك خريج إيه ؟ ، أجابني ويا ريته ما عمل بإنه خريج كلية دار العلوم جامعة القاهرة !! ؛ لم أكن اتوقع نهائيا أن يكون مصيري المنحوس – المرحلة الجامعية يعني – يكون كلية دار العلوم والتي تعلمت فيها شيئا كبيرا بصراحة عن النظام الجامعي أو بمعنى أدق وأصلح النظام في حياتنا … نظام الكوسة ؟!!!

ونظام الكوسة دا نظام كبير جدا لكن افضل دليل على وجود الكوسة هي تلك العبارة الرائعة والتي هي أقرب إلى الحقيقة من الخيال ، إن لم تكن الحقيقة بعينها والتي تقول :

إن أصبح نهر النيل طبيخا لما كفى طبخ الكوسة التي في مصر ..

استطيع أن اقول إنه خلال سنوات دراستي الجامعية استطيع القول على نظام التعليم نفسه :

إن أصبح المحيط بل إن أصبحت المحيطات كلها طبيخا لما كفت الكوسة المصرية !!!

أمر بديهي فما تربيت انت عليه داخل المدرسة أو المرحلة الابتدائية هو نفسه ما تجده في مراحل الحياة المختلفة كأنهم كانوا يدربونا منذ الصغر حتى نتعلم النقش في الكبر وليس على الحجر ، على سبيل المثال وليس الحصر :

ابن ابلة نوال بتاعة الجمعية أكيد فاكرينها يكون دائما أول الفصل مع إنه أغبى من أبلة نوال في توزيع الجمعية ونقول إيه المدرسين خايفين ما يقبضوش أول الشهر الجمعية ..

درس الإملاء الذي تكتب فيه كل نفس من أنفاس سيادة معالي المدرس وليس مستبعدا أن تكتب بكل صفاقة لقد كح الأستاذ – إلهي يزْوَر ونخلص من أمثاله - .

درس العلوم والذي تحفظ ما كتب في الكتاب وتنقشه في كراسة الاجابة بمنتهى الغباء لإن ابلة نوال لا تحب الشرح وخصوصا درس الأمراض التناسلية في السنة النهائية للإعدادية لا اعلم لماذا اصرت ابلة نوال على شرح الدرس حين يكون الفصل خالي من الأولاد – مكسوفة – طب أهي شرحت الدرس للديسكات – فصلنا كله أولاد يبقى درس وضاع ومطلوب الامتحان فيه - .

دروس الكيمياء والأحياء والفيزياء في الثانوية العامة كلها بدون معامل أو اختبارات – على ما اعتقد كلهم فاكرينا البرت آينشتين لسنا بحاجة لمعامل –

درس التاريخ والجغرافيا مصر حار صيفا معتدل ممطر شتاءا – امال البرد اللي بنعانيه دا ايه – اخرس يا ولد انت هتفهم اكثر من كتاب المدرسي ، لماذا اذن لم يتحدثوا عن سلالة قراقوش في التعليم ؟؟؟

نفس النقاط دي تجدها وبقوة في الجامعة خذ مثلا على سبيل المثال :

ابن الدكتور فلان أو بنت الدكتور علان لازم يكون أول الدفعة – تقريبا داخلين شركة في كشك أهو حاجة أكبر من جمعية أبلة نوال إلهي يكسفها - .

اكتب كل كلمة يقولها الدكتور حتى لو عطس أو شرب مياة – لقد عطس الدكتور وبرقع له إزازة مية - .

المعامل مقفولة على طلاب كلية علوم ذاكروا نظري يا أولاد لإن الدكتور عمل مكانكم التجارب – خونة ألا تثقون في الدوك ؟ - .

درس التاريخ إعلان أن جميع أعضاء هيئة التدريس من الابتدائي إلى الجامعة ابناء وأحفاد قراقوش المقرقش ويمكن يكون كمان المقرمش ..

درس الإحصاء تسجيل أعلى نسبة غباء عن العام الماضي ..

كل هذا داخل نظام تعليمي مقيد ومعقد كيف له التغيير على ما اعتقد إن العيب ليس فقط في الأنظمة والمناهج بل العيب في أمثال هؤلاء الذين تشربوا بالأنظمة ورضعوا المناهج ..

اتمنى أن نجد حلا قبل أن اكره الكشري واضعه في القائمة مع المكرونة بالبشاميل ...

I.M.S.A

M.S.M.O

تصريحات ملائكية

2011-06-13T18:36:00.001+02:00

نقاط ونقاط كثيرة يقف عليها الفرد حين يخاطبه أحد من الجماعات الإسلامية ، كيف ينشرون فكرهم ؟؟

كيف يتلفظون بأحكام غريبة ؟؟؟

كيف يكون خطابهم الديني ؟؟

كيف يدمرون مجتمعا إسلاميا صافيا بتشويههم لصورة الإسلام ؟؟

لهذا يجب أن نقف على بعض النقاط التي يسوقونها ونعرضها ، لعلها تكون صواب أو خطأ ولكنها مجرد نقاط من يراها حق يتبعها ومن يراها باطل يصدح بأعلى صوته ويقف ضدها ..

- يصر الأخوان والوهابيون دائما على تكفير كل من يعارضهم فكيف بالله عليكم سيكون هناك رأي ورأي أخر ؟؟

- معنى أن يُقال ليس هناك إلا خليفة واحد يحكم البلاد ، هذا معناه أن نعود مرة أخرى لنظام الحكم الفردي أو نظام الرئيس الموحد ، ومن خليفة لرئيس يا شعبي لا تفرح !!

- لا يستطيع أحد أن يحكم على الآخر بالكفر والضلال ، فكيف تحكم على غيرك حتى وإن كان من نفس دينك بالكفر لمجرد الحكم ، فهل هذا حكم يصدر من عقلاء ؟؟؟!!!

- القول بعودة نظام الحدود في الإسلام ألا يعلم هؤلاء أن نظام الحدود تم اسقاط معظمه في عهد الخليفة عمر بن الخطاب رضي الله عنه ؟؟؟

- حين اقول تطبيق الحدود مثل حد قطع اليد حين السرقة ألا يعلم هؤلاء إني اكلف المجتمع عالة جديدة عليه تتطلب أن يتم توفير كافة الخدمات لها ؟؟؟

- اتساءل حين يتم إثبات براءة أحدهم المتهم بالسرقة هل سيعوضوه بيد جديدة أم بتعويض مناسب ؟؟

- حين يقال إن الليبرالية هي العلمانية ، هي الالحاد ، هي الديمقراطية ، هي الكفر !! ما وجه الترابط بين هذه المصطلحات وبين تعريفاتهم ؟؟؟

- حين يتم تكفير القطب الأخر من المجتمع المصري ، لماذا يتم هذا ؟ هل اصبحتم تكفرون غيركم لمجرد التكفير أم لديكم براهين على كلامكم ؟ على ما أظن إنهم أهل ذمة ولكم أن تعلموا حكم أهل الذمة ...

- حين يتم المطالبة بطلب دفع الجزية اتعلم ما حكم الجزية من الأساس ، هو أن توفر لهم الأمن والأمان وما يشاركوش في الدفاع عن البلد !!! ودا عكس ما يحدث تماما ...

- اصدار احدكم التصريحات بأنه سينهي الخمور من البلاد !! على أساس إن البلاد حللت الخمور والناس تشرب الخمر في الشارع طوال النهار والليل ؟؟

- تضاربكم بالأقوال يوم بعد يوم ، هل هذا معناه عدم وجود قيادة حكيمة بينكم أم تشاور وإن كنتم ترفضون الديمقراطية فلماذا إذن شورى الجماعة ؟؟

- حين تقولون لا وجود إلا لشورى الجماعة فهل هذا معناه أن اهل الحل والعقد هم المسئولين عن مصير أمة بأكملها ، حسنا من يعينهم ومن يختارهم ومن يصدر الحكم عليهم ؟؟؟

- إن كنتم ترون أن البرلمان أو مجلس الشعب شئ مزور وشئ غير إسلامي لماذا إذن تسعون بأيديكم أرجلكم لكي تنتسبوا إليه ؟؟

- إن كنتم تثورون من أجل كاميليا أو وفاء أو حتى عبير أهذا يعني أن حرية العبادة غير مكفولة فَمَنْ شاءَ فَلْـيُؤْمِنْ وَمَنْ شاءَ فَلْـيَكْفُرْ ...

- إن كنتم لا تريدون الغرب أن يعامل الأقلية المسلمة بسوء في الخارج إذن لماذا تعاملوا الأقلية هنا بما يسئ إليهم ويجرحهم ، أليس الدين لله والوطن للجميع ...

تصريحات كثيرة وكثيرة يقف عليها الفرد يحاول أن يصل بصوته إلى العقل ، إلى المضمون ، إلى المنطق في التعامل ، فهل من يصيح معي ويقول لن اسمح لكم بتشويه العقل والمنطق والأهم من ذلك عدم تشويه الدين !!!!

أم سيظل دور الجليس الصامت مخيما على الأجواء ؟؟؟!!!

I.M.S.A

M.S.M.O

أنا اسـف يـا ريـس … يـا ريـتـك تـقـبـل !!!!

2011-06-06T14:36:00.001+02:00

- انا اسف ياريس .... علشان عملت مكتبة الاسكندرية

لان حضرتك بنيتها وشيلت الطوب والاسمنت لوحدك وشيدتها .

- انا اسف ياريس ....علشان عملت اربع اقمار صناعية

صح يا ريس مش فرنسا اللي عملتهم ، ولا انهم اقمار صناعية للاتصالات ومع ذلك معندناش نت اقمار صناعية ولا هواتف اقمار صناعية .

- انا اسف ياريس .... علشان عملت مدينة الانتاج الاعلامي

صح يا ريس اكبر مدينة فيها سرقة وكانوا بيقولوا انها هتبقى هوليوود الشرق وطلعت شرق الدلتا ..

- انا اسف ياريس .... علشان عملت كوبري السلام فوق قناة السويس

ايوة يا ريس انت عملت البلد كلها كباري وخصوصا كوبري فوق قناة السويس اللي عملت لها برضو قانون 1 لسنة 1998 .

- انا اسف ياريس علشان ربطت قنا وسوهاج بالبحر الاحمر

صح يا ريس وتكلفة المشروع 6 مليار و100 مليون والله اعلم كان في جيب مين الفروق دي ..

- انا اسق ياريس علشان جعلت شرم الشيخ والغردقة اجمل مدن العالم

صح يا ريس وخليت حسين سالم هو الملك المتوج لشرم والغردقة ، دا كفاية قصرك يا ريس ..

- انا اسف ياريس .... علشان جعلت الاقصر اكبر متحف في العالم

ايوة يا ريس دا حتى حضرتك اللي نقلت معبد ابو سمبل بنفسك ، مش ملك مصر ..

- انا اسف ياريس .... علشان حميت مصر من الارهاب والجماعات الارهابية

صح يا ريس وجلبت بعضها هنا ، دا كفاية يا ريس انك محكمتش على قاتل رئيس دولة سابق بالاعدام ..

- انا اسف ياريس .... علشان رجعت علاقتنا مع الدول العربية

اكيد يا ريس وهم رجعوها بعد وفاة السادات اللي بكوا انهم موافقوش على اتفاقيته ..

- انا اسف ياريس .... علشان عملت معبر رفح

وقفلته في وش الفلسطينين يا ريس ، حتى في ايام ضرب غزة ..

- انا اسف ياريس علشان ساهمت في تحرير الكويت وحميت السعودية

شاهدين يا ريس قواتنا خدت على دماغها والامريكان حصدوا الاوسمة والتهنئة وانهم أصحاب الفضل

- انا اسف ياريس .... علشان كنت اول رئيس عربي يفك الحصار علي ليبيا

وخليت القذافي يفضل موجود واهو الشعب الليبي بيعاني من عبطه " للأمانة الوطن لعربي كله بيعاني منه "

- انا اسف ياريس .... علشان رجعت علاقتنا مع الجزائر بعد ماتش ام درمان

وخليت كل واحد يهينا يا ريس وفي الآخر بقينا ملطشة ..

- انا اسف ياريس .... علشان انشأت 5 محافظات مدمرة بعد حرب 1973

ايه يا ريس انت كمان مكنتش عايز تطور دا كفاية اللي حصل في محافظتي حلوان و 6 اكتوبر ..

- انا اسف ياريس .... علشان انشأت مشروع توشكي

ايوة يا ريس والوليد بن طلال خده كله ، دا غير خسايره وانك مشيت فيه للآخر عشان غرورك بس يا ريس ..

- انا اسف ياريس ..... علشان انشأت مدن جديدة

اكيد دي بقى يا ريس هو اه موفرتش فيها خدمات كويسة لكنك بنيت مدن جديدة يعني 30 سنة من غير عمار دي تبقى خيبة بالويبة .

- انا اسف ياريس .... علشان انشأت جامعات علمت الناس

اهي دي بقى بجد يا ريس ، جامعات خاصة ومعاهد خاصة كلها معادلة وفي الآخر سياسة التعليم هي هي من 30 سنة ، احفظ ، صم ، انقش في ورقة الاجابة ..

- انا أسف ياريس ..... علشان كنت مانع الفتنة الطائفية

ايوة يا ريس محصلتش كتير في اخر 10 سنين يدوبك هي حادثة القديسين بس .

- انا اسف ياريس ..... علشان سددت ديونا من 60 مليار ..الي 24 مليار فقط

وكل واحد من حاشيتك يا ريس معاهم كلهم اكثر من ال 60 مليار ، طب يا ريتك كنت حاسبتهم على الاقل كنت سددت الديون .

- انا اسف ياريس .... علشان كان احتياطنا صفر ...بقي 36 مليار دولار

بركة ضرائب بطرس غالي يا ريس ومع ذلك شعبك مشفش الحياة ، لازم نحدد النسل يا ريس ..

- انا اسف ياريس .... علشان مشروع ابني بيتك السكني

ايوة يا ريس اهو مشروع ابني كوخك دا بالذات محفل للجميع ، اخد 150 متر وابني على 75 متر بس يا ريس ، لا تمام اوي ، وكمان الحديد يوميها كان ب 10000 جنيه للطن ، ونعم يا ريس ..

- انا اسف ياريس .... علشان جذبت كل الشركات العالمية " مرسيدس - كارفور - هايبر ون - سيتي ستارز- اعمار - داماك –

الفطيم -الراجحي - سباك -شل- بتروناس -ستيل ميتال "

وبقوا هم أصحاب البلد واحنا الضيوف يا ريس بسبب اتفاقياتك ومعاهداتك وشروطك ليهم ...

- انا اسف ياريس ..... علشان عشنا في امان لمدة 30 سنة

ايوة يا ريس وخليتنا ملطشة لكل واحد من امريكا واسرائيل لاثيوبيا ، وكمان يا ريس بقت البلد بتاعت رجالتك واحنا ضيوف فيها ..

- انا اسف ياريس ...... علشان ضاع من عمرك 62 سنة في خدمة شعبك

واحتكرت شعبك واحتقرته " الكاف والقاف " وعيشته في مهانة طول 30 سنة من عمرك ..

- انا اسف ياريس ..... علشان كنت قائد القوات الجوية في حرب 1973

ونسبت الحرب كلها لنفسك يا ريس بقدرة قادر من مجرد قائد سلاح لصاحب حرب بأكملها كإنك كنت بتحارب لوحدك ، زي ما ممتاز القط قال عنك ..

- انا اسف ياريس ....... علشان معدل النمو الاقتصادي كان الاعلي في المنطقة لمدة 3سنوات "7%"

45% من المصريين يعيشون تحت خط الفقر بأقل من دولار فى اليوم.

46% من الأسر المصرية لا تجد الطعام الكافى للحركة والنشاط.

88 ألفاً و779 قتيلاً و379 ألفاً و233 مصاباً بسبب حوادث الطرق فى الفترة من 1990 إلى 2006، وهو ما يمنح مصر المركز الأول على مستوى العالم - مركز أول يا ولاد افرحوا وقولوا هيه هيه -

7394 حادثاً بقطاع السكة الحديد فى الفترة من 2000 إلى 2006 أسفرت عن مصرع 573 شخصاً وإصابة 805 آخرين، كما أن لدينا 4 مليارات جنيه خسائر سنوية بسبب حوادث الطرق

39 ملياراً و373 مليوناً و524 ألف جنيه أموالاً و370441 فداناً دارت حولها أخبار الفساد المالى والإدارى والإهمال وإهدار المال العام فى الفترة من أبريل 2008 إلى يناير 2009

- انا اسف ياريس ...... علشان رغيف العيش كان ب 5 قروش لمدة 30 سنة

ايوة يا ريس وكان مليان مسامير وطوب وزلط وسجاير كمان ..

- انا اسف ياريس ....... علشان 60 مليون لهم تموين شهري .... لم ينقطع مرة واحدة

ومع ذلك كانوا بيدفعوا من تحت لتحت عشان يحصلوا عليه و 12 مليون مصرى دون مأوى، منهم مليون ونصف المليون يعيشون فى المقابر...

- انا اسف ياريس ...... علشان سعر لتر البنزين اقل من سعر لتر المية المعدنية..

ومع ذلك كنت تضحك علينا بكلمة الدعم ، رغم انه بيطلع من ارضنا ويرجع يباع لنا ، يبقى فين الدعم ، ولا اقولك شوف اتفاقية الغاز يا ريس والقتل على الانابيب في مصر ..

- انا اسف ياريس ........ علشان قضيت علي امراض مثل الملاريا – والبلهارسيا – وشلل الاطفال

وانتشر في عهدك الفشل الكلوي ، والكبد والسكر والسرطان ..

- انا اسف ياريس ......... علشان معدل الفقر انخفض الي 20 %

مصر تحتل المركز 57 من بين 60 دولة فى تقرير البؤس العالمى.

- انا اسف ياريس .........علشان متوسط عمر المصري ارتفع الي 72

يا سلام ، دا متوسط عمرنا ارتفع محدش راجع نسبة الوفيات في مصر ..

- انا اسف ياريس .......... علشان نسبة الوفيات في مصر انخفض الي 19 في الالف

أعلى معدل لوفيات الأطفال فى العالم بواقع 50 طفلاً لكل 1000 مولود.

- انا اسف ياريس ............. علشان عملت معرض الكتاب الدولي

ومع ذلك ليس لدينا ابداع في الفترات الاخيرة ، لإن كله حفظ ومفيش ثقافة ..

- انا اسف ياريس ............ علشان مهرجان القراءة للجميع

وحضرتك دا تبعك ولا تبع المدام ؟

- انا اسف ياريس .......... علشان انشأت وحدات صحية في جميع القري

ايه يا ريس انت مكنتش عايز تنشئ وحدات صحية ، برغم كل البلاوي دي وفترة رئاستك اللي بقالها 30 سنة ..

- انا اسف ياريس .......... علشان عملت مراكز ثقافة في جميع القري

ومفيهاش كتب عدلة يا ريس كل ما نسأل على حاجة مش موجودة ..

- انا اسف ياريس ............. علشان عملت الخط الدولي للغاز من مصر وفلسطين واردن وسوريا ولبنان وتركيا ورومانيا

واسرائيل يا ريس متنساش والتكلفة اقل تكلفة ممكن حد يعملها في حياته ..

- انا اسف ياريس ....علشان ربطت شبكة الكهرباء للدول العربية

ومع ذلك معندناش كهرباء في بعض المناطق والقرى والنجوع يا ريس ، ولا حتى محطة طاقة نووية ..

- انا اسف ياريس .......... علشان عملت مطار القاهرة .... عروسة المطارات في العالم

ايه دا يا ريس ؟ طب مفيش تعليق على باقي مطارات العالم ، ولا شفيق مشاركش لا هو ولا منير ثابت في المطار ؟؟

- انا اسف ياريس ........... علشان عملت التامين الصحي ل 55 مليون شخص

والشعب 80 مليون ، وفيه اكثر من ال55 مليون مبيعرفوش يوفروا التأمين وراجع مستوى مستشفيات التأمين الصحي يا ريس وقرارات وزير الصحة باشا في عهدك في أواخر عهدك لما الناس اعترضت على الغاء التأمين الصحي ..

- انا اسف ياريس ..........علشان رجعت اسم محمد نجيب – والملك فاروق الي كتب التاريخ

وشطبت كل علمائنا ومثقفينا ونفيتهم برة البلد ..

- انا اسف ياريس ............ علشان ساهمت في تحرير سيناء

ووقعت البلد كلها تحت الاستعمار الاقتصادي ..

- انا اسف ياريس ............ علشان حررت طابا

كنت بتنفذ اتفاقية يا ريس ..

- انا اسف ياريس ............ علشان اصبح هناك 3 شبكات محمول ....وفي ايد كل واحد تليفون

ايوة يا ريس وكان المواطن بيموت على رغيف العيش ولهيته بالموبايلات والنت ومن غير فائدة ولا توجيه ..

انا اسف فعلا يا ريس ويا ريتك بس تقبل ...

I.M.S.A

M.S.M.O

لا شئ.......!!

2011-06-05T20:52:00.000+02:00

فوضي المكان تحيط بي

الزمان متداخل مع الأشياء

أبعاد الكون اصبحت خيط رفيع

أنا في وسط كل هذا لاشئ

مجرد لا شئ لا يدري كونه لاشئ

مجرد صفر علي الشمال

لا يمثل قيمة في خط الأعداد

مجرد نقطة في فراغ سرمدي

تبحث عن كينونية حياتها

ما بين خيوط الكون

في وسط اركان العالم الأربع

مجرد ملاح تائه في بحر الوجود العبثي

يدرك صدق الهلاك ويخلق أوهام الحياة

يصدق الكذب ويكذب الحقيقة

حتي لا يدرك إنه مجرد لاشئ

بل حتي لا يدرك إننا جميعا لاشئ

نصدق أكاذيبنا لأننا لا نتحمل شمس الحقيقة

نفضل الخداع عن الصراحة

ولذلك سنظل نمارس عبثية الحياة بكل صدق وبكل استمتاع

واللعنة علي من يحاول أن يري

لأنه سيدرك عندها كم هي عميقة جحور الأرانب

وبإنه لم يوجد إلا ليظل داخل الجحور

فهنيئا لسكان الجحور

واللعنة علي .................

قتل أصحاب الجحور

من خط هذه الكلمات

لأنه صبأ عنهم

وأراد أن يري الحقيقة

أو هكذا خيل له بأنه يري

الحركة الشعبية ضد استخدام الشعارات الدينية .. شارك وتفاعل …

2011-06-02T15:59:00.001+02:00

الحركة الشعبية ضد استخدام الشعارات الدينية ..

هذا هو اسم الجروب الذي يسعى بشدة لعدم اللعب بالشعارات الدينية في الانتخابات البرلمانية المقبلة ، تلك الشعارات التي يستخدمها البعض لكي يفهم العامة والبسطاء إنها الدين الحق وأن ما دونها ليس الدين ، فيكون الوقوف أمامهم هو وقوف أمام ارادة الله ، وأمره على الأرض وهذا غير صحيح بالمرة ...

الفكرة جاءت إلى الصديق خالد أبو عليو ، طرقت باب عقله لتعلن عن ارادة وعزيمة وعن ايمان راسخ بأنه لا يريد أحد يستغفله باسم الدين ، رأى في نفسه إنه أحق بأن يوعي الناس من الاستخدام الخاطئ للشعارات الدينية ، حتى لا يتم الاستخدام السئ كما حدث يوم الاستفتاء على الدستور والذي رأى الجميع كيف انتشرت ظاهرة نعم تدخل الجنة وتأخذ رضا الله وبركاته وأن “لأ” تعني زجك في أسفل درك من الجحيم ..

كل الشرفاء والمفكرين والباحثين عن الحقوق والحرية والعدالة وتكافؤ الفرص ، يرون أن المواجهة المباشرة دون لف أو دوران هي أقصر الطرق لكي تربح هدفك هذا إن كان هذا الهدف هو مصلحة الوطن في المقام الأول وأيضا حتى لا يفهم البعض خطأً أن هذا الهدف من شأنه إعلاء راية الدين الذي يدين به أي فرد – سماوي أو أرضي – لهذا يبحثون عن برامج وخطوات لكي نسير عليها من أجل بناء المجتمع ..

" انا مسلم لكني لست أخوانيا أو سلفيا "

عبارة يجب أن يعيها كل انسان يعيش في هذا الوطن ، أجل أنا مسلم موحد بالله ، أؤمن أن محمدا هو رسول الله ، وكتابه المنزل عن طريق الوحي هو القرآن ولكني لا اقبل وصاية أحد من يمثلون الدين داخل أنفسهم ويرون إنهم الحق دون غيرهم من البشر ، يرون أنهم الأوصياء يحكمون على هذا ، يكفرون هذا أو يأسلمون ذاك ، علاقتي بربي هي علاقة تربطني بالله لأنه سبحانه وتعالى قال لا وسيط بيني وبين عبدي ..

" الإسلام أو المسيحية كأديان منزهة عن الاستخدامات الدنيوية "

هذه هي النظرة ، الإسلام أو المسيحية كأديان أعظم بكثير من الاستخدامات في أغراض دنيوية ، الاستخدام للشعارات الدينية بحكم إنها من الدين أي صورة من الصور التي تستخدم في خدمة أفراد ويقال إنها لخدمة الدين ، هو أمر يبغضه أي فرد ، إن كنت تريد مصلحتك وأن تعلو أو تكسب مقعد في مجلس الشعب أو الشورى لا داعي لأن تقول أن هذا من أجل الدين ، فالدين لا ينتظرك لكي ينتمي إليك ، بل انت كفرد تنتمي له ، فعليك بالعمل تماما لكي تنتمي له وتثبت إنك تريد رفعته ، مقعد مجلس الشعب أو الشورى لن يجعلك تخدم الدين ، بل يجعلك تخدم الأفراد في هذا المجتمع ، هذا المجتمع الذي يحوي داخله المسلم والمسيحي والبهائي والعلماني والملحد والمفكر والجاهل ، المهندس والطبيب ، المعلم والضابط لأنهم جميعا يحملون شيئا واحدا في خانة الجنسية " مصري "

اعود واوضح نقطة بإدراج سؤال :

لماذا انشأنا صفحة " الحركة الشعبية ضد استخدام الشعارات الدينية "

حين انشأ خالد الصفحة لم أكن منتمي إليها بل مجرد فكرة قالها لي هذا الصديق ، هي عن رغبته في أن كل فرد يجب أن يكون لديه الارادة لعدم تقبل أمر يسئ إلى هذا البلد ، إذن يجمعني به حب هذا البلد والكره في استخدام الشعارات من اجل مصالح شخصية ، لهذا اخبرته عن نيتي في المشاركة في الصفحة وأصبح الأمر هو عدم تقبلنا استخدام أي فرد الشعارات من أجل تحقيق هدفه والراية المرفوعة هو خدمة دين أو جماعة ، لهذا فكرنا إننا نقوم بعمل فرق كاملة مهمتها هي تصوير أي استخدام سئ للشعارات الدينية بمعنى إن اراد فرد الدخول في الانتخابات عليه أن يقدم البرنامج الذي يخدم به دائرته وليس النجاح بسبب قوله " الاسلام هو الحل " أو " اختارني لإنها إرادة الله "

هذه الطريقة التي تثبت إنه يضحك على هذا أو ذاك بعبارة دينية بحتة تجعلنا نقف ونسأل لماذا ؟

نحن نعرف إنكم لا تريدون مصلحة هذا الوطن فإن كنتم تريدون رفعته خوضوا الامور بصراحة ودقة دون استخدام شعارات ولوجوهات أو توزيع أموال على الفقراء والبسطاء ، يجب ان تعلموا شيئا لن نقبل أن يستخف أحد بعقولنا مرة أخرى ، لسنا شعبا غبيا ، بل شعبا واعيا يرفض أي نوع من فرض السيطرة والاحتكار العقلي فلم ننتهي من عصر المفكر الأوحد لندخل في عصر المفكر الأعلى !!!

الأمر حين بدأ في رأس خالد ورأسي لم يكن لمجرد إننا نريد منع الأخوان أو السلفيون من خوض الانتخابات بل ليخوضوها كما يريدون ولكن ...

دون الاستخفاف بنا ، عدم الضحك على بسطاء هذا الوطن ، السيطرة على الجهلاء من ابنائه باسم الدين وأن هذه هي إرادة الله ، فالله تعالى الذي يؤمن به أي انسان هو منزه تماما عن الاغراض الدنيوية ، إن كنتم تريدون العمل في الحياة السياسية فاجعلوا الدين منزه عن دهاليزها التي الجميع يعلم كيف تبدو ؟

أحب أن انوه أيضا أن فكرة الصفحة ليست ضد الشعارات الدينية فقط بل ضد أي ما يسئ إلى المجتمع المصري ، أو لحياة المواطن المصري ، هي صفحة حين تم انشاؤها كانت الفكرة لمواجهة الاستخدام السئ للشعارات الدينية في الانتخابات ولكن في حقيقة الأمر هي مواجهة الاستخدام السئ لأي شعارات أو أي شئ يسئ للمواطن المصري ، في الانتخابات في الحياة اليومية وخلافه ..

لماذا نحارب هذه الألوان من الاستغلال للبسطاء ؟

نحن نعلن عن وجودنا ، نقول إننا موجودون ، نريد العمل بقوة عن طريق طاقات المجتمع المصري من أجل توضيح أمرين ، الأول هو إن الجماعات الدينية لا تسيطر على الشارع المصري بأكمله وإنهم إن أرادوا دخول الساحة السياسية فلكونهم أحزاب وليس لكونهم جماعات ، الثاني : هو توضيح إننا لن نصمت على استغفال أي مواطن مصري مرة أخرى فالثورة قامت لكي تطهرنا من الاستغلال ، ولن نخرج من استغلال الواطي اللاديمقراطي لكي أقع داخل استغلال دنيوي باسم الدين ..

حسنا السؤال المتوقع هو كيفية العمل أو المطلوب تنفيذه ؟

نرى أن كل فرد هو مسئول مسئولية كاملة طالما يحمل عقلا يفكر ، فالمسئولية ليست واقعة على كاهله لأنها فرض عليه ، بل لكونه يشعر بها ، لهذا عليه أن يفكر كيف يخدم القضية التي نحن فيها ، كل مواطن عليه أن يصور أي تجاوز في الانتخابات أو الاستخدام السئ للشعارات ويصور الحدث ويقوم بعمل محضر عن تلك الواقعة ، وعن طريق محامين شرفاء متطوعين للعمل الميداني نستطيع أن نقلل من الاستخدام السئ للشعارات سواء كانت دينية أو أي شئ أخر ، استخدام نفوذ الاموال أو البلطجة ، وعلينا أن نحمي بلدنا ، لأنها مصرنا وليست مصرهم ..

المطلوب من هذا البوست :

هو تجميع أكبر عدد من المصريين الشرفاء للإعلان عن نفسنا إننا موجودون ، نحب بلدنا ، نكره من يسئ إليها ، نحب ديننا ، نكره من يسئ إليه ، نريد العدالة والحق والحرية ، ولكن بصورتهم الحقيقية وليست كصورة تقال ولا تنفذ ..

هل هو مجرد حلم ؟

هو ليس حلم ، اقول إننا موجودين الآن وغدا وكل يوم وكل زمان ومكان ، إن خسرنا في تحجيم دوركم في تلك المرحلة ، فلن نخسر في تحجيم دوركم في المرحلة القادمة لأن في المستقبل سوف نصل لكل مصري ونقول له انت مصري ، ولا تسمح لأحد بالضحك عليك باسم الدين ، ولا باسم الله ، لأن الله تعالى والدين منزهين عن التدوال البشري ذا المصلحة الشخصية ..

نسبة نجاحنا ، يراها المتفاءل لا تتجاوز الواحد في المليار ، ولكن كما بدأت الثورة بحلم الخلاص من طغيان حاكم ، أظن أن حلم الشعب الواعي يبدأ بفرد يفهم ..

*******

لا ادري لماذا قمت بكتابة تلك التدوينة ونشرها ولكني أرى أن من واجبنا البحث عن وطن أفضل بل وطننا بصورة أفضل ، فما أفضل من الانتقال من العمل في العالم الافتراضي إلى العالم الواقعي ، حلم يجتاحني ولكني لا افقد الامل تماما ، غدا أو بعد غدٍ سأرى ملايين تشارك معي هذا الحلم ، وانا اعلم أن هناك كثيرين يشاركونني هذا الحلم من المدونين الخائفين حقيقة على هذا الوطن ..

اعتبر هذا واجب تدويني اتمنى من كل المدونين المشاركة معنا في الجروب والاعلان عنه في مدوناتهم واذكر من المدونين الشرفاء والمفكرين والمحبين لهذا الوطن :

تيرز مدونة دموع قد تكون حزن أو فرح .

رحاب صالح مدونة حياتي لكن مش حرة فيها .

الفيرا مدونة كاليجولا .

فينوس مدونة مس فينوس .

غادة محسن مدونة بستان افكاري .

شاب فقري مدونة يوميات شاب فقري .

شيماء مدونة شوية فضفضة .

ميجو مشمش مدونة البلكونة .

د/دودي مدونة رفايع .

هؤلاء تم ذكرهم دون تخصيص ودون اسبقية ، ودون أن يشك أحد إني نسيته من الذكر في هذا الواجب ، فكل من يرى في نفسه مقدرة على نشر فكرة الجروب أو العمل معنا او إنشاء جروب يماثل نفس فكرة الجروب الخاص بنا وينشره ويطلب مننا العمل معه نحن على اتم استعداد لذلك ، فالغاية التي تجمعنا جميعا هي حب هذا البلد ورفعة شأنه ..

تـحـيـاتـي لـكـم

I.M.S.A

M.S.M.O

إزاي وامتى أو امتى وإزاي ؟؟ بتفرق كتير

2011-05-26T20:08:00.001+02:00

إزاي وامتى أو امتى وإزاي ؟؟؟

دي ادوات الاستفهام اللي بتسبق أي سؤال يكون في حياتنا اليومية ، لكن هناك فرق بين اللي بيفكروا في حياتهم بكرة ؟؟

وبين اللي بيفكروا في حياتهم النهاردا ؟؟

اللي بيفكروا في حياتهم بكرة دايما بتبقى اداة الاستفهام هي ازاي ؟

لكن اللي بيفكروا في حياتهم النهاردا دايما بتبقى اداة الاستفهام هي امتى ؟

واكبر دليل على التفرقة دي هو الشعب العربي على وجه الخصوص ، والشعب الأوروبي والامريكي ولن اقول الاسرائيلي أيضا ..

يعني ايه ؟

بسيطة جدا الشعب العربي كله بيفكر في حياته بطريقة اليوم الواحد يعني بتسبق حياته اداة الاستفهام امتى ؟ قبل كل سؤال ...

تعالوا نطبق ونشوف ولو غلطان حد يغلطني ولو صح حد يقولي انت صح ...

الشعب العربي عامةً في تفكيره كله يقولك :

امتى فلان دا يمشي ؟

امتى الفلوس المنهوبة ترجع ؟

امتى الظلم ينتهي ؟

امتى نتقدم ؟

امتى نحقق الحلم ونبقى دول عظمى ؟

امتى نكون احسن ناس ؟

امتى وامتى وامتى لغاية ما زهقنا من اداة امتى دي !!!

لكن الشعوب اللي بتفكر في بكرة بتفكر بالاداة إزاي ؟؟

خد عندك مثلا الشعب الامريكي او الاسرائيلي – بما انهم الاعداء الدائمين لينا – الشعب دا بيفكر بالطريقة دي :

إزاي ندمر اللي ادامنا ؟

إزاي نكون دول متقدمة اكثر من الكل ؟

إزاي نخلص على الظلم اللي بيحيط بينا ؟

إزاي نشوف بكرة لأولادنا ؟

إزاي نخترق الفضاء ؟

إزاي نكون أقوى دول في العالم ؟

وبكدا يتضح الفرق بين الدول العربية والدول الأخرى ، الفرق بين امتى وإزاي واقف على حاجات كتير مثلا ...

امتى دي بتديك الطريقة انك تسيب الامور كلها لغاية ما ييجي حد غيرك يحلها ، وبعد ما يحلها تستفيد انت ومثال عندنا في مصر .

امتى نظام حسني يغور ؟

مكنش هيغور غير لما ناس معينة طبقت نظام إزاي – مش بتاعة محمد منير – ولما طبقوا نظام ازاي خططوا لبكرة فخلوه يمشي ، ووقتها رجع الناس لنظام امتى عشان يشوف يومه هيكون ظروفه ايه ؟؟

امتى الفلوس المنهوبة ترجع ؟

يا ترى لو قلنا امتى يبقى قصدنا هترجع النهاردا ولا بكرة ولكن لو قلنا ازاي ترججع هنبص ونشوف الطرق كلها اللي تخلي الواحد يفكر بكل طريقة انه يرجع الفلوس دي ويشوف الحلول المناسبة عشان فلوسنا ما تضعش نهائي ونقدر نرجعها ..

امتى تنتهي المحاكمات والناس دي تاخد جزاءها ؟

برضو نظام امتى اللي بيخلينا نفكر في حاجات معينة امتى المحاكمة تخلص النهاردا عشان نارنا تبرد او حتى يضحكوا علينا ، ومجاش في دماغنا ولو لثانية نظام ازاي ، عن طريق محاكمات عادلة والحكم يكون واضح وصريح من غير تأجيل والكلام العبيط اللي بيحصل دايما ..

امتى الحياة ترجع زي ما كانت ونبقى دول متقدمة زي ما بنحلم ؟

هو نفس نظام امتى ، منتظرين الفرج دون تقديم الحلول بنظام ازاي ؟؟ ، الحل اننا نخطط لمستقبلنا وعودة الحياة بدل الطريقة اللي بتحصل دي لازم نفكر بنظام ازاي عشان نتقدم ويبقى عندنا رقي ..

النظام السابق علمنا نظام امتى وبقينا متواكلين عليه جدا ، لم يعد لدينا فكرة نظام ازاي عشان يبقى فيه تخطيط وووو ..

لا لازم نظام امتى واداة الاستفهام العقيمة اللي بتسبق الحياة عندنا ، واللي الغرب بينفذها في اخر مراحل التخطيط مش في بدايته ..

خد عندك مثلا حين يخططوا لرحلة عادية – سافاري مثلا – يبدأ الأمور ع النحو التالي :

ازاي الرحلة دي هتطلع ؟

يعني هنعمل ايه ؟ ، الأماكن اللي هنزورها ؟ ، البرنامج ؟ تكلفتها كام ؟

وفي النهاية بعد ما يوفروا كل دا يدوروا ع الميعاد المناسب ويقولوا امتى ؟

ويدوروا ويشوفوا انسب المواعيد ..

لو عكسنا الامر عندنا في الدول العربية خد عندك أول سؤال هتسأله :

امتى الرحلة هتطلع ؟

مهما كان من غير ما تسأل عن التكاليف ، أو البرنامج أو المسئول ، لأ دا كله بتركنه وتسأل على طول امتى ؟

نظام امتى اللي ارتبط بينا منذ بدء الخليقة وفي نفوس المواطن المصري والعربي يجب أن يتغير يجب أن يذهب إلى الجحيم علينا أن نتعلم شيئا واحدا أن نظام السؤال باداة الاستفهام امتى يأتي في النهاية مش في البداية ..

وقتها بس هنبقى دول متقدمة لإننا هنخطط ونرجع لمجال التخطيط اللي احنا ما بقيناش نعرف عنه ولو واحد على عشرة ، ووقتها مش هننتظر نرجع فلوس منهوبة ولا نحاكم فاسدين ولا ترجع الحياة للاستقرار ..

لكن هنخطط عشان نعمل دا كله بطريقة ازاي ..

الناس تطبق الفكر الترتيبي وليس الفكر المفاجئ او بمعنى اصح نظام لازم يكون دلوقتي ؟

لازم تفكر ازاي تنفذ كل حاجة انت عايزها وبعد كدا تيجي اداة امتى ونبطل نحط اداة امتى قبل كل حاجة بنفكر فيها ...

هو دا الفرق بين نظام السؤال بامتى ونظام السؤال بإزاي ..

وبين امتى وازاي فروق كتير اوي يا ريت نعرفها ونستفيد منها ..

I.M.S.A

M.S.M.O

يلا يا زنــديــــق يـــا ابــــن الـــــ ….

2011-05-18T15:50:00.006+02:00

المكان : أحد الأماكن . …

الزمان : عدة أيام آخرهم بالأمس ..

الأشخاص : معيد بكلية تربية رياضية وخريج من نفس الكلية ..

معيد بكلية تربية أساسي …

دبلوم صنايع قسم اليكترونيات وقسم ثاني لا اعلمه …

الحدث كالآتي :

كنا بنتكلم عن الدولة وحالها وخصوصا ما يحدث في تلك الأيام من الأقاويل وأحداث امبابة وما يحدث بسبب الفتنة الطائفية وكالعادة جالس صامت ولكن ،، كيف اجلس صامتا ويجب علي أن اتحدث خصوصا لو الكلام لا يعجبني !!!!

بداية الكلام كانت عن السلفية وجهودها العظيم في فك الحصار المباركي على الشعب المصري – تقريبا الثورة مكنتش هتقوم لو السلفية مخرجوش مع الشباب وقالوا يسقط يسقط كل من يخرج ع الحاكم – .

القيت الكلام خلف اذني لأني لا اريد الدخول في نقاش عقيم وانا اعلم جيدا أنه لا يسمن ولا يغني من جوع ، ولكن وجه السؤال لي من معيد التربية الاساسي :

انت يا عم ايه رأيك في مجهودات محمد حسان ؟

رديت بكل هدوء :

مجهوداته في أي مجال ؟ لو الدين مبيحبش غير مذهبه واللي يخالفه يا كافر يا زنديق يا ملحد !! ، لو الاجتماعية مشتفتش ليه مشروع ياخد فيه الشباب يخليهم يشتغلوا بدل البطالة – والراجل معاه فلوس كويسة تعمل مشروع يعني – لو سياسية يا ريت ما نتكلمش لإنه شايف البلد في الفساد الدائم ..

نظرة وجوم انقلبت لغضب ثم صياح في وجهي :

انت ايه يا عم كافر ؟، ازاي تقول كدا عن شخصية زي الشيخ محمد حسان ؟، دا راجل نعل جذمته برقبة ناس امثال كل اللي زيك !!!

هززت رأسي وقلت :

ماشي يا سيدي بس معتقدش إنه نبي أو رسول ولا اعتقد إن الوحي الذي توقف بعد وفاة المعصوم قد عاد من جديد لينزل على حسان لإنه بشر .

عامة انتهى النقاش وبعد فترة جمعنا نقاش أخر بعدها بفترة ليست بالقصيرة وكان النقاش على النحو التالي :

تفتكر ممكن يكون فيه رئيس مسيحي للبلد ؟

أوبا السؤال جامد وانا ما اقدرش امسك نفسي عايز ارد بس ماسك نفسي عايز اعرف ارائهم اللي انا اصلا عارفها قبل كدا ..

المعيد التربوي :

انت عارف يعني ايه رئيس مسيحي يعني ولي الأمر مسيحي ..

المعيد الرياضي :

شوف بقى لما يطلبوا يكون ليهم كنيسة هيوافق على طول ولا لأ ..

الصنايع :

الرسول قال ان القوم اللي تؤمهم امرأة في الضياع ..

الصنايع التاني :

لا يولى اموركم واحد غير مسلم ..

خريج التربية الرياضية :

ايه رأيك يا اسلام توافق ان يمسك البلد واحد مسيحي او امرأة ؟؟

بيني وبين نفسي “ ما بلاش انا لساني ما بيساعدنيش اني اجامل وعارف اني هترن علقة في الاخر على طول لساني دا “ ..

والله يا جماعة انا من رأيي إن لو الرئيس دا هيوفر لي الأمن والأمان والرقي والرخاء والاستقرار واكون محقق كل اللي نفسي فيه ، انا موافق .

نظرة ليا من الكل منتظرة اني اوضح فخدت نفس وقلت :

يعني لو الرئيس دا مسيحي وهيوفر لي دا كله انا موافق ولو امرأة وهتوفر لي دا كله برضو موافق .. ( ليست موافقة على طريقة فتحي سرور ، اهو نفتكر الراجل بما انه خرج وهيقعد كل شوية يقول موافقة وحد يشد له فيشة الكهرباء اللي معلقة معاه دي ) .

نظرة الغضب المعتادة من الجميع ، مع سكوت كامل لمدة دقيقة حتى يستوعبوا الأمر الكلام على النحو التالي :

انت اتجننت ، احنا شاكين فيك أصلا إنك مسلم ، انت مسلم بطاقة ، ولا بتغير ع الدين ولا على اي حاجة اصلا ، انت ليبرالي هم الليبراليين كدا .

( يخرب بيتك يا شومان خربت دماغ الناس وخليتهم فاكرين الليبرالية ضياع )

حسيت إني بتهزأ بس مش بالذوق ، بس حبيت اخد المناقشة للآخر …

طب وضحوا لي اراءكم واوضح رأيي …

الهجوم الكاسح لا تعلم من يتحدث ومن لا يتحدث كله في نفس واحد وانت يدوبك تاخد نفسك :

عارف يعني ايه تولية الامارة لامرأة يعني الضياع ؟

بصيت لهم هو يعني إيه الامارة أو الولاية انت ما تعرفش إن فيه ولاية كبرى وولاية صغرى ، واحنا هنا في مصر تسمى ولاية صغرى ، لإننا لسنا خلافة كبرى لدول متحدة ..

دا غير إن هناك دولا اسلامية كانت تحكمها امرأة واثبتت نجاحا كبيرا ..

نظرة تخلفية تعني إني لا اقول أمرا حقيقيا ..

يعني مثلا الشيخة حسينة واجد في بنجلاديش وأمامها من المعارضة خالدة ضياء ، وفي باكستان كانت نصرت بوتو ومن بعدها بينازير بوتو ، دا غير الهند فيها انديرا غاندي حكمت وارتفعت بمقدار الهند ..

نظرة من الوجوم تقريبا عايزين يقولوا لي إيه دا وإزاي ، فقلت لهم كمان فيه أدلة ، لو المنصب شرفي ففي انجلترا مثلا مارجريت تاتشر حكمت كرئيسة وزراء وكانت المرأة الحديدية والملكة منصب شرفي ....

يعني المرأة تصلح لتولي الأمر وبعدين المنصب منصب اداري يعني مش منصب ديني ..

تغيير حديث بسرعة ريختر ، انت ممكن تقبل ان واحد مسيحي يمسك البلد ؟؟

نظرة تخلفية مني انا ، اي وجه الاختلاف انتم معترضين على تولي المرأة يعني ممكن توافقوا على تولي المرأة وما توافقوش على تولي المسيحي ؟

الموضوع نسبي يا جماعة انا بقول إن منصب الرئيس منصب اداري يعني أي فرد يستحق إنه يدير البلد ، وما اعتقدش إن الدستور لا يكفل الدين فقط للحكم ، بل يشترط فيه الوطنية والوفاء للوطن وعهده بالرقي والرفعة ، وليس لكونه مسلم او مسيحي ..

نظرة عميقة من الصنايع :

انت عارف لو مسيحي مسك هيطلبوا إنهم يبقى لهم كنايس واديرة والكلام دا . .

طب ما الطبيعي يكون لهم كنائس وأديرة ، وليهم الحق في ممارسة العبادة ..

الصنايع التاني :

انت عارف ممكن يطلبوا يهدموا مسجد والرئيس بتاعهم لو مسيحي هيوافق .

نظرت له :

انت محسسني ليه إنها حرب ، يا ابني ما هم عايشين معانا ، عمرك سمعت لهم انهم عايزين يهدوا مسجد ولا يقتلوا في كل فرد موجود .

خريج التربية :

يعني احنا اللي عايزين كدا ؟

انا مقلتش إننا عايزين كدا أو هم عايزين كدا ، الكل عارف إن فيه فريق من الناحيتين عايز يخربها وخلاص باسم الدين .

معيد التربية الاساسي :

انت عارف يعني إيه دفع جزية ؟

أوبا خرج الموضوع للجزية ، شكلي هودي نفسي في دوكة – محدش يعرفني معنى دوكة – .

لا والله معرفش يعني إيه جزية يا برنس ، مش دي اللي هم يدفعوها لما انت توفر لهم الأمن والأمان والحرية ، وإنك تحميهم في ظل دولتك ومحدش فيهم يدخل الجيش ويدافع عن الوطن اللي انت عايش فيه زيك زيهم ، انت فاهم النقطة دي ، هو بيدافع زيه زيك ، وبيحمي زيه زيك ، يبقى ملقش أي حق تطلب جزية ولا حتى خراج الأرض ( حتة كدا احتياطي قبل ما يدخل في موضوع الخراج ) ..

معيد التربية الاساسي :

انت ما تعرفش الآية اللي بتتكلم عن الجزية ؟

لا والله يا باشا ما اعرفش – معرفش ليه خبطت في دماغي شفت التايتانك لا والله ماشفته – ممكن تشرح ليا الآية ؟

نظر لي كأني كفرت ورد بهدوء وقال :

هشرحها بس لما انت تمشي لإنك قلت رأيك في المرأة والمسيحي دون أن تقول الله اعلم ، فمن قال لا اعلم قد افتى وانت قلت تعلم فبكدا انت متستحقش تعرف تفسير الآية !!!

اما الباقين فمنهم من قال اني متشدد لرأيي ، وإني لا اقبل برأي الأخرين ، واني متخلف ورجعي وعلماني ومسلم بطاقة – هم عرفوا منين – .

الأمر الذي جعلني اندهش هو حكمهم علي وعدم اعطائي النصيحة حتى وان لم تكن نصيحة !!!

وفي النهاية حصلت على لقب جاهل ، متخلف ، زنديق ولا اقبل رأي الاخرين ومتشدد لرأيي لذلك لا يناقشني احد ..

اصدقائي الاعزاء شكرا ولا ازال عند رأيي ما لم يقنعني احد بغيره لذلك ادافع عن رأيي ومعتقدي بمنتهى القوة لحين يقنعني احد إني على خطأ وقتها اعترف اني كنت مخطئا وابحث عن الصواب …

وإن كانت لا اعلم فتوى جيدة لماذا لا يقول بها كبار العلماء الذين تقولون عنهم علماء وتتبعونهم ؟؟

I.M.S.A

M.S.M.O

ثرثرة واحد مجنون ....(1)

2011-05-09T19:15:00.000+02:00

أقداح قهوة ،أكواب شاي ، سحب من الدخان ؛ المواقع الاجتماعية تمتص الأفكار تصبح مدمن لها تتابع الأحداث تتفاعل مع الحدث بصورة أسرع وأقوي، البيت أصبح مجرد غرفة تغيير ملابس ربما تنام بضع ساعات كل بضعة أيام، هذه هي حياتي الفترة السابقة وضف عليها بعض الضغوط التي تجعل الفرد يظن إنه اقترب من النهاية قبل أن يصل لنقطة البداية ،وضف أيضا رؤية العديد من أصحاب الأفكار التي تسبب فقعة المرارة بعد أن تفقع شئ آخر ،لذلك قررت بعد غياب أن أعود واثرثر ،من وسط كل ما في ذهني من مواضيع مختلفة والتعليق علي أحداث كثيرة مضت ،فلقد عدت لأضع بوست عن ثرثرتي فمن الأفضل لك أن لا تقرأ أو تكمل هذا البوست ، سيقول بعض الخبثاء أو الصادقين وما الذي كنت تفعله طوال الوقت علي هذه المدونة ، لكن صدقني هذه المرة ثرثرة حقا ،ثرثر فهو يثرثر فهو ثرثار ،وقد تختلط الكلمةعند البعض ويظنها صرصرة ،و إن كنت أتمني و أدعو الأخوة ضاربي الكيمياء والراسخين فيها أن يدعموا الشعب المصري بالكيمياء فربما تنضبط الرؤية فبالتأكيد عندما أري مجموعة تخرج تهتف بالروح بالدم نفديك يا بن لادن دعك من عبثية الموقف لأنه شخص ميت أوعندما يحول بن لادن الإرهابي إلي صورة ما تشبه القديسين ،فبالتأكيد هناك خلل ورؤية مشوهة تحتاج إلي أن تنقلب رأسا علي عقب ،القتل هو القتل لايوجد ما يبرر قتل الأبرياء والمدنيين وإذا كان أحدهم أخرج من الفقه ما يبيح قتل الأطفال والنساء فأنا برئ منه ومن هذا المذهب الديني الذي يبرر ذلك ومن لا يحترم حق الحياة لا احترمه ،وأنا متأكد إن من خرجوا لأسامة بن لادن هاتفين ذارفين الدمع لم يذيقوا فقدان قريب أو صديق أو حتي بعيد في أنفجار أو في أحد عمليات القاعدة وبرغم قسوة ما سوف أقوله لكني أتمني إن يذيقوا فقدان ذلك القريب أب أو أخ ،ابن أو ابنة ،وتأملوا حالتكم ساعتها ،تأملوا الأحلام التي كان يحلم بها هذا الشخص أو اسرته التي كانت تعتمد عليه ،تأملوا هذا واخرجوا مجدوا أسامة وأمثال أسامة وكل من يحمل هذا الفكر اللعين ،واسألوا نفسكم من مول هذا الفكر في البداية ،من الذي حضر العفريت ولم يستطع أن يصرفه ،واسألوا ايضا لماذا لم تنفذ القاعدة طوال أكثر من 20 عام عملية واحدة في إسرائيل؟؟! ،سأطلب طلب تخيل ما الذي كان سيحدث لو توجهت كل هذه الأموال في تعليم العرب وأن ينضم العرب في مضمار السباق العلمي من داخل بلادهم ألم يكن هذا أفضل يا بن لادن وأصحاب فكره العقيم.

تنتظر مني أن اثرثر عما حدث ويحدث في مصر، وبالطبع أهم ثرثرة تنتظرها هي الثرثرة عن الخرفان ، لقد تحدثت كثيرا عن الخرفان من قبل ولكن لا مانع أن تحتفظ صفحات المدونة ببعض الكلمات عنهم ، بالطبع أنا اعتذر للخرفان وسأحاول أن ارفق بالخرفان الآخري كما نصحني صديق عزيز لكن لا استطيع في كل مرة أريد أن امسك لساني عنهم يخرجون يثيرون ما يجعلني أتمني حرقهم جميعا ،لم يكن أحد يسمع لكم صوت عند الأزمات ،عندما يقبض علي أحد منكم وهو مظلوم من كان يخرج ويدعو للمظاهرات من كان يسعي لإخراجه من أخبروني من ؟؟!، ومن كان يدفن رأسه في الرمال ويدعو صابرا وينادي بإنه لا يجب الخروج علي الحاكم والسمع والطاعة حتي لو ضرب الظهور وسفه الأموال بالباطل،ألم تخرجوا قائلين بأنها ثورة دنيا وليست ثورة دين وقلتم شهداءكم كأنكم لستم مننا بل وقلتم ايضا بأنهم ليسوا شهداء ،لماذا اسمع أصواتكم الآن؟! ،أسمعها لأننا نعاني من الجهل والتعصب اسمعها واعاني منها لأن هناك من يقود القطيع وله مصلحة في استمرار النار التي تأكل الجميع ،هناك من زرع دخل العقول الكثير من الأفكار المغلوطة ،هناك مؤسسات تخشي من أن تقل سلطتها ونفوذها ،هناك ممن يتحدثون باسم الدين مستفيدين من وجود قمع وتحولنا لمجتمع ديمقراطي سيجعله لاشئ بالنسبة لوضعه الحالي ،الفساد في مصر لم يكن فساد سلطة فقط بل نحن أيضا فاسدون وعنصريين وطائفيين بشكل أو بآخر ؛ هناك مقولة معناها الشعوب التي لا تقرأ تاريخها وتستفيد منه ملزمة بأن تعيده من جديد والأخوة الذين تأخذهم الحماسة بالباطل فليتذكروا الجزائر في أوائل التسعينات ،و مصر في أواسط الخمسينات ،وليعلموا بأنه يتم اللعب بهم ويتم اللعب بمهارة كل مرة ويمشون علي الطريق المخطط له فالغباء والتعصب والعنصرية لادين لهم ،تذكروا التاريخ واقرأوه لعلكم تستفيدوا لعل وعسي .

كلما أسمع كلمة إسلامية إسلامية أشعر إني اسمع ملوخية ملوخية ،وعندما أسمع كلمة دولة إسلامية أشعر بأنهم ينادون بدولة مهلبية ،وهذا ليس له علاقة بجوعي أو بحبي للطعام ،ولكنها الحقيقة من وجهة نظري،فإذا سألت أحد الأشخاص ممن ينادون بقيام الدولة الدينية بمعناها الأرثوذكسي سيتلعثم في الإجابة في البداية ثم بعد ذلك ينطق الإجابة القنبلة نقيم حدود الله ، وما هي حدود الله يا أخي؟ ، قطع يد السارق ورجم الزاني وجلد شارب الخمر ،أصل الذي نحن فيه ابتلاء من ربنا لابتعادنا عن الدين ، عندما ننفذ هذا الكلام حال المجتمع سينصلح ، بالطبع الأخ لم يكلف نفسه عناء النظر إلي ما بعد البحر الأحمر حيث هناك دولة سأسعد كثيرا إذا رحلوا إليها يزعمون فيها بأنهم ينفذون ما انزل الله علينا ،وعلي رأي أحد الشخاص نصفهم لهم في الأطفال ولا تقلقوا كله باسم الدين فلا يوجد اسهل من التلاعب باسم الدين ، البعض يظن بأنه عند إقامة الحدود فحال الدنيا سيعدل والناس ستصبح كائنات ملائكية ،ألم تعرفوا إن الإنسان خلق ليعصي فيتوب ويظل هكذا حتي الموت ،وإن سر كمال الإنسان هو نقصانه ،ألم تعلموا من التاريخ إن المنع و الإجبار سيؤدوا لإنفجار ،لكل فعل رد فعل مساوي له في المقدار ومضاد له في الاتجاه ،كلما هرولت نحو اليمين سيظهر المضاد لك ويتجهوا نحو اليسار هذه هي سنة الحياة ،وسيظل الحال كذلك ، وقبل أن تطالب ساهم في تغيير البشر ، الناس تفر من الدين بسبب المتدينين بسبب غلاظتكم وفظة قلبكم في الدعوة إليه وقبل أن تطالبوا بإقامة خلافة إسلامية فاعلموا إن في تاريخنا لم يتحقق معني الخلافة المثالي أو المراد إلا بوجود عمر بن الخطاب فقبل أن تطالبوا بها اخلقوا لي عمر وأتوا لي بشعب مثل الذي حكمه عمر!!، أما من سيطرح علي سؤال عن تطبيق الحدود والشريعة ،عن اي حدود واي شريعة تتحدثون ؟؟ ،في التاريخ الإسلامي يوجد ما يقارب من 200 مدرسة فكرية منها ما هو منشق من بعضه ومنها ما هو متداخل ،إذا حددت لي مذهب واحد ففي هذا المذهب الواحد ستجد اختلافات شتي ،لكني ساقتبس نظرتين من تاريخنا أولا نظرة المعتزلة عقلاء التراث الإسلامي والذي كلامهم بالطبع لن يعجب النصوصين ،أحد الشروط التي وضعوها عند الأمر بالمعروف والنهي عن المنكر هو أن لا يكون هذا الأمر أو النهي سيسبب فتنة أكبر أو يأتي بخراب أكبر ،والمثال الآخر عمر بن الخطاب الذي أوقف تنفيذ الحدود ،وقياسا علي هذا فأعتقد أن من باب أولي ومراعاة لظروفنا الحالية والأوضاع التي نمر بها أن نلم أنفسنا قبل ان يتبعثر الوطن بأيدينا قبل أي شئ آخر ،ولنتذكر مقولة ابن تيمية حبيبكم ومن تسمونه شيخ الإسلام الدنيا تدوم مع العدل والكفر ولا تدوم مع الظلم والإسلام ،ومقال بلال فضل يحتوي علي العديد من المقولات الرائعة فأتمني أن نفتح في العقول فتحة صغيرة تمكننا من تقبل جزء صغير من الآخر الذي ليس معنا.

أكثر من شخص يقول لي مدونتك علي تمبلر جميلة جدا والبعض يضيف بعد ذلك دي أجمل من كلام مجانين ،هو يمدحني وفي نفس الوقت استقبل رسالة خفية بإنه رجاء لا تكتب شئ ولا تصدعنا يكفي ما نحن فيه ،لكني سأكتب بحكم العادة وسأصدع الروؤس ،و سأثرثر حتي الموت .

يكفي ثرثرة اليوم ونلتقي مع ثرثرة آخري بعد شهر ونصف في مواضيع مختلفة ،وأهنئك علي قوة صبرك وتحملك إذا وصلت لهذا السطر ،لأن من كتب هذا الكلام المبعثر لم يستطع أن يصل لهذا السطر !!

كنت سأغلق التعليقات علي هذا البوست لكن فضولي ورغبتي في القيام بدور عبثي كانت أكبر مني ،أتمني بشدة أن أجد تعليقات تختلف معي في ثرثرتي وتدعوني للصمت وعدم الثرثرة مرة آخري.

أخــيــرا حـــريــــة !!!! .

2011-05-04T12:31:00.001+02:00

توقفت كثيرا أمام عبارة بل أمام كلمة واحدة ألا وهي الحرية !!!

تلك الحرية التي أخذت تحتها أو في مجملها أشياء عديدة وهرول خلف منها العديد يطالبون بها وبعد كل هذا أريد أن أوضح أمورا عديدة والحديث عن الحرية حتى اجرأ ما يأتي في خيال أي فرد ألا وهو الحرية في الدين !!!

الحرية في الدين تأخذ شكلا وبعدا كبيرا فعندنا في ظل تلك الحياة التي نحياها يفسر كل فرد أي موقف على حسب رؤيته هو وأفكاره ومعتقداته إلى جوار مبدأ واحد " انا على صواب والباقي على خطأ ؟! "

لا أدري حقا أي فرد قد يفكر بتلك الطريقة المنغلقة فمن وجهة نظري الإلتزام ليس أن أكون متشددا ! بل قمة الإلتزام هو منتهى منتهى الحرية !! اجل انت لم تخطئ قراءة العبارة ، بالفعل الإلتزام هو منهى الحرية وأبسط مثال على كلامي عبارة أو شيئا يعتبر أقوى دليل هي " تنتهي حريتي حين تبدأ حرية الأخرين وتبدأ حريتي حين تنتهي حرية الأخرين " ..

وانت حين تلتزم بكل ما لك وتفهم كل ما عليك يكون هذا هو الإلتزام ..

والإلتزام يكون دائما بعد أن تفهم ما لك وما عليك ولا تتجاوز حدودك ولا تتجاوز القانون وبالتالي ستقف عند عدة عبارات حشت مجتمعنا وأصبحت السمة الأساسية له لا والأغرب إننا نستخدمها ونقول في النهاية حرية شخصية أو هذه حريتي !!!

ومن هذه العبارات التي دُمرنا بها والتي تُضحك أكثر مما تبكي على سبيل المثال وليس الحصر :

خليك مرن ..

بمعنى خليك مرن مثل الأستيك مطاط مع هذا وذاك ولا تكون جامد الشكل أو تكون جامد في التعامل أو ضاربا في الكلام وخليك مرن حتى لا تغضب الناس منك - طيب ما أنا لما اقول الحقيقة هكون صادق وحر ولكن حين تكذب تكون مرن أو مجامل - !!!

وكإنسان مجامل عليك أن تتبع الكذب والنفاق وإن استطعت يمكنك التدليس - إن أجدت الأولى والثانية بالتأكيد ستبرع في الثالثة - وحين يحدث هذا تكون واقعا في مشكلة أو موقف معين

" يعني انت أكيد مخنوق من حماتك وحين تراها في زيارة لك تخبرها إنها منورة طيب والحقيقة إيه غير إنها هتولع في البيت أول ما تدخل دا غير المحروسة بنتها "

وطبعا المجاملة أمر يقع على عاتقنا ومع المجاملة تأتي على كلمة عمولة وما يعادلها في اللغة الإنجليزية ( ما هو الإنجليزي مسيطر علينا يعني إحنا ابناء تشرشل ) ..

وطبعا مع العمولة التي لا تتخطى الحدود إلى الرشوة لا سمح الله تصبح حياتنا غير عادية بسبب السيطرة التامة لها علينا - العمولة أو الكومشن أو المجاملة أو خليك مرن وسلس وبسيط ومع كل هذا عليك إنك تغمض عينك وتفتح جيبك عكس روتانا سينما - هذا كله يوقفك على مدى تدني الحرية التي نتحدث عنها فتحولت من حرية إلى إنحلال !!!

ومع الإنحلال نتطرق إلى نقطة الحلال والحرام طبعا هتسألوا إيه الغباء دا إيه الربط بين الحلال والحرام والإنحلال الأمر يكون على النحو التالي :

فمع إحترامي لكل الملتزمين والمتدينين يكون لدينا تلك الشبكة الضخمة من محللي ومحرمي الأمور والحلال والحرام الذي يغيظنا به الإعلام والقنوات الفضائية الدينية - اللي تحرمه قناة ممكن تغير تلاقي الأخرى محللاه - ما يجعلك تقف أمام نقطة غريبة ، أين الصواب وأين الخطأ ؟

فكل فرد يخرج إلينا يقول لك هذا حلال وبعدها بيومين يخرج إليك غيره ويقول لك هذا حرام وهذا يكفر هذا وهذا يُؤَمِن على كلام هذا والأدهى إنهم يستخدمون نفس الأدلة هنا وهناك والغريبة أن هذا ليس حرية في الدين بل إنحلال ولكن الجميع يقول لك حرية والدين كفل الحرية حسنا أنا اعلم جيدا أن الدين كفل الحرية ولكنه لم يكفل الإنحلال نهائيا ...

والمثير للضحك أن هذا الإنحلال يدخل تحت نطاق الحرية وبالتالي يكون لدينا ضياع تام لمعنى الحرية والعجيب إنهم يستخدمون هذا الأمر في حرية مزيفة فارغة ويقنعون العالم الإسلامي كله بها ويصمت الناس على هذا بل ويسير طواعية في عباءته ...

والبعض يضحك على الكل وعلى الرغم من ذلك ضحكنا حين رأينا هذا أيضا في ديانات أخرى وبالتالي لا يفكر البعض ما ينتج عن هذا ألا وهو الفتنة الطائفية تحت عبارة أو شعار

" حرية شخصية أو الحرية بمفهومها العام "

ومع كلامي منذ البداية لدي سرد لبعض الأحداث وعلى الجميع بما فيهم أنا أن يستنتج الأمور التي من الممكن أن تقع :

* في فترة من الفترات يكون أحدهم يخبرك أن من ضمن الحرية هو تكفير أحدهم ، والخطأ في حقه وبالتالي نصل إلى نقطة أخرى ألا وهي المشادة بين أنصار هذا وأنصار ذاك ونقع في نقطة الفتنة بين الفريقين ...

( والأساسي لا يملك فرد مقدرة الحكم على فرد أخر بالكفر لأن الكفر إن لم يكن بيِّن لا يستطيع أحد أن يقول على فلان أنت كافر ..)

* والفتنة التي تحدث بين الأديان تحدث نتيجة لحريات شخصية تنتج عن تصاريح بعضهم في الحلال والحرام وينتج عنها شيئا واحدا ، زيادة الفتنة الطائفية إلى جوار آخر ما يتوقعه الفرد وهو ضياع الوحدة والحرية بين الأفراد وقيام الحروب الأهلية التي ستنتهي يا إما يموتك أو موت غريمك وفي النهاية انت من سيخسر لإني قد أكون حليفك اليوم وغريمك غدا والعكس بالعكس وإن الدائرة لتدور ولا تقف على أحد ..

ومن وجهة نظري أن المفهوم الخاطئ للحرية ومدى ما يحمله إلينا شيئا واحدا ضياع المجتمع وأخيرا ضياع البشر ..

فنتمنى أن مفهوم الحرية الشخصية والدينية والفكرية ...

وعن باقي الحريات نتحدث ....

-------------------

هذه التدوينة أيضا قديمة ، ولكني اردت مشاركة الجميع معي فيها ..

I.M.S.A

M.S.M.O

ارحــــــمـــــونـــــــــــــا ……

2011-04-27T14:09:00.001+02:00

يا جماعة ارحمونا بقى من الفتاوي غريبة الشكل والأطوار وكمان حطوا عليها الأطوال ..

كل شوية واحد يخرج لنا بفتوى غريبة لا عمرنا سمعنا عنها ولا الدين قال بيها

طيب يا عم المفتى وحضرتك جبت الفتوى منين ؟

يقولك وبلا فخر من القرآن والسنة ، يا عم القرد المتنطط بسلسلة في رقبتك ، هي فتاويك غريبة الشكل اللي هي اصلا بعيدة عن الدين ، ولا تمت له بصلة توحد ربنا ، هيدلنا عليها القرآن والسنة ازاي ؟ ، وسيبك يا عم من الحكاية دي ، هو يعني أي كلام فاضي مش معقول ، عشان تثبتوه تتهموا الدين إنه السبب فيه والقرآن بيدل عليه وكمان السنة شاهدة على كدا ، يا عم بتنجان افندي اسمح لي اقولك حاجة :

عشان تطلع فتوى لازم تمر على ييجي 13 أصل من أصول الدين وسيبك يا سيدي من الأصول يمكن تطلع فتوى من غيرهم لكن على الأقل في حاجة اسمها اجتماع لجنة الفتوى ، ولا دا كمان محدش سمع عنها حاجة وكل واحد يتحشر في بقه كلمتين عن الدين يقوم قايم قايلهم ويقولك قال الله وقال الرسول .. وربنا والرسول صلى الله عليه وسلم بريئين من تجارتكم في الدين ..

لا والأغرب كلامكم الغريب في التفسير والكلام عن القرآن والسنة لا واللي يغيظ العُبْط اللي بيصدقوكم !!!

بجد اللي غايظني إن فيه ناس بتصدق الكلام الأهبل والعبيط وبتمشي وراه ولإننا شعب بيخاف ما يختشيش فبنحط لساننا جوا خشمنا ونقعد ساكتين

ولا بنتنفس وغريبة اوي إننا ما بنقدرش نرد على الناس الغريبة اللي بتطلع بفتاوي غريبة زي دي والناس بتصدقها ويقولك الشيخ الفلاني قال والشيخ العلاني عاد طيب يا شيوخ الدول العظمى واللي قارفنا مش في حياتنا لأ دا كمان قارفنا في نومنا ...

محدش قالكم إن اللي بتعملوه دا ما بيسببش الانقسام جوا الناس وبس لا دا بيخليهم تايهين كمان ليه ؟

لإن حضراتكم النهاردا بفتوى بتقول مثلا ما تشربوش بيريل لانها منكر من عمل الشيطان .. تاني يوم الصبح ممكن مندوب من شركة بيريل يتفق معاكم على اعلان لحساب بيريل فنلاقي سيادتكم طالعين بعديها بيومين وتقولوا بيريل دا احسن مشروب بعد اللبن ولازم تشربوه لتطهير الجسد وكمان اللسان ومش بعيد تطهير الشارع كمان ، وغريبة ان انصاركم زي العبط والهبل بيصدقوكم ...

وإنكم لو ارتكبتم الخطأ والكل شاهد وواخد باله على غلطكم تقولوا جلَّ من لا يسهو ، وإن حد تاني غلط تعلقوا له حبل المشنقة حلال لكم حرام وستين مليون حرام على غيركم ..

طيب فرقتم ايه عن ناس تانية برضوا انتم بنفسكم بتحاربوهم طبعا ولا حاجة لان في الاصل انتم وهما ولا حاجة وكلكم سبب ضلال وضياع لناس كتير ...

يا جماعة ارحمونا شوية من عبطكم دا لان بجد فيه ناس ولا فاهمة حاجة في اي حاجة وبتصدق العبط اللي بتقولوه وبينفذوا كلامكم وهناك ناس عارفة انكم بتوع فلوس واعلانات ودوشة تجيبوا من وراها قرشين عشان المعيشة بعد ما لقيتوا ان التجارة في الدين هي انجح حاجة فكل واحد يحفظ له آيتين ويروح يروج لنفسه دعايتين ويبقى الشيخ هيكل ابو فتاوي نيكل ، وهلم جرا ورا الناس اللي بتصدق اي كلام عبط في الهبل بيتقال وتصدقه والغلاسة بتنفذوا ..

طب بخصوص الشيخ هيكل الجديد كان تاريخه الديني إيه ، يعني درس في أصول إيه ، بلاش أصول ، القسم اللي درسه في الدين كان ايه ؟ ، بلاش دي ايه العلم اللي درسه ؟

وكمان اللي يغيظ إن الناس المتدينة أو خريجي العلوم الشرعية والأساتذة في هذا المجال صامتين لكل فرد يتحدث بمزاجه ولا يرد عليه ولا يوضح طب والانسان العادي هيعمل ايه ما هو مش فاهم حاجة وبينفذ وبس ...

الخوف كل الخوف في المستقبل وانتم بتتسببوا في القتل والخراب والتدمير والسرقة من غير ما تدروا او حتى تفكروا تلاقوا في يوم وحد ياخد صدى زي حضراتكم ويبقى ليه انصار وتلاقيه اباح دمائكم وتكونوا زي المثل ما بيقول جنت على نفسها مراكش ..

بس بصراحة انا عندي سؤال :

حضراتكم وانتم عارفين انكم بتضلوا الناس وبتتكلموا في الدين وبتخرجوا علينا بذقونكم وجلاليبكم وسلطاتكم وبابا غنوجكم ما تعرفوش ان اي فتوى غلط وحد بينفذها بتشتركوا فيها معاه ولا حضراتكم من عمى الفلوس - ما الفلوس بتعمي العين يمكن نفسكم تبقوا عميان واحنا ما نعرفش - نسيتم الدين اللي انتم اصلا ما بتدعوش ليه على الرغم من كلامكم عن نصرة الدين ورغبتكم الشديدة في كون الناس كلها تكون رجال دين وابقى قابلني يا عبده بيه الندمان يا ابو فتوى جنان لو دا حصل وسلم لي على الفتاوي الدليفري ..

وبخصوص الفتوى الدليفري واللي بقت موجودة دلوقتي إنك تتصل وتسأل سؤال شرعي أو مسألة فقهية وجدلية وتلاقي عموا الشيخ اللي بيتلقى الاتصال يرد عليك بسرعة ويقولك اعمل كذا ، هي بالسهولة دي ولا الحكم سهل كدا

أُمال إذاعة القرآن الكريم بتطول ليه وتقعد تجيب علماء وشيوخ وكذا دكتور للإجابة عن سؤال بيبقى موجود أو مرسل للحلقة من أسبوع أو اتنين وممكن يقعد شهر أو اتنين لغاية ما حد يقول إجابة فيه على الرغم من إن كل حلقة بيبقى فيها إجابة سؤال او سؤالين ويوم ما يكثروا يكونوا اربعة اسئلة ، مفيش واحد منهم اول ما يسمع السؤال يقول الاجابة ليه زي حضراتكم ؟

يمكن عشان دول عارفين إن أي كلمة غلط هيكون فيها رد جامد أو تنفيذ يقع على عاتقهم أيضا ..

بجد ، ارحمونا من فتاويكم ومن كلامكم ومن الدليفري بتاعكم لان الناس أصبحت على شفا حفرة الضياع ...

فحقيقة أرحمونا ...

I.M.S.A

M.S.M.O

من الجيل الصاعد لمشربتش من نيلها ، يا عقلي لا تسأل !!!!

2011-04-20T18:12:00.001+02:00

طبعا الأغاني عن البلد والجيش والحربية والوطن آخر روعة من حليم لشادية لفايزة أحمد ومن هم على تلك الشاكلة حتى وصلنا لشيرين عبد الوهاب وتامر حسني ونانسي عجرم ومن هم على تلك الشاكلة .

لكن بصراحة اللي يخلي الواحد يسأل طول الوقت الناس اللي غنت للوطن والجيش والحربية زمان ما دخلتش الجيش نهائي يعني حليم لا شاف الجيش ولا دخله ، وطبعا شادية وفايزة بما إنهن نساء لن يرون الجيش داخل مصر ، لكن كانوا بيغنوا لرفع الروح المعنوية وبث الحماس في نفوس الشعب بسبب الحروب اللي كانت البلد بتقوم بيها – من 1948 لـ 1973 م – وطبعا في ظل السنوات كان هناك الوحدة بين مصر وسوريا وحلم الوحدة والجيل الصاعد وقلوبنا معاك يا جمال – ما دا اللي في ايدينا قلوبنا معاك والجيل الصاعد تعالوا شوفوا جيل اليومين دول – والبلد كانت عايشة في الحماس والقوة والجري وراء الحلم – حلم بقالنا 60 سنة ولغاية دلوقتي معرفناش نحققه يا ترى ممكن يتحقق ؟ - وبعدها دخلنا النكسة واشتغل حليم زي النار من عدى النهار – ما كان لازم يعدي عشان نعرف إننا ضايعين وعايشين في الوهم لغاية دلوقتي – وطبعا في فترة الإستنزاف الكل اشتغل ولكن حليم كان اكتر واحد اشتغل – مع إن الراجل مدخلش جيش ولا اتفرج عليه فيديو لإن الفيديو مدخلش مصر في الوقت دا – وأيام النصر كانت الأغاني ايه على ودنه والكل غنى وفرح ورفع الحماسة وانتهت الحكاية بـ " معاهدة السلام "

وكل الكلام دا جميل وفي زمننا الكبير – زمن الألفية الحلوة – ظهر عم بدوي " تامر " وغنى هو والفريق القومي للأغاني للوطن الغالي وبين مدى حبه للوطن والجيش ومدى حبه لهذه البلد ، وطبعا بدوي باشا كان هربان من الجيش – يعني بتغني للبلد وانت هربان من تأدية الواجب ما دا المتاح في البلد – وبعده مفيش خطوتين غنى بلسم فاخر " هيثم شاكر " وقال ( ارمي حمولك عليا ) طيب يا عم بلسم أهي رمت ذرة من حمولها وسيادتك انت كمان طلعت هربان من الجيش طيب يا جماعة ما حد يغني للبلد دي ويكون فعلا يكون بيحبها وبيديها حقها ، ويكون مثال وقدوة للي بيقوله ولا إحنا بنقول كلام وننفذ غيره ..

يعني تامر وهيثم كانوا هربانين ، ولا كان فارق معاهم البلد ولا أي كلام قالوه ، وفجأة الكل وقف جنبهم وشاف إنهم مظلومين ، طب رموا نفسهم ليه وقالوا من الأول لو كنا بنحبها أو ارمي حمولك عليا ، وبصراحة الحب كان باين والحمول كويس إنها مرمية على ناس تانية ...

وفجأة ظهرت مجموعة المطربات وغنت للبلد وابتدت شيرين عبد الوهاب بـ " مشربتش من نيلها " – شربت وربنا يستر ومش هنجرب نشرب ونغني لها تاني يا شيري – وكان نفسي أعرف الست شيرين بعد ما غنت مشربتش من نيلها وبينت مدى حبها لمصر سافرت ليه الولايات المتحدة عشان تنجب هناك ؟ ما كان أولى بيها المستشفيات المصرية ولا إحنا زي القرع نمد لبره ، ولا انتِ كنتِ خايفة على نفسك ومش عايزة تقولي إن الطب في مصر فاشل – ما أكيد مكنتيش هتولدي في مستشفى حكومة – وبعدين ما هو مشرتبش من نيلها وجربت تغني لها ونسافر ناخد الجنسية للبنت من برة ، و ..

مشربتش من نيلها ؟ لا يا سيتي شربت لغاية ما ارتويت وطفحت كمان ولكن ما سافرتش الولايات المتحدة ولا يمكن نيل مصر مكنش عاجبك ففكرتي تشربي من المسيسبي!!!..

والست نانسي عجرم تغني وتقول لو سألتك انت مصري قولي إيه ؟

موزمبيقي مثلا ، ما أكيد هيرد ويقول مصري ما هو معاه الجنسية اللي بقت صعب إن واحد يثبت إنه حاصل عليها أصلا والحمد لله إنهم أعطوها لمن ولد لأم مصرية دون أب مصري ، طيب أفرضي مثلا إنه بنجلاديشي عايش في مصر ، وشكرا يا سيتي على شعورك للبلد لكن هو دا كلام يتقال للبلد اللي شهرتك ؟

اكيد لأ ، لكن أهي كانت هوجة والكل بيغني ومفيش مانع من مشاركة نانسي عجرم في الأغنية للوطن الأعظم وطني الأكبر ...

وكمان الست نانسي تقولك :

قولي مصري ابن مصري وكل مصري الله عليه ، طب يا سيتي شكراً ..

لكن لو انا مصري عايش في يوغوسلافيا هيبقى الله عليا ولا الكلام دا للي جوا مصر بس ؟؟؟

وطبعا غزال الشرق – ما هو كوكب الشرق ماتت – الست هيفاء وهبي بتغني 80 مليون ، كل واحد بيعبر عن حبه بطريقته وطبعا الست هيفاء بتعبر عن مشاعرها وحبها مش بالكلام ولكن بالحركات والأغنية الحمد لله نجحت عشان خاطر حركاتها مش كلماتها ..

بس بصراحة من الجيل الصاعد لمشربتش من نيلها تقول حاجة واحدة اللي حصل للكلام واللحن والشعور للبد وحبها بجد وبصراحة يخلي الواحد يقول :

يا عقلي لا تسأل ...

**************

* المقالة أيضا قديمة جدا ، لكن اردت ان اسخر على طريقة الغناء لمصر ، في الفترات الاخيرة ، ولكن اكثر اغاني لفتت انتباهي بعد ثورة يناير :

ازاي لمحمد منير ، وفين فلوسي ياه لابو الليف وخايف ليأتي يوم اسمع تامر حسني وهو بيرد على منير في اغنية ازاي ويقوله كدا هو ، ويرد على ابو الليف في اغنية فين فلوسي ياه ، ويقوله وانت مالك او فين اثباتك ؟

I.M.S.A

M.S.M.O

درس الـفــاعـــل والــــغـــــاز …

2011-04-13T20:04:00.001+02:00

كتبت تلك المقالة إبان النظام السابق كنوع من اليأس في حصولنا على أي شئ من الحقوق ، وعدم تحركنا نحو الأفضل أو البحث عن الأفضل ، رأيت أن اطالعها معكم كنوع من تقلب الأمر من حال إلى أخر أو بمعنى أدق كنوع من الاعتذار لثورة هذا الشعب ...

*********

في آخر أخبار الغاز في مصر إن معالي الوزير الكبير قرر بلا أدنى شعور من التردد – والتردد هييجي له منين – إن لكل شقة أسطوانة غاز واحدة – بيفكرني بصفر المونديال صفر واحد طب خليهم اثنين ، ثلاثة يعني انت هتدفع حاجة – عامة المعالي ضرب لنا مثلا في الإستفادة من القليل وإن أي اسطوانة غاز ثانية ستكون مكلفة – على أساس إن الغاز يدخل المنازل بلوشي سيادتك ؟ - ثم يخبرنا عن الإستهلاك الأدنى – ما يا كبير إحنا مطلعين الغاز لإسرائيل بأقل من السعر العالمي ما تقول لها الكلام دا ولا الكلام دا لينا بس – لا والأكثر من ذلك يخبرنا عن محدودية الغاز وإن المصدر له شبه منعدم ، وهذا للمواطنين فقط ولا لجميع العالم ؟!!!

واتساءل كم شئ أصبح محدودا وصاحب أزمة في هذا البلد ، من الطماطم والسكر إلى البنزين والغاز ومستقبلا أكيد المياة – هم بطلوا إعلانات المحافظة على المياة ليه ؟ – والغريب إن مبادرات الحل دائما لم يحرك لها أحد فاعلا ، حتى برفع القبعة وليس الضمة .

والكل ساكن سكون الفعل الأمر وفاتح عينه وصامت لأن ما بُني على الفتح فهو مفتوح .

بل إن المبنى على السرقة فهو مسروق مسروق يا ولدي وتحية للعندليب صاحب الكلمة الحق والتي تتناسب مع جملة :

مَن يتحدث فهو مفقود مفقود يا ولدي ...

والأكثر إندهاشا إن المفعول به – وهو الشعب – لم يعرب نفسه أو يعبر عن وجوده بل أصبح صامتا لا يسمع ولا يرى ولا يتكلم على الرغم من كونه منصوبا عليه في تلك العملية وكلها شعارات يا حبيبي ..

بل الواضح إنه أصبح يحب لعب دور المنصوب عليه لسبب بسيط خوفه من فتح عينه أثناء عملية النصب الكبيرة وسمعني سلام لو مكنتش انت هتسرقني مين هيسرقني ...

واصبح الفاعل على الرغم من كونه معرفا بـ "ال " إلا إنه يظن أن الجميع حمقى ويحب لعب الضمير المستتر ولكن ليس تقديره " هو " بل تقديره " أيظن "

وعلى أيظن بالنسبة لنجاة وليس مي عز الدين – لإننا بنرقص من زمان جدا على ألحان الضمير المستتر ومع ذلك لم نتوقف عن الرقص – فاسمحوا لي أن اقول :

أيظن إننا سنفلس ؟

لا اعتقد ذلك فتلك البلد منذ ألاف السنين وهي تُسرق وتُنهب ومع ذلك باقية ولكن الكثرة في السرقة والنهب تجعل الروح تتجاوز الحلقوم ..

والسرقة تنزل البدروم ....

أيظن إننا سنتسول جرعة الماء من دول حوض النيل ؟

ما هذا طبيعي بعد ما الفلاشا قرروا إنهم يبنوا السد والصينيين يزرعوا السودان ونحن نجلس ونقول حضارة السبعتلاف سنة وبناة المجد ، وبذكر المجد يكون كابتن ماجد أحسن واحد يلعب بينا وكلهم كباتن يا كبير ..

أيظن أن المفعول به سيظل منصوبا عليه أم سيدرك مدى غفلته ؟

الإعتقاد الراسخ إن المفعول به يحب دور المنصوب عليه فلا يشغل عقله بما يحدث أو قد يحدث ، يهمه الآن أن يجد لقمة العيش فهذا أصبح شغله الشاغل ، ومنصوب عليه ولا مضحوك عليه ، حد هيشاركه المصيبة يعني ؟، ما هو لوحده اللي فيها ..

أيظن إن الفاعل سيظل يلعب به ؟

بصراحة الإجابة هي بلى ، أظن أن الوتيرة ستظل كما هي لأن الفيلم حقق نجاحا ويحقق نجاحا باهرا ولكنه ليس بطولة مي عز الدين وحسن حسني بل بطولة المفعول به والفاعل تقديره

هــــــــــــو

____________________________________

تحية لكل من رفض الظلم والهوان والامتهان ، تحية لثورة هذا الشعب وتحية لكل الشهداء واسف في مطالعتكم لكل المقالات القديمة

I.M.S.A

M.S.M.O

فـيـمـا يـشـبـه الـذكــريــات ..

2011-04-07T16:18:00.001+02:00

فيما يشبه الذكريات ....

قد تقابل في يوم من الأيام أحد المعارف أو الأصدقاء الذين يجعلوك تتذكر الماضي أو تتمنى العودة والعيش بداخله ، أو تتحسر على موقف ما ، أو تحمد الله أنك لم تعد تراهم طوال الفترة الماضية ، أو رغبتك الجسيمة في رؤيتهم ، فلا اعلم لماذا يكون في رأسي حديث عن الذكريات والتحدث عنها ؟، لا يسعني سوى تذكر نفسي صغيرا لا اعي في الدنيا شيئا ولكني لا ازال اتذكر مسلسلا كارتونيا كان بعنوان مغامرات الفضاء " جريندايزر " دبلجة المبدع جهاد الأطرش ، الحقيقة إني أحب هذا الأنمي الياباني ، ولكني احب هذا الأنمي لكونه كان يفتح أمام من يشاهده باب التخيل في حياة من كوكب أخر ....

وبالحديث عن حياة من كوكب أخر ، سيدرك البعض إني بصدد الحديث هل يوجد حياة بالفعل على كوكب أخر ، أم الحياة على الأرض فقط ؟

ويسعدني أن اقول لا ليس هذا ما أنوي الحديث عنه ، بل سأفعل كما كنت صغيرا وانظر للسماء وارى واسأل نفسي :

ما نوع الحياة على الكوكب الأخر ؟ ، أو كما كنت اقول كيف الحياة على كوكب فليد ؟

هل الحياة لديهم مثل لدينا ؟ دعني اتخيل الحياة على الكوكب الأخر وأقارنها بالتي لدينا :

يا ترى هل هناك قارات مقسمة كالتي لدينا أم هي قارة واحدة والجميع يعيش عليها في سلام ومودة وحب وتعاون وليس هناك حروب كالتي لدينا هنا وتقسيم العالم إلى دول أولى وثانية وولاد الغسالة في الدول الثالثة وولاد البواب في باقي دول العالم ؟؟؟

وإن كانت الحياة كدول كالتي لدينا ، هل يوجد تعاون وحب علم ومعرفة وعدم وجود ما يحدث لدينا من حروب وطغيان وفرض سيطرة كالذي تتبعه الولايات المتحدة الأمريكية على باقي دول العالم بصفتها الدولة العظمى التي ترعى حقوق الجميع داخل المنطقة بل داخل دول العالم وتسعى لسرقة العالم كله تحت شعار حمايته من الإرهاب وهي أولى دول العالم إنتاجا للإرهاب والبلطجة وعلى رأي المثل إن كنتم نسيتم اللي جرى هاتوا الدفاتر تنقرا ، واسألوا بلطجية هارلم وقضايا السرقة والنهب والقتل والإغتصاب يمكن كمان تجدها اكثر من أي دولة في العالم من خلال القضايا المسجلة لديها عن تلك الأمور ..

وهل تجد هناك في هذا الكوكب دولة تحتل دولة أم لا ؟

لا اعلم ولكن اكيد لن اجد دولة محتلة مثل فلسطين والعراق وأفغانستان ولا دول محتلة عن تلك عهود ومواثيق مثل اليابان وكوبا وغيرها ، ولن أجد دول تستمد قوتها في الباطل من دول أخرى مثل إسرائيل عن طريق الولايات المتحدة ، ولن أجد امريكا التي تستمد قوتها من حلف الناتو ، ولا يستطيعوا ان يتحدثوا مع كوريا الشمالية التي تركلهم على مؤخراتهم مثل الكلاب الضالة حين ينبحون عليها ولا يستطيعوا أن يأخذوا معها حقا ولا باطل ويحضروا ليفرضوا رجولتهم المزعومة على شعوب فقدت معنى الكرامة كالدول التي يعيش بها المسلمون والعرب ...

ويا ترى الحياة على هذا الكوكب يوجد فيها تناحر وتنافر أديان كالذي لدينا أم يوجد دين واحد ؟

لا اعلم ولكن بالتأكيد ستجد حرية أديان ولن تجد أحدهم يقول لك انا مسيحي وانت مسلم لن اتعامل معك أو انت هندوسي وانا سيخي لن اتحدث معك ، ولن تجد حروب تقوم بين الطوائف والمذاهب كالحروب التي قامت بين السنة والشيعة في الإسلام ، ولا بين الكاثوليك والأرذوثوكس في المسيحية ولا السامرية والعبرانية في اليهودية ، ولن تجد صراع أديان كالذي يحدث بين المسلمين والمسيحين أو المسلمين والهندوس والسيخ ، أو بين البوذية والهندوسية ، أو بين الهندوسية والمسيحية ، ولا بين المسيحية والسيخية ، ولا أي من تلك الأمور والتي يضيع فيها الكثير من الأبرياء لا ذنب جنوه سوى كونهم يحملون في خانة الديانة دين يخالف المتعارف عليه في أي دولة تحميهم داخل حدودها على الرغم من كونهم يحملون نفس الجنسية في خانة الجنسية ، ويدفعون أرواحهم ودمائهم دفاعا عن ذلك الوطن الذي يحميهم إن دعت الحاجة لذلك ....

يا ترى هل هناك مشاكل مياة وطعام في ذلك الكوكب مثل التي لدينا ؟

لا ادري ولكن الغريب أنه على الرغم من كون كوكبنا يحمل ثلاثة أرباعه مياة إلا إننا نعاني من مشكلة المياة وسنظل نعاني منها حتى نموت تقريبا لا اعلم لماذا هل توقفت جهودنا وحياتنا على الدمار فقط ولم نعد قادرين على حل المشاكل التي نلقي بأنفسنا فيها ، حتى نبض الحياة أصبح مهدد ليس داخل دولة فقط بل داخل كوكب بأكمله ؟ ، لا تعلم وهل ستظل هناك دول تعاني من الفقر والجوع وقلة الطعام والغذاء على الرغم من وجود دول أخرى تلقي بفائض غذائها في المحيط ، ولا تبالي بحياة الأخرين على الرغم من ذلك الميثاق الذي يُلقى على مسامعنا كل يوم الخاص بحقوق الإنسان على مستوى العالم ، كيف هذا والإنسان نفسه أصبح أقل سلعة على مستوى العالم بأجمعه ، لا تدري هل كافة تلك المشاكل ستظل موجودة في كوكبنا فقط أم موجودة على الكواكب الأخرى أيضا ؟

اتخيل الحياة على كوكب فليد – كوكب دوق فليد - واسأل ، هل توجد مشاكل تحرش كتلك التي تحدث عندنا أم الكوكب الأخر من جنس واحد ؟

لا اعلم ولكن بالتأكيد ليس كما لدينا من مشاكل التحرش والإغتصاب والزنا التي نواجهها ولك أن تتخيل القضايا والمحاضر التي يحفل بها كوكبنا من هذا النوع الذي يجعلك تتصور أن كوكبنا لا هم له سوى هذا النوع والحياة الجنسية والإغتصابات وتنويع الأمر والذي يجعلك تتصور حياة سوداء في انتظار هذا الكوكب ، وليس فقط إغتصاب النساء بل كل أنواع الإغتصاب التي نعانيها في هذا الكوكب ، من نساء ، وحقوق ، وأطفال ، ومحارم ، وغيرها من الأمور الغريبة وضياع الحقوق ، وتدمير الذات وقهر النفس ، وبيع وتجارة الأمور بين الحلال والحرام ، لا اعلم أين سيأخذنا هذا الكوكب ، فكل فرد لا يعجبه ما يحدث في دولته وانت لا تعلم هل العيب في الحكومات ، أم العيب في الأنظمة أم العيب وهو العيب الحقيقي في سلالة بني البشر ؟

من خلال الرؤية التي كنت اريد رؤيتها على كوكب فليد ، أو فرسان الأرض أو حتى كال آل بن جور آل " سوبر مان " الذي حضر من كوكب كريبتون اتخيل الحياة فقط على تلك الكواكب واقول أن العيب على كوكبنا ليس في أنظمة متخلفة رغم تقدمها التقني والإقتصادي ، ولا في حكومات ضعيفة رغم قوتها الأمنية ، ولا حكومات قوية رغم ضعفها الأمني بل العيب كل العيب يكمن في طبيعة البشر التي تحمل بداخلها كل ما يسئ لبني الإنس ، من حب للشهوات والسرقة والنهب والمتاجرة بكل غالي ونفيس ، وفرض الهيمنة والسيطرة ، ومحاولة ضرب المخالف لها في العقيدة والفكر والسياسة ، العيب فينا نحن كبني آدمين وليس في حكومة ولا نظام ولا فكر ولا مضمون ، أجل العيب في كل من يحمل على كتفيه رأس بداخلها عقل ، عقل يستخدمه في الدمار أكثر مما يستخدمه في الخير والنفع للبشرية ، لحالة واحدة إننا لا نبدع سوى في الدمار وأكبر مثال على ذلك العلماء ، في كل مجال تجد من ينشر الفساد من العلماء أكثر وأصدق ممن ينشر الخير والصلاح في مختلف علوم ومناحي الحياة ..

في الدين تجد من ينشر الفرقة والقتل والكره أكثر ممن ينشر الحب والخير والتعاون على الرغم من كون كافة الديانات بها نشر المودة والرحمة سواء أكانت سماوية أو أرضية ...

في أي علم من العلوم تجد من يضر هذا الكوكب أكثر ممن يفيدوه ، والدليل على ذلك أن علماء التسليح والقتل ذو صدى مسموع عن عالم يحاول أن يعالج أحد بالمجان ، أو ينشر دواء يقضي على وباء ينشره علماء الأسلحة البيولوجية ..

حتى الرياضة نسعى فيها ليس لمد سبل التعاون والمودة بين الدول بل للقتال والتناحر وإستغلالها لنبين مدى الكره والبغض بيننا كبني البشر وخير مثال على ذلك مباريات كرة القدم ، المصارعة وما يحدث فيها من مراهنات وغيرها الكثير والكثير وأخر حدث ما حدث بين مصر والجزائر ولا يزال مستمرا حتى الآن ...

لا ادري كيف سيتم حل تلك المشاكل هل علينا أن نترك دولنا ولكن للأسف تلك المشاكل ستجدها في كل دولة تذهب لها سواء كانت عربية أو إسلامية ، غربية أوروبية أو حتى أمريكية ، أفريقية أو حتى آسيوية ، في كل مكان ستجد هذه المشاكل لانك في كل مكان ستقابل فيه بني البشر ..

أيكون الحل في ترك هذا الكوكب والذهاب لكوكب أخر ؟ لا اعلم ولكن الحل بالتأكيد سيكون في شئ واحد غير الموت الذي سيدركك أينما كنت وأيا كانت ديانتك ..

الحل في وجهة نظري يكمن في شئ واحد تغيير تفكير بني البشر ومحاولة تصحيحه حتى على الأقل تنخفض تلك النسبة الكبيرة من الفساد على مستوى العالم بأجمعه وليس فقط في دولنا ...

ملحوظة :

لست إنسانا سوداويا لكي أرى نقاط الظلام فقط ولا أرى ولو بصيص من الضوء ولكن كان فيما مضى خيط من الظلام وسط وهج من الضوء ولكن الآن أصبح الأمر كقبس من النور في وسط ليل شديد الظلمة حالك السواد ...

I.M.S.A

M.S.M.O

عالم عيال عيال … 9

2011-03-31T14:54:00.001+02:00

مقدمة للتضامن ..

كلنا شخص واحد ..

لا بل كلنا كيان واحد ...

لا نحتاج لعنصرية ولا نحتاج لتحزب ....

*************

" يا مينا ، هتيجي تلعب ؟ "

" لا يا محمود ، خايف انزل من البيت "

ومرت أيام ...

" يا محمود ، هتيجي تلعب ؟ "

" لا يا مينا ، خايف انزل من البيت "

ومرت أيام ....

" واد يا مينا ، واد يا محمود ، انتم ما بتكلموش بعض ليه "

سأل كبير العيال مينا ومحمود هذا السؤال فرد محمود :

يا كبيرنا ، بصراحة كدا بقينا خايفين مينا وأنا نكلم بعض

وأكمل مينا :

اللي بيحصل يخلي كل واحد مننا ينظر للتاني نظرة كره .

تمتم كبير العيال بعبارات مبهمة ثم نظر لكلاهما وأشار لهما أن يحضرا إليه فهرول كلاهما وجلس الجميع على أسطح أحد المنازل وقال كبير العيال :

انتم عارفين التاريخ كويس ؟

هز كلاهما رأسه علامة النفي ، فاكمل كبير العيال ولم يعر انتباها لحركتيهما :

تاريخنا بيقول إننا هنا مع بعض من سنين السنين ، وجدود الجدود ، ما فرقش بينا أحد ، ولم يستطع ، لإننا كلنا بنبص للأرض دي ، اللي جمعتنا في مكان واحد ، والبلد دي اللي نسبتنا ليها علشان كدا كلنا هنا روح واحدة وحياة واحدة ، ولو الخطر هاجمنا زي ما عمل جدودنا احنا كمان هنعمل وهندافع عن أنفسنا ولا هنفرق مين فينا مينا ومين فينا محمود .

هز محمود ومينا رأسيهما علامة الموافقة فنظر لهما كبير العيال وسأل :

في عيونكم أسئلة يا ترى هي إيه ؟

سأل محمود :

في الحقيقة يا كبيرنا عايزين نعرف ليه حصل لنا اللي حصل دا ؟

فنظر له كبير العيال وأخذ نفس عميق ورد :

الحقيقة يا محمود ، اللي حصل دا لإننا عايزين إعادة تقييم من زمااااان ، عايزين نعدل الموازين علشان يبقى الميزان معدول ، لا زيادة ولا نقصان ، يعني التعليم عندنا محتاج يتعدل وكلنا متفقين على كدا ومن التعليم دا هنوضح للكل إن مفيش حاجة اسمها غرس الكره في النفوس عارفين ليه ؟

نظرا له وعيناهما تحمل الكثير من التسائل فاكمل :

العيب أه في المواد ولكن أصل العيب في اللي بيعلموا الطلاب والتلاميذ يعني مثلا مدرس مسيحي بيكره جاره المسلم فينقل الكره دا للتلاميذ ومدرس مسلم بيكره جاره المسيحي فينقل كرهه دا للتلاميذ ، وبالتالي الأطفال اللي زينا ، لسة عيال لما هتكبر هيكون جواها الكره دا اللي هو أصلا متسببش فيه علشان كدا لازم نخلي بالنا ونشوف المدرسين دول بينقلوا للطلاب لحب والخير والأمل والتفاؤل ولا الكره والظلم والضياع والفشل ؟

هو محمود رأسه ثم تنحنح مينا وسأل :

طب يا كبير ، ما فيه شيوخ بتفتي بموتنا وقتلنا ؟

نظر له كبير العيال ورد :

بص يا مينا ، ربنا الملك العدل ، وما بينزلش ديانة سماوية بتدعو للقتل ، والإسلام زي المسيحية بيدعي للخير والسلام والأمن ، حتى في أصعب الظروف ، وحتى لو فيه حروب فيه معاهدات وقيم ومبادئ والشيوخ دول ما يعرفوش حاجة عن الدين لإن الدين ما بيأمرش إنك تقتل لمجرد القتل ، لأ انت بتدافع عن نفسك ضد اللي بيهاجمك فقط ، لكن غير كدا دول ناس بتفسر على مزاجها ، وكمان عندك رجال من المسيحيين بيقولوا كلام يزيد من الفتنة والديانة المسيحية بريئة من كلامهم ، لكن بصوا لكلا الطرفين بيأخذ كلام الثاني ذريعة عشان يهاجمه ..

نظر له محمود ومينا ثم سأل محمود :

طب وحل الكلام دا إيه ؟

نظر لهما كبير العيال وأجاب :

الحل كان في إيد المسئولين ، كانوا حاسبوا كل الناس اللي بتتكلم بدون علم وبتسترزق من الدين وعمالة تتكلم بجهل لإن الأديان السماوية بتحض على العيش في سلام ومحبة وأمن أما غير كدا فمن أفعال البشر والبشر لازم يتحاسبوا على الأخطاء اللي بتسئ لناس تانية باسم الدين ..

صاح مينا ومحمود في نفس واحد :

واللي بيحصل اليومين دول مين السبب فيه المسلمين ولا المسيحيين ؟

نظر لهما كبير العيال ورد :

يا محمود انت ومينا ، الإسلام برئ من شرذمة جاهلة ما تعرفش حاجة وبتتكلم وبتعمل باسم الدين وبرئ من الهمجية بتاعتهم ، وكمان المسيحية بريئة من الشرذمة الجاهلة والعنصرية والهمجية بتاعتهم ..

وأخذ كبير العيال نفسا عميقا ثم قال :

العيب كل العيب ، في مَن يقول أنا ديني كذا أو كذا ، وهو بيتعامل مع غيره فأنت بتتعامل بأخلاقك ومبادئك وتعامل من أمامك على نفس الأساس فقد يكون الذي أمامك على نفس دينك ولكنه يسئ للجميع بأخلاقه والعكس صحيح ..

نظر له كلاهما وسأل مينا :

طب والأيام الجاية هنعمل إيه وهنواجه المشكلة إزاي ؟

هز كبير العيال رأسه وأجاب :

الأيام الجاية ما يعلم بها إلا الله ، ولكن علينا أن نقابلها كجسد واحد ونواجه أي تطرف أو عنصرية أو تحزب بقوة عشان ما يكبرش وما يوصلناش لحاجة أكبر من اللي بنشوفها دلوقتي ، بدل ما في يوم من الأيام نخلص على كل المصريين باسم الدين سواء كانوا مسلمين أو مسيحيين ..

ثم عاد ونظر لهما قائلا :

انتما الاثنين ، أساس ترابط هذا الشعب ، إن يوم كره مينا وجود محمود وكره محمود وجود مينا ، لن يكون هناك شعبا بل ستكون هناك مذابح دموية واعلما شيئا أن الذي يريد إهلاكك لن يفكر أيكم مسلم وأيكم مسيحي بل سيضع في رأسه إهلاك جنسية البلد التي تحملاها ..

واخذ نفسا عميقا وقال :

الموت لا يفرق بين مسلم ومسيحي ، فهو يختار الشخص ليس على حسب ديانته بل يختاره ولا يفرق بين وبين غيره عن طريق الديانة ، فحاولا انتما الاثنان أيضا ألا تفرقا بين بعضكما باسم الدين وعسى أن يفهم الجميع هذا ...

--------------------------------------

* ملحوظة :قد يكون ذلك البوست قديما ولكنه يناسب تلك الأحداث التي نحن فيها الآن ..

I.M.S.A

M.S.M.O

مـــواقـــف ومـــش مــــواقــــف :: 2 ::

2011-03-29T15:53:00.001+02:00

مقتطفات من مواقف ومش مواقف اردت للجميع المشاركة فيها من القديم ومن الحديث …

:::::::::::: /////////////// :::::::::: //////////////// ::::::::::: ///////////// ::::::::::

كنت اقرأ في كتاب لعنة الفراعنة – مش في الإنجليزي أوي عشان اقرأ نسخة فيليب فاندنبرج فكانت النسخة لأنيس منصور إصدار دار الشروق – وأوقفتني عبارة في صفحة 29 عن " لعنة دمنهور " وهي إرتفاع الحوادث في الطريق الزراعي قبل أو بعد مدينة دمنهور وقلت ياااه دا اللعنة موجودة لكن غيرت إتجاهها وسابت دمنهور – لإن الزمن بيتغير- وتساءلت ليه مسجلناش اللعنة الجديدة وهي لعنة " العياط " تأكيدا على كل حوادث القطارات هناك وعلى الرغم من كون دمنهور طريق زراعي والعياط طريق قطارات إلا إنهم بيتفقوا في حاجة دلوقتي كلاهما طريق الموت والخراب وفضح الفساد !!!!

********

على ألسنة أحد كهنة مصر وهو يخاطب رجل الحكم والحكمة " سولون " : انتم أطفال إذا ما قورنتم لما لدى المصريين من علم ...

أين هذا العلم وتلك العلوم في الوقت الراهن ؟ اه في المعابد والمتاحف وليست في كتب الدراسة والكتب العلمية بما يثبت بكل فشخرة إننا القرعة اللي بتتباها بشعر بنت اختها لإننا بنحب نتكلم عن الماضي وتاركين الحاضر والعلم الحديث فدا يثبت إننا إيه ؟ ...

************

حينما صرح المهاماترا غاندي محرر الهند من الإستعمار الإنجليزي وكان متبني سياسة اللا حرب تذكرت سياساتنا العربية منذ عام 1982 م والتي تقول لا حرب مع الأعداء وأهلا بالحرب مع الأخ والصديق وقلت لو كان غاندي عاش في الوطن العربي كان استغل سياسة اللا حرب والسلم ولا قال اضربوا وحاربوا الفساد لتتحرر الأمم والبشر والأراضي اعتقد الحل الصحيح هو عدم تخيل الأمر لإن غاندي هندي وإحنا عرب والربط بينا أفلام أميتاب باتشان ...

" الأمر قبل ثورة يناير والتي اثبتت إننا نستطيع أن ننفذ سياستنا الخاصة في الرد على الفساد ولكن اخشى من رد فعل المنتفعين "

*******

موقف من المواقف يجب أن اقف عليه هو موقف الناس من التعديلات الدستورية وخاصة هؤلاء الذين قالوا نعم من اجل نصرة الدين أو من اجل المادة الثانية من الدستور ، مما يثبت جهل البعض واستغلال الجماعات الإسلامية لهذا الأمر ساخبرك لماذا ؟ أولا لإن المادة الثانية من الدستور ليست ضمن المقترحات التي تم تعديلها ، فهذا بالتالي ليس له علاقة بالدين أو الموافقة على التعديلات بمعنى إن الناس البسيطة ضُحك عليها باسم الدين ..

ثانيا من يقول بإن الفقهاء سيحذفون المادة الثانية إن تم تعديل الدستور ، دعني اتذكر المادة الثانية إنها الخاصة بالشريعة الإسلامية مصدر التشريع في مصر أي الأحكام الصادرة في القضاء ، حسنا لا أظن إنها خاصة بالعبادة أو التعبد لله تعالى بل خاصة بالتشريع في الأحكام والقضاء – لا أظن إننا نطبق الشريعة بحذافيرها في الأحكام !! – المهم الناس اعتقدت إن تعديل الدستور سيلغي المادة الثانية دعني اسأل سؤال :

هل حين نقوم بالتعبد لله تعالى أو التوقف عن التعبد من يحاسبنا الله تعالى أم الدستور ؟

لا اريد أن اقول أن الناس لا تزال تعيش في حالة التغييب السياسي والثقافي ولكن هذه المرة ليس عن باسم النظام بل باسم الدين ...

*********************

مما أثار ضيقي بالفعل هو تصريح الشيخ محمد حسين يعقوب حين قال إنها غزوة صناديق ، وإن الفريق الفائز هو من أيده الله في تلك الغزوة وعلى الأخرين الرحيل من مصر ..

أليس هذا دعوة للفتنة ؟ ، لماذا تقول هذا ؟ ، هل اعترضنا على فوز من قال نعم ، لقد قلنا أن الأمر حرية وديمقراطية واحترام رغبات الأخر ، ولكنك للأسف استخدمت الأمر لغرض في نفس يعقوب دون الالتفات لحالة البلد الآن ؟؟؟

ما أثار الضحك بالفعل أن أمر المادة الثانية من الدستور مفتعل لإننا لن نقبل أن يتم محو الدين سواء كان إسلامي أو مسيحي من بلد يقطنها مصريون ...

شئ أخر أريد قوله نحن ننتمي للدين وليس الدين من ينتمي لنا والدليل على ذلك إن الدين حين قام قام على كتف رجل واحد وهو الرسول صلى الله عليه وسلم وانتشر بسبب ناس انتمت إليه ، وليس العكس ...

نحن أيضا ننتمي لتلك البلد التي ترعانا ويجب أن نحافظ عليها وألا نفرقها باسم الدين ..

I.M.S.A

M.S.M.O

لماذا نسمع أصواتكم الآن ؟ …

2011-03-20T12:32:00.001+02:00

هناك أشخاص لم تكن لتسمع لهم حسا ولا صوتا من قبل ...

هؤلاء الأشخاص الذين لا ينتمون لأي تيار سياسي أو فكري أو معتقدي جيد ، بل ينتمون إلى ما يعرف بالمصلحة الخاصة أو مصلحتي الشخصية وملعون أبو البشر في الطوفان ...

هؤلاء الأشخاص الذين حملوا على أكتافهم شئ واحد هو الإنتماء لثورة 25 يناير ..

أمثال السلفيين ، الإخوان المسلمين ، الجماعات الإسلامية ، أحزاب ، فنانين ، صحفيين ، إعلاميين ، كل أمثال هؤلاء ....

هؤلاء وبجدارة قوية يدرجوا فيما يعرف بالضرب بالقباقيب كشجر الدر ، تخبرني لماذا ؟ فدعني أخبركم كل فرد في مجال بمفرده ...

أولهم محمد حسان الذي في أحداث 25 يناير كان ينوح ويلوح من أجل الحصول على حق إعادة قناة الرحمة وكان من الواضح إنه سيبوس الأيادي ، وكان طوال الوقت يقول دائما يجب أن تدخل الحمام بقدمك اليسرى ، وتأكل بيدك اليمنى وتتبرأ من البول ، وهذا الكلام الظريف ...

فجأة ومرة واحدة يخرج في إحدى الخطب يخبرنا عن إلغاء المادة الثانية من الدستور والدولة العلمانية ، وفجأة يحدثنا إننا لا نريد دولة مدنية ويقوم بعمل مجمع بما يعرف بعلماء المسلمين ( تقريبا هم علماء السلفيين فقط ) ويخبرنا بإهتماماته السياسية التي ظهرت عليه مرة واحدة وبقدرة قادر كإنه منذ ولادته سياسيا ، ولكنه لم يكن يتحدث عن السياسة بجدارة وكأنه طوال الوقت لا يرتبط بالسياسة وكان يخشاها ولم اسمع صوته بكلمة حق في سلطان جائر كما يقول الإسلام ، بل كان يتمسح للرئيس مبارك وكان يبكي على قناة الرحمة وكان قبل جمعة الغضب يدين شباب التحرير ويطالبهم بالعودة والآن يقول عنهم نعم الشباب وخير الرجال ؟!!!! طبعا هذا الكلام يشمل كل قيادات السلفية أمثال د/ محمد إسماعيل المقدم ، وغيرهم ...

الشيخ أحمد الطيب وعلي جمعة والذين كانوا يصيحون وينيحون طالبين من شباب التحرير العودة إلى بيوتهم وفجأة ومرة واحدة أصبحوا يمجدون الثورة ويقدسون أرواح الشهداء ويطلبون الكثير والكثير ...

والآن يصرح الكل بإنه كان مع الثورة وقوتها وروعة الشباب الذي قام بها وإنه حقا ما يستحق الوقوف إلى جواره ؟ !!

بعض الفنانين الذين قالوا في تصريحات لهم بإعدام شباب التحرير وأن الحرق أولى بهم من أن يطلبوا من الرئيس السابق الرحيل أو يفكروا في تعديل الوضع الحالي للبلد وأنهم على إستعداد للذهاب للتحرير للقنص منهم ، واتهموهم مرة بتناول وجبات كنتاكي ومرة بعملات أجنبية وأجندات أجنبية أمثال سماح أنور وزينة وتامر حسني الذي صدقه معجبيه بإنه يحب الوطن ويفديه بروحه بسبب أغانيه ( مثل الحزب الوطني )

المذيعون العاملون بقطاع التليفزيون المصري والذين صرحوا أكثر من مرة أن الثورة تلك ما هي إلا نتاج جياع في ميدان التحرير حصلوا على غذاء ونقود فظلوا ماكثين هناك ، وبعض القنوات الخاصة التي ذاعت أحداثا وهمية اتفقت مع تلك الصورة الزائفة التي رسمها التليفزيون إبان الأحداث والآن بعد أن شبه نجحت الثورة باتت ثورة الملايين والملايين من الظلم والضياع وإنها الخلاص من الظلم والفساد وأيضا بعض المعارضين للنظام السابق أمام الناس وكانوا في نفس الوقت من المتملقين له صرحوا بإنهم ضد الثورة وبعد جمعة الغضب أصبحوا بقدرة قادر مع الثورة وذهبوا إلى الميدان لكي يكونوا إلى جوارهم بعد أن علموا أن كفتهم هي الرابحة ...

الصحفيون بالجرائد القومية والمعروفة بالتمسح في قدم صاحبها والذي كان يصرف عليها ببزخ لكي تتملقه وتثبت إن الدولة لا تنجح إلا عن طريق هؤلاء الرجال الساهرين على أمن وسلامة الإقتصاد المصري وأصبحوا بين ليلة وضحاها من كبار الفاسدين والفاسقين بمليارات المليارات في الخزانة المصرية وضيعوا ملايين الشباب بسبب كلامهم عن هؤلاء السادة الذين لا يمكن أن تطولهم الأيادي لأنهم في أعالي السماء ونحن بشر من طين مغروس في الأرض ...

أمثال هؤلاء بالطبع جريدة أخبار اليوم وعلى رأسها الأستاذ ممتاز القط ( مكرهنا في فصائل القطط كلها ) والمعروف بمقال طشة الملوخية الجامد مع مقالات التمجيد في الحكومات السابقة الآن أصبح من ناصري الثورة والبحث عن الحقيقة وراء النظام السابق والتملق لأسياده الجدد ...

كل أمثال هؤلاء وغيرهم الكثيرين ممن يعتبرون من كبار فاسدي الأرض لأنهم تبعا لذلك السرطان المعروف بنظام مبارك المتفشي في كل خلية من خلايا المجتمع ، والذين أصبحوا يبحثون عن سيد جديد يكون له الولاء بعد أن ذهب السيد السابق دون رجعة ، بل ويروج بعضهم لنفسه لكي يتقلد منصبا أو مكانة أو حتى رئيسا وعلى سبيل المثال وليس الحصر ...

محمد حسان : اترفع عن منصب رئيس الجمهورية .. على أساس إننا طلبنا منك وكان ناقص نبوس القدم ونبكي الندم لكي توافق على تولي المنصب يا من تنكرت للثورة ثم تمسحت بالسياسة بعد زوال النظام السابق ؟!!!!

رفعت السعيد : مرشحا عن حزب التجمع ، بعد أن اصدر فرمانا سرطانيا بعدم المشاركة في أحداث 25 يناير ثم وبعد جمعة الغضب وبعد أن تأكد أن الشعب كله في سبيل تحقيق الهدف شارك وأصبح متحدثا رسميا بعد أن كان يأخذ التصريح من قبل الحزب الوطني قبل المشاركة ( رحم الله الأستاذ خالد محي الدين ) .

الكتاتني : كان قبل الأمر يقول أن الإخوان لن يشاركوا في تلك الثورة وبالفعل خرج هذا البيان ولكن على المستوى الشخصي للأفراد شاركوا في الثورة ولكن ليس ضمن حركة الإخوان المسلمين بل على مسئوليتهم الشخصية ، ومع الوقت خرج لنا المتحدث باسم الإخوان المسلمين يعلن عن قوة الجماعة وإشتراكها وبما إنها أقوى من واجه النظام السابق ولديهم قوة كبيرة على مواجهته والصمود أمامه فقد صدقهم الجميع ( الموقف موقف منذ بداية الأمر يا نعم يا لا ) ..

الزميل بدوي والمعروف بـ تامر حسني : في الأول حين ذهب إلى الميدان وتم تحيته بما يستحق كان يقول لهم ارحلوا وووو ولأن له سيطرة كبيرة على جموع الشباب بسبب أغانيه واحساسه المرهف فقد توقع إنه سينجح ولإنه بيلعب على الحبال كلها ، وبعد ما الثورة نجحت وبجدارة اخرج اغنية في سبيل مصر وكل الدنيا مصر ، نفسي أعرف انت تبع الفن ولا تبع مصلحتك الشخصية ؟

وطبعا الأخت زينة بنت عم هرقل : خلص عليهم يا ريس ، هي والزميلة سماح منور – عارف إن اسمها أنور بس انا شايفها منور- وبعد النجاح ثورة ثورة ، وكان ناقص يقولوا زي القذافي من انتم ؟ إلى الأمام …

اتمنى أن يعي الجميع أن هؤلاء ما هم إلا مستفيدين وينظروا إلى الموقف قبل الثورة وبعد الثورة ثم يحكموا ولا يأخذوا بالشواهد الأولى فقط ، احم الأمر لا علاقة له بالدين والتعدي على الدين بالكلام عن من يتملقون باسم الدين …

I.M.S.A

M.S.M.O

أول ممارسة ديمقراطية....:))

2011-03-19T13:05:00.011+02:00

لما تبقي عاجز عن الكلام لما يكون بداخلك مشاعر متضاربة من الفرح والسعادة لما تكون مش عارف توصل المعاني والأحاسيس اللي انت بتحس بيها هي دي حالتي وحالة ناس كتير نزلوا النهارده من الصبح وصوتوا في الاستفتاء سواء صوتوا بنعم ولا مش مهم المهم إن الشعب المصري بيثبت كل يوم إنه شعب عظيم واللي شوفته النهارده يخليني اسال فين سيلي مان ونظيف اللي بيقولوا إن الشعب مش مستعد لديمقراطية ده العكس هو اللي صحيح.

أنا أول ما صحيت الصبح طلعت اجري علي البلكونة اشوف الأعداد عند اللجنة اللي جنبي عاملة ازاي كانت الأعداد قليلة والدنيا رايقة نزلت لجولة التسوق المعتادة قبل ما اروح اصوت ودخلت المدرسة ضباط الداخلية والجيش كانوا بره اللجنة :)

وكان في واحد واقف بره المدرسة رافع علم مصر وحاطط بادج لا للتعديلات الدستورية وكان في ناس بتروح تساله وبيتكلموا معاه وكان الحوار قمة في الرقي والتحضر برغم إن اللجنة اللي انا روحت صوت فيها بجوار شارع معروف باتجاهه السلفي بس مسمعتش لهم صوت غير الأيام اللي فاتت وخاصة بعد صلاة الجمعة امباراح لما قالوا إن التصويت بنعم واجب شرعي وإنك لو صوت نعم وطلع خطأ هنتحمل نحن الوزر!!!!
المدرسة اللي كنت فيها كان في 3 لجان في 3 ادوار فوق بعض المنظر كان جميل جدا وخاصة الحوارات الدائرة بين الستات الكبار وأهم حوار فيهم كان بين ست مسلمة كبيرة وجيرانها المسيحيين واضح إنهم نازلين مع بعض وبيتكلموا علي ايام الجيرة وايام زمان وإن مبارك خرب مصر وبيعيبوا علي رجال الدين اللي قالوا قولوا نعم أو لأ ،طابور الرجال كانت الحوارات بعيدة عن الاستفتاءات كانت عن اليابان واللي بيحصل في ليبيا علي باب اللجنة الرجل كان بيشرح لست بسيطة علي مكان نعم ولأ وقالها في حرية راي انت تختاري اللي انت عايزها اللجنة جيدة جدا الصناديق كلها شفافة ومقفولة القاضي كان موجود التأكد من البطاقة والشخص كان كويس جدا ، ورقة الاستفتاء اتاكدت من الختم وبصت علي الناس اللي جنبي الورق كان مختوم العيب الوحيد هو إن الناس كانت بتصوت وهي جنب بعض عند الستارة اللي مكانوش بيستخدموها وإن في وعي قليل نوعا ما الرجل اللي كنت بتكلم معاه واحنا داخلين بيسالني مش المفروض اكتب اسمي علي البطاقة؟! فهمته إن كده غلط وإن ده يبطل صوته وإنك هتمضي في الكشف وإنت بتاخد البطاقة، مضيت في الكشف والرجل اللي في اللجنة بيشكرني ايوه أمين اللجنة أنا مكنتش مصدق ساعتها إن دي مصر وحطيت صباعي في الحبر الفسفوري وخرجت وأنا خارج كان في رجل كبير فوق الستين سنة عمال يدعي علي مبارك وهو بيعيط خلاني وخلي كل الناس اللي واقفة تعيط من كتر الدعاء اللي كان بيدعيه علي مبارك ،بجد المنظر العام في مصر حاجة تشرف بجد،أنا مبسوط وفرحان فرح ومنشكح انشكاحة التنين الأزرق الناري ومحدش يسال هو ايه التنين الأزرق الناري :D

أنا بصراحة مشفتش سلبيات غير حكاية الستارة وتقريبا الموضوع ده منتشر عند ناس كتير كلمتهم وإن الوعي كان قليل وكنا محتاجين ننزل الشارع أكتر من كده بس في أماكن تانية في تجاوزات من التيارات الإسلامية مبالغ فيها علي توجيه التصويت نحو نعم وصل لحد تكفير من يصوت بلا بس كده كويس إنهم بيظهروا لناس حقيقتهم بدري بدري والناس فهمت الليلة وحالة الذعر اللي هما فيها وبتخليهم يتصرفوا بالطريقة دي أكبر دليل علي إنهم غير مقبولين في الشارع وحجمهم أقل مما يدعون بكثير.

عامة أنا راضي بنسبة كبيرة عن سير عملية التصويت وخاصة إنها تعتبر اول مرة في شوية حاجات بسيطة بس مش هتاثر علي نزاهة الاستفتاء خاصة مع نشاط المراقبين علي الاستفتاء ونزاهة القضاة في كثير من الأماكن.

النهارده الصبح في جولة التسوق المعتادة ببقي بحط سماعات الموبايل وأنا ماشي ، أنا بحط الأغاني عندي بحيث تشتغل بطريقة عشوائية أول أغنية سمعتها النهارده كانت يا نسمة الحرية لعبد الوهاب تفتكروا الموضوع صدفة؟!

ونسيت اقولكم أهم حاجة حصلت لي النهارده إن بسبب حالة الانكشاح والسعادة والفرح اللي أنا فيها نسيت بطاقتي جوه مع أمين اللجنة بعد ما مضيت وحطيت صباعي في الحبر الفسفوري وروحت ومفتكرتش إني ممعيش بطاقة غير لما قررت اكتب البوست ده ورجعت اللجنة خدتها وأمين اللجنة بيقولي احنا قعدنا ننادي عليك بس انت ولا كنت هنا :)

كلمة أخيرة النهارده قلت رأيي الصبح والنتيجة هتظهر بكره أي كانت النتيجة أنا هحترمها حتي لو كانت عكس اللي أنا كنت أتمناه لكن السؤال الذي يطرح نفسه هل يستطيع الآخر أن يقبل هذا؟!

برغم إني مكنتش عايز اصورها لكن لذكري أول ممارسة ديمقراطية في مصر ولن تكون الأخيرة :)

المختصر المفيد في تحديد الطريق ما بين نعم أم لا

2011-03-17T20:02:00.004+02:00

لم أكن أنوي الخوض في الحديث عن التعديلات الدستورية مكتفيا بتبادل الحديث علي الشبكات الإجتماعية لكن مازال هناك الكثير متردد والموضوع اصبح له اشبه باللوغاريتمات وأصبح تائه بين نعم ولا لأ ربما يرجع هذا لأننا وللمرة الاولي لم يعد هناك من يصوت بالنيابة عنا بل نحن سنحدد ما نريد واصبح صوت المواطن الواحد يفرق في عملية التصويت ؛ لذلك سأحاول ان التزم الحياد في عرض جميع وجهات النظر ولكن هناك بعض النقاط التي يجب أن نتحدث عنها قبل الخوض في حديث نعم أم لا و أتمني أن تكون هذه النقط بمثابة نقاط النور التي ستنير الدرب قليلا.

الديمقراطية الحقيقية تحتمل إبداء كل رأي وترويج كل مذهب ،إذا قلت لا أو نعم فيجب عليك أن تحترم الرأي الآخر وإذا جاءت النتيجة في النهاية علي غير ما كنت تتمني فيجب عليك احترام إرادة الشعب .

ليس كل من قال نعم إخواني أو وطني أو ينتمي لتيار إسلامي و بالطبع ليس خائن وليس كل من قال لا كافر وزنديق وعاصي ويجب إقامة حد عليه.

الدستور المصري لعام 1971 يعتبر فاقد شرعيته وتم إسقاطه بالكامل بعد تولية السلطة لقوات المسلحة وقد أعلن بعض قيادات الجيش إن الجزء الذي سيتم تعديله من الدستور

هو فقط الذي سيتم العمل به في الفترة القادمة بمعنى إن الفترة القادمة سيتم حكم وتسيير الأمور في البلد بهذه المواد المعدلة - لمن يروج التصويت بنعم والمادة الثانية -

نحن مطبق علينا قانون الطوارئ والأحكام العرفية منهما ما هو مضمن داخل حالة الطوارئ.

لم نبدأ بعد ودخل الدين في السياسة وبدأت حلقات كثيرة من الكذب ستمسعها في الشارع أو في الكليات مستغلة الجهل لدي البعض والترهيب من جهة آخري ، الكذب لم يكن ولن يكون أحد الصفات في أي دين لكن الكذب أحد الأخلاق الحميدة في السياسة فعندما نقول لا دين في السياسة ولا سياسة في الدين نتهم بالكفر والزندقة وإن كانت الفتاوي التي نشرت ورأها البعض تؤكد صحة ما قلناه إن المعارضة التي ستحدث في المستقبل سيطلق عليها إنها تعارض الله والسماء وليس الرئيس الذي يحكم والبطانة التي تحيط به ممن يلعبون بالدين وبالعبيد كيفما شاؤوا وإن كنت اثق إن الشرعية والقوة للشعب .

سواء إن قلت نعم أو لا فالخط الزمني لاختيارين تقريبا واحد وسيؤدي هذا أو ذاك في النهاية لانشاء دستور جديد وهذه الصورة المنقولة من مدونة manalaa توضح هذا الأمر وذلك ابلغ رد علي من يدعو إنهم يريدون الأمور تخلص والعجلة تمشي - ملاحظة جانبية من أنشأوا هذه الصورة يدعمون التصويت بنعم -

قبل أن نقول نعم أو لا ولماذا هذا أو ذاك وبالطبع أنا سأعرض أهم النقاط التي يؤيدها كلتا الفريقين ، هذا هو نص المواد الدستورية وتعديلها وإن كنت اشك إن هناك من لم يقرأ هذه التعديلات حتي الآن .

لماذا نعم؟

1- التعديلات الدستورية هي أسرع طريق لعودة الجيش إلي ثكناته وممارسة مهامه الطبيعية في حماية حدود الوطن بالإضافة إلي أنه سيمسح لوجود حكومة مدنية تقوم علي تنفيذ ما قامت الثورة له من تحقيق العدالة والحرية ولن يكون عليها ضغوط مثل ما علي الجيش.

2-وجود وقت كافي لتوعية الناس وإقامة دستور بدون تسرع وبخطوات مدروسة وخاصة

.عندما يتطرق الحديث إلي بعض المواد وخاصة المادة الثانية

3- التعديلات ستتيح لعجلة الإنتاج أن تتحرك مما سيخفف العبء علي الطبقات الكادحة التي قامت الثورة من أجلهم في المقام الأول.

بالطبع من يقول نعم لإنها واجب شرعي فهذا قهر وإجبار وليس اختيار ولكن هناك من سيقول نعم لهذا الأمر :( x(

لماذا لا؟

1- إن الذي يحدث ليس إلا مجرد ترقيع لدستور فقد شرعيته وتمرير مثل هذه التعديلات سيعيد إحياء ميت شاركنا جميعا في قتله كما إن هذه التعديلات ستجعل الدستور متناقض أكثر ما هو مثل المادة 190 وتعارضها مع تعديل 77 حول مدة الرئاسة وهناك كثير من المواد الآخري المتناقضة أو الغير مرغوب في وجودها مثل المادة 171 الخاصة بمحاكم أمن الدولة وانطلاقا من مبدأ البدايات الخاطئة تنتج عنها نهايات خاطئة فلماذا نوافق علي التعديل إذا و نحن في النهاية سننشأ دستور جديد فلماذا نعدله ثم نعيد بناءه من أول وجديد.

2- هناك السلطات التي ترفع الرئيس إلي مصاف الاله حيث لم يتم الحديث حول تحديد سلطاته وتحجميها .

3- شكل الدولة هل هي رئاسية ام برلمانية أم نصف رئاسية أم ماذا؟

4- الاعتراض علي بعض التعديلات وأعتقد إن الفترة السابقة كانت كفيلة في إظهار جميع الجوانب المختلفة لهذه التعديلات و ايضا رفض التصويت بمبدأ الكل وإلا فلا

5- في حالة الاستفتاء بنعم سنضطر أن ننزل 6 مرات للتصويت والانتخابات ولا أعتقد إن الشعب هينزل 6 مرات كاملة بالإضافة إن 6 مرات تصويت تساوي أسبوع كامل من

وقف الحال الغير مبرر والمصاريف التي لا داعي لها.

أعتقد إن هذه أبرز النقاط التي يستند عليها من يقول نعم ومن يقول لا وبالطبع هناك ردود عليهم وردود علي الردود وستظل في دائرة مفرغة ، في النهاية جميعا نسعي إلي تقدم هذا الوطن وإن اختلفت رؤية كل فرد فينا فيجب أن نحترم آراء الجميع وهذه هي الديمقراطية والحرية التي ننشدها .

في النهاية لقد حاولت التزام الحياد والتبسيط علي قدر المستطاع لكن عندي جملة خبيثة ولغرض ليس برئ متي اجتمع الأخوان والوطني علي موقف واحد وتسمع مباركة
السلفيين فيجب أن تدق أجراس الإنذار وأن تفكر قليلا قبل أن تحدد موقفك في التصويت.
هناك ايضا سؤال خبيث لماذا هناك عجلة في الرغبة في بناء الدولة ولماذا هناك اتجاه إعلامي موجه نحو تصويت معين ؟

كلمة آخيرة لم أكن أنوي أن اكتب موقفي من التصويت لكن نظرا لاعلاني عنه من قبل فأنا ساصوت بلا ليس خوفا من الإخوان أوغيره فلقد أعلنت موقفي من التعديلات قبل أن يعلن الأخوان والوطني عن موقفهم بهذه القوة وهذا الترويج المبالغ فيه نحو التصويت بنعم ؛ لكني سأحترم من سيصوت بنعم مادام خرج صوته بعد أن فهم ووعي الفرق ما بين نعم ولا وليس منقادا بسبب فتوي أو بسبب شخصية بارزة دعت لتصويت معين وسأحترم إرادة الشعب أي كانت النتيجة النهائية التي سيحسمها الصندوق .

البقاء لله....

2011-03-14T14:30:00.040+02:00

في بعض الأحيان قد لا يجد المرء كلام يعبر به عما يريد أو مايستطيع به الرد علي أقرب الناس إليه هذا ما شعرت به عندما أتاني صوت إسلام اليوم فمن صوته عرفت ما سوف يفضي به إليه من قبل أن يتحدث به ولقد كان وقع الخبر علي أليم اعتصر قلبي حزنا وهو وفاة والده ادعو الله أن يرحمه رحمة واسعة .

قلبي معك يا أخي فأنا أعلم جيدا معني ما حدث بالنسبة إليك ولو كان الأمر بيدي لسافرت إليك ووقفت إلي جانبك في هذه المحنة تقبل عزائي الحار وأدعو الله من كل قلبي أن يغفر لوالدك ويرحمه رحمة واسعة وأن يدخله الجنة بغير حساب.

اللهم أبدله دارا خيرا من داره وأهلا خيرا من أهله وادخله الجنة اللـهـم اجزه عن الإحسان إحسانا وعن الإساءة عفواً وغفراناً.

اللـهـم إن كان محسنا فزد من حسناته وإن كان مسيئا فتجاوز عن سيئاته.

اللـهـم ادخله الجنة من غير مناقشة حساب ولا سابقة عذاب .

اللـهـم اّنسه في وحدته .

اللـهـم انزله منزلاً مباركا وأنت خير المنزلين .

اللـهـم انزله منازل الصديقين والشهداء والصالحين وحسن أولئك رفيقا .

اللـهـم اجعل قبره روضة من رياض الجنة ولا تجعله حفرة من حفر النار .

اللـهـم أفسح له في قبره مد بصره وافرش قبره من فراش الجنة .

اللـهـم أملأ قبره بالرضا والنور والفسحة والسرور.

اللـهـم إنه فى ذمتك وحبل جوارك فقه عذاب القبر وعذاب النار وأنت أهل الوفاء والحق فاغفر له وارحمه انك أنت الغفور الرحيم .

اللهم آمين وأنت خير الراحمين وانت مجيب دعوة الداعين إليك فاللهم آمين يارب العالمين.

الخباز الفصيح

2011-02-27T23:20:00.000+02:00

مازال البعض يتهم هذا الشعب العظيم بإنه لا يفهم

مازال الكثيرين لا يفهموا إن الجواد الرابح هو الشعب

مازالت هناك اتهامات بإن هذا الشعب شعب همجي وغوغائي وعشوائي

مازال البعض يري أن نكتفي بإسقاط مبارك

مازالت اتهامات العمالة والتخوين مستمرة

ومازال الشعب المصري يثبت مدي روعته ووعيه بالمطالبة لحقوقه

تحياتي لهذا الخباز الفصيح الذي يمتلك من الوعي ما لا أملك

ومن الفصاحة وطلاقة اللسان ما أعجز عن امتلاكه

انحني واخلع لك القبعة أيها الرجل المصري البسيط

يا من تمثل خيط صغير في نسيج عظيم هذا النسيج يدعي شعب مصر

عـــــلامـــــات تـــــــعـــجــــب …. ( 6 ) ..

2011-02-26T19:36:00.001+02:00

ما يثير مليار علامة تعجب – لكون العدد بعد الآن سيكون من مليار وانت صاعد – هو ما يسمى بالإنتفاضات أو بمعنى أصح ما يسمى بـ...

" الــثــورات "

وبما إن الحديث عن الثورة فدعونا نقلب صفحات التاريخ لكي نتعرف على الثورات التي حدثت في بعض دول العالم والتي تستحق أن يكتب قبلها ذلك التعريف الرائع ألا وهو الثورة !!!

أعود بذاكرتي لهذا الشعب الراقي والشباب المعروف بالأناقة والحيوية والعشق والجمال ، إلى مدينة السحر والجمال إلى باريس ، بل إلى فرنسا وإلى عام 1879م بالتحديد ، حين سأم الشعب الفرنسي حكم الطغاة من الملوك والأمراء والدوقات وقرروا الخروج عن النهج بسبب ما عانته فرنسا من ضياع وخراب وأحكام كادت تودي بحياة الجميع لولا صحوة الشعب ، وقامت الثورة وتم إلغاء ما يعرف بالمملكة والتوريث ونظام الإقطاع البغيض والذي عاشت فرنسا في نيره لفترات طويلة حتى قامت بثورتها والتي نقلت إلى كافة دول العالم ما عدا إنجلترا ، ولكن ما نقف عليه هو أن ما حدث في فرنسا يسمى بما لا يدع مجالا للشك بثورة !!!

لكون من قام بها هو الشعب رافضا الظلم والهوان والضياع الذي فرضه عليه النظام الملكي الفرنسي الذي كان قائم في ذلك الوقت ، واستطاع الشعب أن يجعل كلمته تعلو على كلمة الحمقى والسخفاء والذين اعتقدوا أن الشعب لن تصحو له صحوة ولن تقوم له قائمة !!!

ثاني الثورات والتي تجعل الفرد أيضا يقف أمامها هي ثورة أكتوبر عام 1917م والتي قام بها الروس للإطاحة بنيقولا الثاني ردا على ظلمه وطغيانه ونظام القياصرة الذي كان متبعا في روسيا في ذلك الوقت !!!

فقد كان نيقولا الثاني مستبدا ، ظالما ، جعل من راسبوتين مسئولا عن كل شئ في القصر الملكي بعد أن نجح في علاج الأمير الصغير ، فكافأه نيقولا بأن عينه مسئولا عن كل شئ في البلاد وبما إن راسبوتين من الأساس فاسق وماجن فقد أشاع الفوضى والعبث في البلاد ولم يجرؤ أحد على الرد عليه ، ورغم محاولات الإغتيال التي جرت له إلا أنه لم يمت مغتالا ، وسيطر على البلاط القيصري وأشاع الفوضى في البلاد والظلم والإضطهاد والأحكام التي جرت جعلت الشعب يشعر في قرارة نفسه إنه يريد التخلص من كل رموز الفساد وعلى رأسها القيص نيقولا الثاني هو وعائلته كاملة !!!

وبالفعل قامت ثورة أكتوبر 1917م ولكن الأمر خرج من سياسة الظلم والقهر إلى الطغيان الكامل على يد الشيوعيين والإشتراكيين ، وضاع حلم الشعب في العيش داخل حرية ومساواة وعدالة إجتماعية ، وعاش داخل حرية وعدالة إجتماعية زائفة ساقتها الشيوعية داخل البلاد !!!

ولا أريد أن اطيل في الحديث عن ثورات الغير ، فما حدث بعد ذلك هو خروج العديد من الإنقلابات وسميت فيما بعد بالثورة على الرغم من قام بها ليس الشعب ولكن فئة معينة ، فالثورة هي تلك الطاقة التي تتحرك من نفوس الناس بعد ضغط طويل عليهم لكي يكونوا نواة للحرية والمساواة !!!

وعلى سبيل المثال وليس الحصر ، ما حدث هنا في مصر عام 1952م فما حدث ليس ثورة مثلما يطلق عليها العامة بل هي حركة إنقلاب قام بها ضباط الجيش المصري ضد ملك ظالم ، وفرح بها الشعب وشارك فيها فأخذت الصبغة الشرعية ، وتحولت إلى الثورة ، لهذا كان واجب على الضباط الأحرار ترك الملك فاروق يخرج بكل إحترام ، وعدم التعرض له لكونه كان على إستعداد بالإستعانة بالإنجليز لتوثيق حكمه داخل مصر ولكنه لم يفعل هذا وكتب بيد مرتعشة في تنحيه عن الملكية إنه فعل هذا بإرادة الشعب على الرغم من أن الأمر من أوله لآخره كان إنقلاب عسكري قام به الجيش ولقب بالثورة لكون الشعب أعطاه الصبغة الشرعية !!!

وأيضا يحسب للشعب المصري ما قام به عام 1805م حين ثار على الوالي الذي عينه السلطان العثماني واختار بنفسه من يحكمه وكان محمد علي وكان تلك الثورة بقيادة عمر مكرم ولكن لا تأتي الرياح دوما بما تشتهي الأنفس فمحمد علي أيضا كان من النوع الوحدوي ويريد التوريث فنفى كل من ساعده وتخلص من كافة أعدائه ، فكان نصيب الشعب هو العيش تحت سلطان أسرة محمد علي ما يقرب من قرن ونصف القرن من الزمان !!!

كان كل هذا من خلال القرن التاسع عشر والعشرين ولكن في القرن الحادي والعشرين الأمر يختلف فالثقافة تغيرت والأمور لم تعد كما كانت ، على الرغم من وجود فئة كبيرة جدا أعتقد إنها يجب أن تنتمي لتلك الحقب من الزمن والتي لا تعلم شيئا وتعيش على أمور تالفة !!!

بمعنى أدق ما حدث في أحداث الـ 25 من يناير والذي يسمى عن جدارة بثورة ، نجحت في تحقيق أهدافها ، وتوثيق الصلة بينها وبين الشعب بل أن يخرج مجموعة من الشباب للمطالبة بعدة مطالب وينضم لها شعب عانى من الذل والهوان ، ليس عاما أو اثنين أو عشرة أو عشرين بل ما يقارب من نصف قرن من الزمان !!!

شعب عانى مثقفوه ، مفكروه ، علماؤه من الضياع الكامل ، والنفي والإستبداد ، شعب عانى منذ ما يقرب من خمسين عاما من طمس معالم الثقافة والمعرفة ، لكي يبقى على صفحة بيضاء من المعرفة ولا يعلم شيئا بتاتا عن كل ما يدور حوله !!!

خرج هؤلاء الشباب لكي يقولوا للعالم كله نحن لا نزال موجودين ، شعبا وشبابا وقادرين على إحداث التغيير ، بل ورسم صورة رائعة بكل ما تحمله الكلمة من معاني لهذا الوطن المشرف للفرد الإنتماء له !!!

خرج الشباب وصمدوا وكتبوا بدمائهم أعلى صفحة للحرية والمساواة والتضافر والتعاون ، متناسين ما تم غرسه في الأنفس عن طريق نظام تالف ، بائد اعتقد أن القوة والظلم والقهر والضغط هم السبيل الدائم لرسم صورة وطن يحمل أفضل مقومات النجاح والرقي والحضارة وعن طريق بصيص من الضوء ، وقدر بسيط من التكنولوجيا استطاع أن يجسد ثورته وأن يقوم بإستخدام كافة وسائل الإتصال لكي يقول للبائدين كفاكم ظلم ، قهر ، ضياغ ، إغتصاب ، سرقة ، قتل للحريات ، توجيه للحياة ، تنصيب أنفسكم فوق رؤوس الجميع ، حياتنا ليست ملكا لكم لكي تتحكموا فيها والأهم من ذلك إنكم لم تعودوا مسئولين عنا بعد الآن !!!

كل هذا تم على مدار ثماني عشرة يوما ، ولم يصمتوا بعد أن حققوا أهدافهم بل ضربوا بكل قوة ليس للشعب ولا للحكومات بل للعالم أجمع معنى أن تقوم ثورة ، أمر لم يحدث في أي دولة في العالم حين قاموا بالتنظيف ، والسعي خلف بناء دولة قوية لكي تكون قادرة على الرقي والتطور !!!

بعد ذلك حدث ما يثبت أن النظام البائد نجح فيما يعرف بمحو الثقافة والفكر والتفكير وتوجيه الناس لأشياء محددة ، فخرجت الثورات الفئوية تدعو لنفسها – يشعروك دائما بالمطلقة التي تبحث عن حقوقها من زوجها المتوفي – ولكن للأسف هم لا يفهمون شيئا يحركهم أناس من النظام البائد ، ورجال من تلك الأحزاب والأنظمة التالفة والتي كانت تستقي حياتها من فضلات النظام وتعيش تروج له وفي كنفه ولم تفكر لحظة واحدة في الوقوف امامه ولو لإعلاء صوت حق واحد داخل أسوار أحزابها !!!

فما يضحك عن صدق ويجعل المرء يقع على ظهره من كثرة الضحك هو إعلان تلك الناس لتأييدها لتلك الثورة بعد أن ثبتت أقادمها امام النظام السابق ، فدعونا نعود بالتاريخ أيضا ليوم 25 / 1 / 2011م عدد المشاركين في ذلك اليوم يتم عدهم على الأصابع ، فهم حركة المعارضة كفاية ، وحركة السادس من أبريل ، ومعها الشباب الإشتراكي والليبرالي ، وكثير من شباب الفيس بوك والذين حددوا هذا اليوم عن طريق جروب خالد سعيد ومصر من أجل التغيير وبعض الجروبات والتي حملت سياسة واحدة إنها ضد نظام مبارك في مصر !!!

ما فعلته الأحزاب من إعلانها إنها لن تشارك في هذا اليوم أمثال التجمع والوفد والغد والحركات الإسلامية متمثلة في الإخوان المسلمين والسلفيين وغيرهم من أمثال الناصري وأنا اتحدث عن القيادات العامة وليس الأفراد ، فمثلا رفعت السعيد لم يشارك ولم يخرج من بيته وأغلق مقر حزبه ومثله فعلت باقي القيادات ، وأيضا القيادات السلفية والإخوانية والمتحدثين بإسمهم ، وخرج القليل القليل منهم ، ثم وبعد جمعة الغضب أي بعد يوم 28 يناير خرج هؤلاء بعد أن أجبر الشباب الرئيس السابق على تغيير الحكومة فعلموا أن قوة هؤلاء الناس كافية لكي ينظر لها النظام بعين الخصم القوي القادر على تنفيذ مطالبه فأحبوا أن يأخذوا نصيبهم من الكعكة قبل أن يأخذها الشعب ويبدأ في الإلتفات لهم لكي يحاسبهم على خمولهم وضياع وتسببهم في ضياع حقوقهم طوال تلك السنين السابقة من عدم المطالبة بحقوقهم وعدم وصولهم في الشارع ووقوفهم إلى جوار ذلك الشعب المظلوم ، فخرجت الفئران من جحورها تطالب النظام بالتفاوض معها ، على أساس إنها خرجت مع الشباب من أول يوم لآخر يوم وإنها دائما قادرة على التصدي ، وهي أبعد ما يكون من ذلك !!!

وحتى بعد التنحي أصبحوا يمثلون أنفسهم متحدثين عن الثرة والشعب ، وبعض الشباب مِن مَن حملهم الشباب في الثورة بالتحدث بألسنتهم لتوحيد المطالب ، وضعوا أنفسهم للبحث عن إرتداء خاتم سليمان – السلطة – حتى يستطيعوا أن يتحدثوا ويبنوا ، وللأسف هم مجرد متحدثين وليسوا ممثلين تمثيلا تاما للشباب ولا للشعب ، فالمطالب واضحة ومعروفة وتم حدوث معظمها ، وعلى الجميع أن يفهم إنها ثورة لكي تطيح بالفساد والظلم والطغيان ووضع حد أدنى للأجور ورفع المستوى الإجتماعي للمواطن المصري وبناء مصر وحضارة مصر من جديد لكي تواكب التقدم والرقي وليس لكي يقوم كل فرد بطلب طلباته الشخصية ، بل هي مطالب عامة يحققها الشعب من أجل الشعب !!!

فتلك الطلبات التي أصبحت فئوية والتي يقودها رؤساء المحليات والمجالس والنقابات والذين هم في الأساس تلامذة النظام الفاسد ، هم يريدون أن يلحقوا شيئا من التورتة ، وهم في الأساس أشبه بالمطلقة كما وصفتهم من قبل ، فمالكم انتم بالثورات ، والمطالبة بالحقوق ، يا من جلستم وقت الصعاب في بيوتكم جالسين خائفين من أن يأكلكم الطوفان ، خائفين على حياتكم والآن تقولون ثورة وحقيقة ، يا من لا تعلمون شيئا عما حدث من الأساس في ذلك الميدان الطاهر !!!

هؤلاء أمثال القيادات الحزبية والإخوانية والسلفية وهذا الشارد الذي جاء إلينا بعد الثورة ويقول إنه لم يشارك من أجل أن تكون شبابية ويختفي كلما بحث عنه الشباب ، والشعب ويقولون إنهم لن يرشحوا أنفسهم للرئاسة ، على أي أساس تقولون هذا ، هل تعتقدون إننا من الجهل حتى نعود لإختيار أشخاص بأعينهم للرئاسة ، لا بل الأمر راجع لبرامج محددة سيتم دراستها قبل أن يتم إختيار أي منكم إلى الرئاسة فنحن لا نزال نعاني من عدم تنفيذ البرامج من كافة الانتخابات التي حدثت في مصر من محليات لمجلسي شعب وشورى لرئاسة !!!

اعتقد إني تحدثت كثيرا واعتقد إن الأمر ليس مترابطا فعلامات التعجب في هذا الموضوع كبيرة لا تتعلق بالثورة فقط بل بالتملق والسيطرة ، والأكثر المحاولة من الفاسدين لجعل الفساد يستمر داخل هذا الوطن والشعب والذي يعتبر أفاق أخيرا من سبات عميق ظل يعيش داخله طوال الفترة الماضية !!!

اتمنى نشر الثقافة والفكر بين الشعب حتى لا يطبق ما يقال له دون تفكير ، نريد عودة المثقفين والمفكرين ، والعلماء إلى مصر لنشر الوعي والثقافة ، والأهم من ذلك هو الإطاحة بكل ما له علاقة بالفساد مثل تلك الفزاعات التي أصبحت تتحدث هذه الأيام وسابقا كانت معروف عنها إنها تعيش في كنف النظام السابق ، بل وتحيا من فضلاته !!!

فما يدور في ذهني هل يحدث هذا أم سنعود إلى ما قبل نقطة البداية ، وهذا ما أخشاه !!!

I.M.S.A

M.S.M.O

الثورة المصرية مازالت مستمرة

2011-02-24T19:13:00.000+02:00

بالرغم إني كنت لا أريد الكتابة قبل أن يذهب دور البرد اللعين الذي حل بي ولكن ما يحدث يجبرني علي الصراخ وليس الكتابة ،ما دار في الأيام السابقة من ثورة مضادة ومحاولة التفاف علي مطالب الثورة يثبت إن رمز النظام الفاسد هو ما سقط فقط لكن اذناب النظام السابق مستمرة في ممارساتها القذرة .

الأيام السابقة شهدنا حوادث هدفها إشعال الفتنة الطائفية مرة آخري والإيقاع بين الشعب ولكنهم لم يعلموا إدراك الشعب لمحاولاتهم القذرة وإننا نعلم إن كارت الفتنة هو آخر كارت يلعب به كلاب النظام السابق وخاصة كلاب جهاز أمن الدولة -مع اعتذراي لكلاب - لكن من الواضح إن غباءهم - أدعو الله أن يزدادوا غباءا علي غباءهم حتي يفضحوا أمام الجميع ومن مازالت أمام عينيه غمامة أن تختفي بسبب أعمالهم القبيحة المفضوحة أما من لا يري أو من لا يريد أن يري فلست أملك دواء لمعالجته - جعلهم لا يستطيعوا ان يصبروا مثلما قال لهم تلميذ عادلي باشا الكلب وجدي بيه خليكم كلاب لهم 3 اشهر وبعد كده هنرجع تاني ،بل وصل التبجح ببعض الضباط وطلاب كلية الشرطة أن تبوح بمكنون صدروها بالتصريح لناس هل تظنون إنكم انتصرتم علينا بل سنعود مرة آخري بل وأسوء من قبل ، بالعقل هل تظن شخص يدفع رشاوي ضخمة في بداية حياته لكي يلتحق بكلية الشرطة هل تعتقد إنه شخص محترم وإنه لن يريد تحصيل ما دفعه في البداية بل الحصول علي أضعاف هذا أي كانت الوسيلة المتاحة لحدوث ذلك ، من شاهد حلقة خري رمضان مع الكلب وزير الداخلية سيجد إنه لا يختلف كثيرا عن العادلي بيه وتلميحاته طوال الحلقة التي نستخرج منها بإن الأخوان فقط هم من في الميدان وإن الشرطة أجبرت بالتعامل بالرصاص الحي لوجود عناصر مندسة تهدف إلي التخريب وما غير ذلك من الترهات التي نطق بها التي تجعلك تتمني أن تقتله لإنه لم يفهم بعد ومصر علي أن يعاملنا بعقلية ما قبل الثورة ،ومازالوا يروا إنها مجرد موجة لا أكثر ولا أقل .

ما حدث منذ لحظات قليلة بقتل ضابط شرطة أحد السائقين في المعادي يثبت إننا علي حق ويثبت إن ديل الكلب عمره ما هيتعدل وبما إنه مش هيتعدل فاحنا ينقطع ديل الكلب يا نموت الكلب المسعور اللي بينهش في الناس لذلك يجب إسقاط حكومة شفيق وحل جهاز أمن الدولة

وإعادة تأهيل جميع ضباط الشرطة وشرط أساسي مستقبلي وزير الداخلية القادم لابد أن يكون شخص مدني وياريت ما اسمعش كلمة مفيش حد ينفع في البلد يمسك علشان الكلمة دي مستفزة ، وهذه بعض الترشيحات التي تصلح كوزير للداخلية محمود الخضيري وهناك أيضا هشام فرج والقائمة تتسع لكثير من الشرفاء في هذا البلد .

منذ الساعات الأولي من الصباح والمسيحيين يمسكون بأيدي اخواتهم المسلمين في الميدان ويهتفون مسلم مسيحي ايد واحدة ، مسلم مسيحي كلنا مصريين ، موعدنا اليوم قبل غدا في الميدان ثورتنا لم تنتهي بعد إلا بالقضاء علي كلاب النظام السابق وكل من له مصلحة في أن يعود الوضع كالسابق.

كلمة أخيرة لمن مازال يردد إنتم بتخربوا البلد وعايزينها تولع ، في الفترة السابقة فتحت ملفات فساد تظهر إن من كان يحكمنا هم الذين خربوا البلد وباعوها فعلا وبإنهم لم يكونوا سوي مجرد لصوص وحثالة بشرية تتاجر بنا ؛ لكن ما أحدثته الثورة هي أنها كشفت لك عن الوجه القبيح لما يحدث في البلد ويبدو إنك لا تريد أن تري هذا الوجه فاعذرنا لإننا أزعجناك وأجبرناك أن تري الحق من الباطل .

مواقف ومش مواقف

2011-02-23T19:08:00.001+02:00

هذه المقالات قديمة ولكني اردت أن ترى النور …

هي مجموعة من المقالات تتوافق مع ما نراه في الأحداث الأخيرة والمقارنة بين ماضينا وحاضرنا …

كان أول موقف لها مع المخبول معمر القذافي أردت أن أضعها بين أيديكم ، وأضيف عليها الجديد …

مواقف ومش مواقف ..

مع كل الإحترام والتقدير الشديد لأستاذنا " أنيس منصور " لرائعته " مواقف لأنيس منصور " واستمحيه عذرا في إستعارة كلمة مواقف من عنوان مجموعة مقالاته التي امتعنا بها على فترات طويلة ، ودعوني أتذكر العبارة واستعير كلمة مواقف واصيغها بطريقة جديدة ، فمواقف ومش مواقف هي مجموعة من الأحداث العامة التي نراها في حياتنا ونعيش واقعها ومن المواقف التي جعلتني أقف قليلا أمامها هو موقف إجتماع " جامعة الدول العربية الأخير " والقرار بعقد قمة في سبتمبر المقبل ، حقيقة الأمر يدعو للسخرية ، وخلونا نتكلم بلدي أو عامية شوية ، أصل الهيلمان اللي كان معمول للقمة دي عن تهويد المقدسات والكلام والمناظرات وسرعة الإجتماع والتحضيرات يحسسك إن الجيوش العربية هتقوم بحرب وتحرر فلسطين لكن مش زي حرب 1948 م المهم الضحك والسخرية في القمة دي كان لغاية الواحد نام على ظهره ، الواحد حس بخناقات الشارع وشغل العيال الصغيرة في القمة دي ، المفروض إن القمة دي معمولة من أجل هدف أسمى ، حاجة لها قيمة يعني ، فأي منازعات أو أحقاد المفروض ما يظهرش ، لكن على مين سيادة العقيد بطل سلاحف النينجا والرنجا كمان ، أي حد متخانق معاه أو شد معاه بكلمتين حلف يمين يحاسبه عليه ربنا ما هو داخل القمة ولا قاعد فيها ، طيب يا عم العقيد ، دا انت متخانق مع نص الزعماء والرؤساء ، يعني انت بتطلب من الآخر محدش يحضر القمة دي من الأساس ، لا والألعن لما الجماعة رايحين وبكل قوة يخلوا رئيس وزراء إيطاليا هو ضيف شرف القمة ، خلاص البشر خلصوا ، الناس ماتت كلها من العالم ، ونسيب كل قادة ومفكري العالم والمساندين لينا في مشاكلنا فنروح نجيب واحد شايف إن اليهود ليهم حق في بيت المقدس والقضية الصهيونية ونخليه ضيف الشرف ، يا سلام !!

طيب الراجل لما حضر اداكم التقييم المناسب ، وانتم بتتكلموا وخصوصا انت يا سيادة العقيد ، الراجل من كثرة الكلام سابكم ونام نوما هنيئا ، يا عيني على الإحتفال والإستقبال اللي اتعمل له ولا زيارة أوباما لمصر ، الراجل من كثرة الرغي سابكم ونام بمعنى صدر لكم الطرشة والعبيطة ونام فبالله عليكم عملتوا القمة دي ليها ما دام كل اللي فيها غلط في غلط فياريت حد يفسر ليا الموقف دا ؟ !!!

*************************

الموقف المرة دي يعني حاجة تفرح وزي الفل ويثبت مدى إنغلاق العقل البشري على نقطة معينة وإن الألقاب تعطى وبجد لمن لا يستحقها ، ولا اعلم لماذا سيادة العقيد يصر على أن يكون ضيف شرف المواقف – بيفكرني ببدوي لما كان ضيف شرف الفوازير – المهم سيادة العقيد العتيد وإمام الزعماء - على نفسه أو عند امه يا ادهم – في مداخلة له مع إحدى الجامعات اليابانية وعلى الهواء مباشرة يقول لليابانيين إن الولايات المتحدة الأمريكية قد دمرت لهم مدينتين " نجازاكي وهيروشيما " – على أساس إنهم ما يعرفوش مثلا ولا التاريخ ما يخصهمش – ويطالبهم بالوقوف أمام الولايات المتحدة الأمريكية ولا والأكثر من ذلك يطلب منهم ما يشبه الحرب على امريكا – حد قالك قبل كدا إنك ما تعرفش حاجة في التاريخ السياسي والعسكري – يا حضرة العقيد العتيد ، يا امام حاجة تانية غير الزعماء دولة هُزمت في الحرب العالمية الثانية ووقعت معاهدات وإتفاقيات مع الدولة التي هزمتها – الولايات المتحدة يا امام عشان ما تفكرش كتير – تطلب منها إنها تحاربها وبمعنى أصح بتقوم مين على مين ، الحقيقة شعرت إن الطلاب وهم بيستمعوا له إنهم اتخنقوا منه جدا جدا ، ولو كنت اجيد اليابانية كنت حسيت إنهم عايزين يقولوا له :

انت اكيد ......... اكيد لفظ ياباني بيشتموا بيه .

فياريت حد يفسر لي دا زعيم إحدى الدول العربية ازاي ؟

*************

وبما إن الزعيم العقيد لا يزال متواجد معي هذه الأيام على شاشة التليفزيون وصفحات الوورد والمدونة فيسعدني أن اضيف له هذا المقطع من الكلام أيضا عن دعوته في اوروبا للدين الإسلامي – ونعم الجهاد يا عقيد – لكن يا كبير ، ملقتش غير روما وتدعوهم للديانة الإسلامية ونشر الدين بداخلها وخلينا نقول المكان اللي حضرتك عايز الدين يتنشر فيه " الفاتيكان " مقر المسيحية في العالم أجمع – يا عم حد قالك إنك من سلالة محمد الفاتح ولا سعد بن أبي وقاص ولا طارق بن زياد – يا كبير الكلام دا ولى عهده انت بتدعوا إزاي دا ناقص تقول للناس احملوا السيف واغزوا تلك المنطقة ، نفسي اقولك حاجة واحدة الديانات دلوقتي بتتبع بالإقتناع العقلي والقلبي لم تعد مثل ذي قبل والإرغام وهذا الكلام فنحن لسنا إبان حملات التفتيش أو الإرغام الديني أو حكم فاتح البلاد ...

وعلى جهودك في نشر الديني فهذا يعجب أي فرد ولكن عليك أن تتبع الطريقة الصحيحة ....

وبعدين انشر الدين بطريقة صحيحة داخل حدود دولتك الأول قبل ما تطلب نشره داخل مقر المسيحية صح ولا الكلام دا غلط ؟

*********************

طبعا سيادة العقيد بطل سلاحف الرنجا ، في هذه الأيام يتعدى على شعبه بكل صفاقة وبرود ويخبرنا بكل هدوء إن هذا ليس إلا ردا سلميا …

طب اسمح لي أقولك كلمة إعتراضية جامدة ، لأ احسن اخليها في سري ..

حضرتك جاي تقول إن اللي حصل دا رد سلمي ، أمال الدموي يكون امتى بعد ما تقتل كل الشعب الليبي ؟

وكل زعماء ومحاربي الصحراء معاك ، إيه يا معلم رشدان ما ترحمنا بقى وترحم شعبك من الإستعمار بتاعك ليهم !!!

يا عم العقيد انا خايف تمشي بجد لإنك لو مشيت لن نجد من نسخر من كلامه ومن أفعاله ولكن بالله عليك لماذا لا تريد أن ترحم شعبك من هذا التخلف المسيطر على عقلك ، وتصر على السيطرة على الشعب لفترة أطول ؟؟

حسنا تريد أن تدمر وتقتل شعبك هل أصبح كل أعمال الرؤساء والزعماء العرب تسير على نفس المنوال ..

يعني الشعوب بتتظاهر بالسلم ، ما تنفذوا مطالبها ولا لازم قتل ودمار وخراب ومذابح ؟؟؟

يا معلم رشدان الجميع يناشدك أن تترك تدريب سلاحف النينجا لأنهم ليسوا سلاحف نينجا بل هم أناس شرفاء لا يريدون فاسدين لحكمهم ..

بل يريدون حكما وحاكما على قدر من العقل والفكر والمنطق ..

I.M.S.A

M.S.M.O

مندهش....!

2011-02-13T04:32:00.001+02:00

مندهش ....!

هذا حال الكثيرين منا خاصة بعد خبر تنحي الرئيس وإسقاط النظام السابق ،البعض مازال لا يصدق بأنه رحل وإن كنت قد قلتها مسبقا أن من في التحرير لن يرحلوا إلا برحيله ولقد كنت أؤمن بالشعب لذلك كنت أعلم إنه سيرحل لكن ما كان يقلقني هو كيفية رحيله وهل ستراق دماء أكثر أم ما الذي سيحدث؟!

ما يدهشني حقا الآن هو شيئا آخر هو قدرة بعض البشر علي قلب الحقائق وتزيفيها و إضلال الناس وعلي رأس هؤلاء القوم الأختين الحلوين هناء وشيرين وكمية كبيرة من منافقي النظام السابق ،والشئ الآخر و الأكثر إيلاما بالنسبة لي هو حال بعض المتشدقين بالحرية والنداء لديموقراطية وما بثوه علي مدوناتهم وما كتبته أقلامهم في سنوات سابقة ثم يأتون اليوم ويحددون من يستحق هذه الحرية ومن لا يستحق وكأنهم يوزعون في تركة أبيهم وليست الحرية حق متاح للجميع ،الشعب هو من يقرر الان أيها السادة الأفاضل نحن نريد وطن حر ديموقراطي من حق كل شخص أن يعبر عن رؤيته السياسية وأن يعبر عن مذهبه أي كان أيدلوجية هذا المذهب سواء علي أساس ديني أو غيره وإذا كنت ضد اتجاه معين يمكنك أن ترشح الاتجاه الآخر أو حتي إذا أردت فلتنشأ اتجاهك الذي يعبر عنك فكلما زادت التيارات السياسية في البلد كلما دل ذلك علي مدي صحة المجتمع السياسي في مصر.

الشعب هو من يقرر الآن وهو من يتحمل نتائج اختياراته وهو أيضا من يستطيع أن ينزع الحكومة ويحذفها إذا أراد أو اتخذت قرارات لا يريدها ،الشعب الآن هو القوة التي تحدد الطريق وتنير درب بناء الوطن ،الحكومات هي التي تخاف من الشعب الآن وليس العكس.

الواجب علي من كتبوا عن الحريات وقت ما كانت كلمة الحرية مجرد كلمة نحلم بها بعد ما أصبحت واقع أن ينشروا حقا كيفية قبول الرأي الآخر كيف لنا أن نتعايش مع ثقافة اختلاف وأنه لا يوجد مانع أن يكون لي صديق وحبيب اتجاهاته الفكرية والعقائدية تختلف تماما عما أؤمن به ، ثقافة الاختلاف وقبول الآخر هي حقا ما يجب أن تنشر وتوصل للعقول والحمد لله أن الشعب يفهم ويعي ومن عاشر اهل التحرير وثورة مصر يعلم جيدا أن الشعب يفهم جيدا ولسنا أغبياء أو لا نفهم في السياسة أو لسنا مستعدين لديموقراطية حقيقية كما روج بعض أذناب النظام السابق .

كلمة أخيرة في رحلة الحياة وعند المواقف الحاسمة قد تخسر بعض من عرفتهم في حياتك لاختلافك في الرأي معهم وارتفاع حدة النقاش بينكم بطريقة لا تجعل الأمر مجرد آراء بل هي فرض آراء بالقوة وفي نفس الموقف قد تكتسب أصدقاء جدد يتفقون معك وقد تخسر جميع من حولك وتضطر ان تقف تدافع عما تؤمن به وأن تحمي قضيتك وتستمر في طريقك رغم أنف كل الحاقدين والمحبطين وعندما تخسر أو تنتصر ففي النهاية لقد كسبت احترامك لنفسك و أجبرت الآخرين علي احترام رغبتك ، في الفترة السابقة خسرت عدد لم يسبق لي فقدانه من الأصدقاء ولم أكن أعتقد إني سأفقده في يوم من الأيام لكني لم افقد أحد ممن اختلف معي فهناك من أصدقائي من هو ضد الثورة حتي الآن هذا رايهم واحترمهم واحترم موقفهم وثباتهم عليه عكس بعض المتلونين الذين كل يوم هم في شأن ،إن من خسرتهم وإن كانت الحقيقة هي إني ربحت هم من تعدوا علي بالسب أو استهانوا بدماء الشهداء اذهبوا غير آسف عليكم أو نادم.

مصر حرة

2011-02-11T18:41:00.002+02:00

الله أكبر لقد أسقط الشعب رمز النظام وأصبحت مصر حرة بفضل ما بذله أبناءها من جهود ودماء؛ مصر حرة أيها العالم الذي عرف معني كلمة مصري و ما الذي يستطيع أن يفعله ، في 18 يوم أسقطنا طاغية استمر 30 عام ،مبارك لقد سقط الطاغية وخر القصر علي الحاشية.

و بالطبع سعادتي لا توصف ولكن حتي لا ننسي مازال الطريق طويل لإنشاء دولة مدنية ودورنا الآن أن ننشر الفكر التنويري و أن ننشر فكرة قبول النقد واحترام الآخر حتي لو كان ما يحمله من افكار مضاد لما أحمله أي إرساء قواعد الديموقراطية مع محاربة ناشري الظلام والفكر الحجري.

لا أجد كلمات أعبر بها سوي ألف مبروك لكل مصر واليوم بداية جديدة لكي نجعل الحكومات تخاف من الشعب وليس العكس

كلمة للمحبطين لقد صدق غاندي

في البداية : سيتجاهلونك ثم يسخرون منك ثم يحاربونك ثم ستنتصر

إمضاء

مصري وافتخر

واللي مش عاجبه ينتحر