الاثنين، مايو 03، 2010

مجانين رجعت من جديد في ثوب جديد وخطير

أحب أشكر كل شخص سأل عني وعن إسلام في الفترة الماضية
وبالنسبة لإسلام فهو هيرجع بالسلامة السبت القادم الموافق 15/5
أول مرة أعرف إن 45 يوم في الجيش بقوا 3 أسابيع

وأنا كنت وعدت إسلام بإني هأخرب المدونة ولأن وعد المجنون دين عليه
فأنا غيرت قالب المدونة في السريع والقالب ده مؤقت
قبال ما أخلص تصميم القالب اللي في دماغي كمان 3 -4 سنين كده مش كتير

لزيادة التواصل بين المدونة والقراء المتفاعلين معانا أو العابرين في سريع
وكخطوة في نشر الجنان في جميع انحاء العالم الإفتراضي
عملت صفحة للمدونة علي فيسبوك لمن يريد ان يتجنن معنا هناك
- هم اللي عندهم صفحات معجبين أحسن مننا في ايه أو أجن مننا-
ووضعت حسابي علي العصفورة الزرقا المجنونة دي والله شكلك زي العسل
ولو في حد نفسه يسأل سؤال أوحابب يرخم علي فأنا حطيت حسابي

ولإضفاء قليل من المرح علي التعليقات وضعت ابتسامات
بدلا ما تكتب كده :) هتلاقيها منورة كده أو كده أو كده
- الحركة دي حصريا علي كلام مجانين وبس -

تم وضع عدد من الصفحات المستقلة
التي تعبر عن رأيي المتواضع وهذا وصف سريع لها
بداية الجنان تعود بك إلي الصفحة الرئيسة للمدونة
مين وليه وامتي وازاي ؟ تعريف بسيط بنا وعن المدونة
المجانين بيقروا وإحنا معاهم أسماء بعض الكتب التي تمثل البنية الثقافية للمجانين
سينما مجانين أعرض بها أسماء بعض الأفلام التي أعجبتني طبعا إسلام مش هيكتب فيها فيلم واحد
علشان مقتلوش علشان هو بيتفرج علي أفلام هندية
طبعا مش هحط اسم فيلم مدته 3 ساعات منهم 4 ساعات رقص وغنا
وإن كان لا يمنع وجود بعض الأفلام الجيدة بها
عدسة مجانين هي بعض الصور التي أعجبتني وأحببت أن أشارككم بها
الناس دي بتقول كلام زي الفل هي أسماء بعض المدونات التي أعجبتني وأعتذر
إذا سقط مني بعض أسماء أصدقاء المدونة في الوقت الحالي
هذه الصفحات تحت التحديث المستمر

سأدع لكم استكشاف جديد المدونة ومازال هناك بعض التحديثات القادمة لكن بعد
ان استعيد سرعة النت الطبيعية نظرا إني واحد ممن يطبق عليهم قانون الاستخدام الغير عادل

-الأسطر الأخيرة أكتبها وأنا شبه نائم-
وأعتذر عن إغلاق المدونة الأيام السابقة لكن هذا للتجديد والتطوير
أو بمعني آخر بخربها قبل ما إسلام يرجع
وإذا أغلقت مستقبلا فاعلموا إني قاعد أخربها جوه

مع كلام مجانين مش هتقدر تغمض عينيك

M.S.M.O

I.M.S.A

هناك 12 تعليقًا:

  1. مبرووووووووووووووووووووووووووووووووووووك النيو لوك
    فعلا تحفه
    واعتذارك مقبول

    ردحذف
  2. وحمدا لله على سلامة المجنون الاول
    وبما ان اسلام راجع
    لازم ننشر الخبر
    بما ان ربنا نجاه .

    ردحذف
  3. شكرا علي المرور ومن الجيد إن الشكل الجديد عجبك

    ردحذف
  4. جميل الاستايل الجديد
    بجد ماشاء الله عليك
    وجميل الخبر ده اللى بيقول إن إسلام نازل بكرة أجازة بإذن الله
    يا ترى الخبر ده أكيد؟
    عموما سلامنا ليه لو مش دخل النت
    وابقى طمننا على اخباره

    ردحذف
  5. هو كلمني أول الأسبوع وقالي إنه نازل أجازة السبت اللي جاي علي بكره ولمدة 6 أيام ولوفي أخبار جديدة عنه أكيد هقولها

    ردحذف
  6. lol
    وعد المجنون دين علية
    الشكل الجديد مش بطال
    انا بحب الاسميلى

    ردحذف
  7. مش بطال حرام عليكي :((
    طيب ارفعي من روحي المعنوية شوية
    إحنا كنا فين وبقينا فين
    هوشكلك بتحبي الألوان الغامقة مش الفاتحة
    والاسميلي دي لوحدها أنا عاملها في 4 أيام وجربت أكتر من 30 مرة علشان تشتغل بس خليها علي أنا الصغير برده في السن بس :D

    ردحذف
  8. بجد النيو لوك جامد يا محمد
    وبعدين انت اتريقت على الاجازة
    فأخرونا اسبوع كمان اسبوع ايه اكتر شوية
    المهم انهم خلاص نزلونا اجازة لكنها صغيرة
    مش مهم مدتها المهم اننا اخدنا اجازة
    شكرا لكل اللي سأل عني
    ومبروك يا محمد على الشكل الجديد
    عاجبني بجد
    يا ريت تفضل تخربها طول ما انا مش موجود
    تحياتي للجميع

    ردحذف
  9. مبروك الشكل الجديد والتطور الطبيعى للمدونة D:
    جميلة جدا الاسمايلات دى ( بتساعد يعنى ) والتنظيم احسن كتير بدل ما كل المواضيع كانت على بعضها
    ومبروك التطور ع الفيس كمان
    فى تقدم مستمر بإذن الله :)

    ردحذف
  10. يا إسلام يا حبيبي ده بعض من عندكم سيبني أنق عليك شوية
    تاني حاجة إجازة ايه اللي تتأخد بعد نص المدة
    متقلقش اخلص من هم الكلية وفي الإجازة نعمل دراسة خطة عمل تخلص بعد خمس سنين بحيث ننتهي من العمل في 2100 إذا كان لينا عمل =))

    @ the black pearl
    الله يبارك فيك ده أقل حاجة عند المجانين
    والاسمايلات شوية فرفشة كده هيبقي كله ضرب ضرب :)

    ردحذف
  11. مبرووووووك
    عقبال ما تعملو ايموشنز بصوت

    ردحذف
  12. في المستقبل القريب :)

    ردحذف

خد راحتك في الجنان معنا حرية الرأي مكفولة للجميع حتي لو هتجنن علينا
نظرا لوجود مشاكل في نظام التعليقات لغير معرفين برجاء عدم التعليق بغير معرف منعا لاختفاء التعليقات