مين وليه وامتي وازاي؟

مين ؟
مثلما قلت في  البداية مع اتنين مجانين نحن اثنان مجانين أنا محمد من المفترض أن أكون مهندس مدني بعد فترة زمنية أتمني أن تكون قصيرة .
أعشق الهندسة المدنية بمعني الكلمة-إذا استبعدنا جميع المواد ماعدا مادة أو مادتين - وأعشق الهندسة والعلوم الرياضية بشكل عام لأنها ممتعة عقليا لدرجة لا توصف.
 أغلب من يخوض معي حوار يتهمني في النهاية بالجنون و إني غريب وإن تفكيري غير طبيعي لاختلافه عن الفكر السائد والشائع لا أدري من قال بأننا يجب أن تكون جميع الناس عيدان كبريت تحمل نفس التفكير والميادئ ؟
لذلك قررت أن أعترف بأني إنسان مجنون غريب الأطوار حتي إذا أتي شخص يقول لي هذا يجدني معترف بهذا الأمر مسبقا وإذا كان التفكير وتشغيل العقل في جميع الأمور يعتبر جنونا إذا أنا أفتخر إني مجنون غريب الأطوار واختلف عن الآخرين .


إسلام: سأضع تعريف بسيط عنه حتي عودته من الجيش ويضع ما يريده أو يتركه هكذا 
إسلام خريج دار علوم أعرفه منذ فترة زمنية طويلة - مش كفاية كده يا إسلام - هو بمثابة أخي بس مش هقول الكبير رغم إنه أكبر سنا:001_tt2::001_tt2::001_tt2::001_tt2::001_tt2:
حتي نهاية المرحلة الثانوية كان تفكيرنا متقارب بنسبة تتجاوز ال 90% لكن المرحلة الجامعية غيرت الكثير بداخلنا زودت المنطقية والعملية وتقبل الواقع والتعامل معه أي كان هذا الواقع بالنسبة لي أما بالنسبة لإسلام فازداد عنده الذكاء الإجتماعي وقدرته علي التواصل في بناء علاقات اجتماعية وانعكس هذا في كتابتنا المشتركة فأصبح الوضع الحالي أضع الأفكار وأصبح إسلام يصيغ الحوارات لأن ما يهمني أن أوصل فكرة معينة لدي القارئ بينما هو يهتم بالحوار ويكفي إنه لولا إسلام ما كنت أجلس أكتب هذا الكلام الآن.
كفاية كده رغي عننا بقي.


ليه؟
مزاجنا كده اتنين مجانين مستني منهم ايه.


امتي؟
من زمان قوي احنا مجانين من ساعة ما اتولدنا


ازاي؟
زي الناس ، شوية جد بقي .


هذه المدونة منطقة حرة تخضع لجنون المجانين اللي عاملينها واللي بيكتبوا فيه 
رأيك يهمنا فبدون مشاركة الأفكار لن نصل لأي تقدم إنساني.
هذه المدونة تتحدث في كل مجال ديني ، سياسي ،أدبي، قلة أدب-لسه في المستقبل-، لانخضع لأي قيود فكرية من أي نوع ولا نحجر علي أي رأي سوي إمكانية حذف بعض التعليقات البذيئة التي قد تكون في غير موضعها ومراعاة للذوق العام فقط ليس أكثر ولا اقل .
نحن نحترم حقك في اختيار مذهبك الفكري أو الديني حتي وإن كان مختلف معنا 
لكن لنا الحق في نقد والسخرية من أي مذهب أو اي فكر حتي وإن سخرنا من أنفسنا .
ويجب عليك أن تعلم شئ واحد فقط أن حدود هذه المدونة تبدأ عند نهاية حدود الآخرين.







M.S.M.O
I.M.S.A



هناك 12 تعليقًا:

  1. اتشرفنا وفرصة سعيدة ما كنت اعرف ان في مجنون اخر اسمو اسلام ، هي فعلا مدونة حلوة ومميزة
    وانا ناهد من فلسطين ، مجنونة لاني بفكر بانسانية بعيدة شوي عن مجتمعي وجايز عشان هيك حبيت مدونتكم المجانين على اشكالها تقع
    بالتوفيق لكم وبالسلامة ل اسلام من الجيش وانت تتخرج مهندس
    سلام

    ردحذف
  2. ليه كده ده إسلام يزعل =)) =)) =))
    ده إنتي هتلاقي الإمضاء في آخر كل بوست تقريبا
    وكمان تحت كل بوست هتلاقي مين اللي اتجنن وكتب الجنان ده
    وعندك علي اليمين في قايمة المجانين اللي هي أنا وإسلام
    وممكن تقلبي في المواضيع القديمة للمدونة هتلاقيها تحت اسم جنونيات قديمة بس اللي جاي أحسن
    وده بوست كان فيه أهم التدوينات من أول مائة تدوينة
    http://klammganyn.blogspot.com/2010/02/21.html

    وبجد نورتينا يا ناهد من أراضي الزيتون
    كل من يفكر بإنسانية يتهم بالجنون :)
    إسلام وأنا تقريبا متفقين نتخرج في وقت واحد هو من الجيش وأنا من الكلية

    ردحذف
  3. وحياتك محمد سلم ع اسلام وقولو ما يزعل علي ، انا بحبكم وبحب مدونتكم جدا

    ردحذف
  4. سيبه يزعل هو يشترط :D
    مش كفاية منورة المدونة :)

    ردحذف
  5. اهلا ناهد من الأراضي الغالية حيث أرض الزيتون وكنيسة المهد والمسجد الأقصى والشعب الباسل المكافح .
    //
    ما بقدر ازعل من أي انسان يا ناهد ..
    أهلا بكِ في مدونة المجانين ويا رب تفضل دايما مجنونة وعاجبة كل زوارها والمشاركين فيها ..
    //
    سلامي لكل اهلنا بالأراضي المحتلة وتحياتي لكِ يا ناهد ..
    منورة المدونة ويا رب تفضلي منوراها ..

    ردحذف
  6. محمد لو سمحت مش عارفه اتواصل معاك إزاى
    عاوزة اطمن على إسلام
    مفيش اى أخبار عنه؟
    لو سمحت طمننى

    ردحذف
  7. لا إسلام كويس الحمد الله أنا بكلمه كل يوم كل اللي مزعله إنه مخدش إجازة بقاله فترة احنا اللي بنطحن مش هو :)
    اتفضلي ده الايميل بتاعي
    imsa.msmo@gmail.com
    وكنت هتلاقيه في البروفايل بتاع البلوجر
    وده الفيس عندي
    http://www.facebook.com/profile.php?id=620028985
    وعندك صفحة المدونة علي الفيس برضه
    http://www.facebook.com/pages/klammganyn-klam-mjanyn/112609828771210
    وحسابي علي التويتر
    http://twitter.com/#!/MSMO_42
    وعلي البروفايل بتاعي علي الفيس هتلاقي كل وسائل الاتصال بي

    ردحذف
  8. شكرا يا محمد
    ربنا يكرمك

    ردحذف
  9. عفوا انت تؤمري بس :)

    ردحذف
  10. وروعة مانــثرت .. وجمال طرحك ..

    دائما متميز في الانتقاء
    سلمت على روعه طرحك
    نترقب المزيد من جديدك الرائع
    دمت ودام لنا روعه مواضيعك

    لك خالص احترامي

    ردحذف
  11. احلى كلام مجانين سمعته اصلى اجن منكم

    ردحذف

خد راحتك في الجنان معنا حرية الرأي مكفولة للجميع حتي لو هتجنن علينا
نظرا لوجود مشاكل في نظام التعليقات لغير معرفين برجاء عدم التعليق بغير معرف منعا لاختفاء التعليقات