الثلاثاء، مايو 25، 2010

أخـــبــــار في أخـــــبـــــار .....(1)

بعد فترة بُعاد عن التدوينات والبوستات فكرت في البوست دا ، بما إني كنت بعيدا عن عالم الأخبار والحياة وما يحدث فيها إلا أنه حدث يوم ودخلت فيه جريدة وقرأت ما فيها وأوقفتني عدة أخبار زي الفل ودا كان يوم 30 /4 / 2010 م طبعا التاريخ قديم أوي ، لكن اعتقد إن الأخبار ظريفة وخفيفة وممكن تلاقي صدى ..

أول الأخبار دي كان عن إجتماع رئيس وزراء الهند مع رئيس وزراء الباكستان للبحث في حل المشكلات التي بينهما وتذكرت أحداث الحروب بين الباكستان والهند في حروب كشمير وغيرها وعدت وتذكرت ما بعد ذلك فلقد أصبحت الهند دولة ساعية لتكون دولة عظمى وكذلك الباكستان على الرغم من كونهما كانتا دولة واحدة قبل عام 1947 م وتساءلت لماذا لم يحدث هذا معنا نحن مثلا وسوريا أو السودان بعد أن تم الفصل بيننا وبينهم ولكن لا حياة لمن تنادي !!!

ومن الأخبار الظريفة هو كون الحاصلات على جوائز الأوسكار قد تعرضن لحالات طلاق وإنفصال بعد الحصول على جوائز الأوسكار وكانت آخرهن هي ساندرا بوليك وحككت رأسي وتساءلت ألهذا السبب لم تفز أي ممثلة لدينا بجائزة الأوسكار خوفا من الإنفصال عن شريك حياتها ولكن عدت وقلت ما هذا الخرف ؟ ، بالتأكيد لأ ، لكونهن حاصلات على أكبر حوائز في رصيد عدد أخبار الإنفصال والطلاق ..

حسنا إن لم يكن هذا هو السبب لماذا لا تحصل ممثلة من ممثلاتنا على جوائز الأوسكار ؟!!!

ومن الأخبار الرياضية كان فوز الأهلي على المنصورة بثلاثية نظيفة واحتفاظه ببطولة الدوري قبل نهاية الدوري وقلت هذا هو المعتاد فمع إحترامي لكافة الفرق والمنافسين إلا أن الأهلي منذ ستة أعوام يصر على الإحتفاظ بلقب بطل الدوري قبل نهايته لدرجة تجعل الجمهور يفكر بإعطاء البطولة للأهلي قبل بداية الموسم ولكن السؤال الحقيقي هل يعلم أحد شيئا عن باقي بطولات الدوري وأقصد به الدرجة الثانية والثالثة وبقي الرياضات الموجودة داخل البلد ؟ !!

وكان بودي أن اتمم باقي الأخبار ولكن للأسف لم أجد باقي الأخبار لكوننا قمنا بفرش الجريدة لكي نأكل عليها فهذا هو المعهود فحين تحضر البطون تغيب العقول ...

I.M.S.A

M.S.M.O

هناك 13 تعليقًا:

  1. يا ترى فرشتوا الجريدة و اكلتوا عليها ايه ؟؟
    معلش لازم اعرف اكلتوا ايه ؟؟؟
    اصلها تفرق معايا اوي اوي
    هههههههههههههههههههههههههههههههه

    و بعدين زمان طنط متوصية بيك بقى و طبخالك محمر و مشمر ما انت يا عيني اتهريت عدس
    هههههههههههههههههههههههههههههههههههههههههه

    و الله ليك وحشة حمد الله على السلامة تاني و تالت و عاشر

    خالص تحياتي و تقديري

    ردحذف
  2. مها أحمد :
    منوراني بجد ..
    وبخصوص كلنا عليها ايه كان كشري ...
    والمحمر والمشمر اممممممم فكرتيني بالاكل ليه
    اتفضلي معانا بعيدا عن أكل الجيش ..
    وعلى فكرة الأجازة خلصت يا مها مش هلحق اصلا ابقى موجود ع النت ..
    والله يسلمك تاني وتالت ورابع ومليون مرة ..

    ردحذف
  3. يا سلام يا سلام
    مالهم مصر و سوريا و السودان
    ما احنا زى الفل و دول عظمى كمان
    الله
    مصر بقت دولة عظمى مصدرة(مش بتصدر غاز لإسرائيل..تقدر تنكر؟؟)
    و سوريا ماشاء الله عليها .. قلبت ملكية و توريث و حاجة زى الفل(وواضح اننا هنحصلها قريب)
    أما السودان ف.(لأ دى عايزالها يوم لوحدها..)


    ثانى خبر باه
    بأه إحنا ممثلتنا بينفصلوا و يتطلقوا بسرعة طب ده أنا سمعت انى فى واحدة بقالها بتاع 3 شهور متزوجة لأ و ايه من نفس الشخص
    شفت أنك ظالم؟

    و الأهلى فوق الجميع ده أكيد
    بس إحقاقا للحق
    السنة دى الزمالك بجد خوفنا على الدورى جامد
    فتحية له

    ردحذف
  4. حنان :
    منورة البوست ..
    وشكرا على رأيك وبلاش سيرة السودان اليومين دول ..
    بخصوص تحية الزمالك بجد يستاهل التحية على الموسم هذا العام ..
    شكرا لكِ على التواجد ..

    ردحذف
  5. على فكرة انا بحب اوى اقراء الجرائد القديمة


    وبجد مش عارفة ليه ؟؟؟

    ردحذف
  6. اكلتوا عليها ؟ وماله ، كله يهون عشان الامن الغذائى اهم حاجة :D

    وبعدين ما هو الممثلات بتوع اوسكار اتطلقوا من القر والحسد ، ملحقوش يفرحوا بالجايزة يا عينى

    اما مصر وسوريا بقى ، والله مش مصر وسوريا بس اللى حالهم كده ، كل الدول العربية بقت توك توك مش عربية

    ردحذف
  7. ههههههههههههههههههههههه
    على فكرة اللي ياكل لوحده يتخن
    وبالنسبة للاوسكار دول بيخافو من الحسد والار
    وبالنسبة لمصر وسوريا والسودان بلاش اتكلم احسن
    اخر حاجة بقى حمد الله على السلامة وعقبال لما تخلص من الجيش خالص واحنا في انتظارك في اجازاتك

    ردحذف
  8. :) الاوسكار و الطلاق طبيعى غيرة الرجل من نجاح زوجتة
    اجتماع الدول العربية لحل مشاكلهم صعب جدا بل هو المستحيل دى امة ناجحة فى التفرق و الاختلاف

    ردحذف
  9. الطلاق يعد الاوسكار عادى غيرة الرجل الابدية من نجاح زوجتة
    اجتماع العرب مستحيل نحن متميزين و بارعين فى الشقاق و الاختلاف والايمان بنظريات المؤامرة فقط

    ردحذف
  10. مس فينوس :
    قراءة الجرائد القديمة تعطي تسلية ومتعة كبيرة
    تحياتي لكِ وشكرا على التواجد في البوست

    ردحذف
  11. بلاك بيرل :
    منورة البوست ومصر وسوريا
    من زمان في وحدة توك توكية واحدة ..

    ردحذف
  12. جاست ويتنج :
    تسلمي على التحية والدعاء بالتخن ..
    شكرا على الدعاء بإنتهاء الفترة التجندية
    يا رب تنتهي على خير
    انتظري الجديد على مدونة المجانين ..

    ردحذف
  13. kontiki :
    منورة البوست
    وشكرا لكِ عى التواجد
    وبخصوص الطلاق اظن ان الطلاق حالة متواجدة في انحاء العالم
    انتظري المزيد من كلام المجانين

    ردحذف

خد راحتك في الجنان معنا حرية الرأي مكفولة للجميع حتي لو هتجنن علينا
نظرا لوجود مشاكل في نظام التعليقات لغير معرفين برجاء عدم التعليق بغير معرف منعا لاختفاء التعليقات