الاثنين، يونيو 28، 2010

مصر بتتقدم بينا

لا يستطيع أحد أن ينكر أن أهم ما يميز عصرنا الحالي هي ثورة التكنولوجيا الرائعة التي اختصرت المسافات الزمنية ووصلت أطراف الكون في لحظات معدودة لكن حكومتنا المصرية وخاصة وزارة الاتصالات لها رأي آخر في كيفية تقدم البلد وتنظيم استخدام الاتصالات ولذلك أصدرت قرارات عجيبة غير مبررة أو ذات مبررات واهية طوال الفترة السابقة .

********************************************************************************

كان أول هذه القرارات وأكثرها تأثيرا هو ما عرف بسياسة الاستخدام العادل ولمن لم يعرف هذا القانون فملخصه بأن لك سعة تحميل محددة حسب سرعتك عند الانتهاء منها تهبط بك السرعة إلي 128 ويمكنك أن تعرف المزيد عن هذا القانون من هنا وكان تبريرهم لهذا القرار هو الحد والقضاء علي الشبكات الغير شرعية ولقد نجحوا فعلا في القضاء علي الشبكات بهذا القرار بل نجحوا في القضاء علي الانترنت من أساسه.

DATA3لا أدري ما هو العقل العبقري الذي أخرج هذا القانون لكني سأثبت عبثية هذا القرار وأنه من المفترض أن يسمي سياسة الاستخدام الظالم أو الجاحف ، عندما تتعاقد علي خط ADSL فمن المفترض إنك تتعاقد علي خط ينقل لك البيانات بالسرعة المحددة طوال أيام الأسبوع 24 ساعة في اليوم أي في النهاية حجم البيانات المنقولة ثابت لك مادامت السرعة لم تتغير حتى إذا تم توزيع الخط علي مائة شخص فسيتم تقسيم حجم البيانات عليهم طبقا لعوامل متغيرة .

سأنقل لكم تجربتي الشخصية كمثال نتيجة لتغيير محل سكني فبالتالي اضطرت إلي التعاقد من جديد علي الخدمة وأظرف شئ هو إني تعاقدت قبل صدور هذا القانون لكن الشركة طبقت القانون بأثر رجعي سواء إن كنت مشترك جديد أو قديم

- قانونيا يستطيعوا أن يفعلوا هذا فبعد تعاقدي قمت بقراءة العقد لأجد بند صغير لم أكن التفت إليه لصغره

و هو من حق الشركة أن تغير في العقد كما شاءت وأيضا إلغاء العقد بدون إخطار مسبق وسلم لي علي القانون

سؤال صغير كام واحد قرأ العقد بتاعه عند التعاقد مش شرط خدمة النت لأي خدمة آخري أو بيقرأ قوانين و سياسة الخصوصية للمواقع عند الاشتراك فيها ؟ -

سرعتي هي واحد ميجا و لم أقم بمد وصلة أو شبكة لأي شخص وموصل جهاز واحد فقط

علي الرواتر ونادرا عندما استخدم جهاز آخر عليه مع إن الرواتر يحتوي علي 4 فتحات

بالإضافة لفتحة خاصة لتوصيل ريسفير عليه لخدمة الشيرينج أو فك القنوات المشفرة

بهذه السرعة أستطيع تحميل 100 ميجابايت بهذه السرعة في حوالي 15 دقيقة

أي 400 ميجا في الساعة أي 9.6 جيجا في اليوم حوالي 288جيجا في الشهر

- مش عايزين نق كفاية علينا قانون الاستهبال الكامل -

نتيجة لقانون الظلم الكامل فمتاح لي 40 جيجا في الشهر أي حوالي 14% من سعة الخط الخاص بي

وبالطبع العدل إنهم سمحوا لي ب 14 % دول هو لو كان عليهم كانوا لغوا النت خالص

ويدعوا من حددوا هذه السعات بأنها سعة عادلة لا أدري حتي الآن كيف حددوا هذه السعات قياسا لهذه السرعات ولا أدري من العبقري إن هذه السعة تكفي استهلاك شخص واحد فما بالك بعائلة كاملة تتكون علي الأقل من 4 أفراد

غالبا هذه السعة المحددة تنتهي بعد أسبوعين أو 3 أسابيع لكي تهبط بي السرعة إلي 128 يعني قلت 8 مرات عن السرعة التي أنا معتاد عليها يعني كويس إن أنا 1 ميجا امال الناس اللي عندهم 2 و8 ميجا لما السرعة بتنزل عندهم احساسهم بيبقي عامل ازاي ؟

DATA8أنا معنديش مانع إنكم تحاربوا الشبكات الغير شرعية وتضعوا قوانين الاستخدام العادل بس يكون عادل فعلا يعني أبسط شئ أن أحصل علي 50 % من سعة الخط الذي استخدمه وأن لا تقل السرعة لتصل إلي سرعة انتهي الاستخدام بها من أيام العصر الحجري لانترنت أي يكون هناك نسبة وتناسب في الموضوع لأن أنا حالي في آخر الشهر مبيختلفش كتير عن هذه الصورة.

ofv6mq

لكن هل الغرض الأساسي من هذا الموضوع فعلا هو محاربة الشبكات الغير شرعية،لا أعتقد ذلك لكن ما أعتقده إن الغرض الخفي لهذا القانون هو تقييد شبكة الانترنت سواء إن كانت لأغراض أمنية أو لأغراض اقتصادية

وأهم غرض هو الحد من عمليات الاتصالات الدولية أو الحديث عبر برامج الحديث المختلفة من ماسنجر وسكايبي وكخطوة ثانية بعد هذا القانون صدر قانون لمنع إجراء المكالمات بواسطة برنامج سكايبي والعمل علي حظر البرنامج في مصر مستقبلا بالرغم من الاستفادة الكبيرة له خاصة من المغتربين في التواصل مع الأهل لكن هيئة الاتصالات لها رأي آخر .

أنا أحب أهدي شركات الانترنت في مصر وخاصة الشركة المحتكرة هذا الفيديو الرائع

********************************************************************************

فجأة وبدون مقدمات اكتشفت الحكومة العزيزة إن الموبايلات الصيني مخالفة للمواصفات أو أن نسبة الاشعاعات الخارجة منها أكثر ضررا أو أكبر وأن عدد كبير منها متشابه في الأرقام التسلسلية ويروج بعض الخبثاء بأن بعض أنواع الموبايل الصيني لم تستطع وزارة الداخلية التصنت عليه كالمعتاد ، لذلك قررت وزارة الاتصالات وقف الخدمة عن بعض أنواع الموبايلات الصينية.

مش مهم الأسباب التي تدفعها لمثل هذا القرار ،السؤال هو إزاي سمحتوا لموبايلات دي تدخل وتنتشر بشكل كبير ومهول بين طبقات الشعب المختلفة لعدة سنوات وبعد كده تفتكروا إنكم توقفوها طيب يا تري المواطن البسيط هيعمل ايه مع الموبايل بعد ما اشتراه هتدفعوا تعويض له ولا ايه النظام و يا تري لو في ضرر فعلا علي الصحة منها هتعالجوا الناس دي طبعا الأسئلة دي مش محتاج إجابة .

بس الحمد لله الشعب المصري بيعرف يتصرف ويقدر يتحايل علي القوانين والتعقيدات بتاعة الحكومة فالعقل العبقري بتاعه اتوصل إنه يدخل أكواد بحيث يغير الرقم المسلسل للموبايل لرقم معترف به من قبل الدولة والشركات وعاشت مصر حرة مستغلة.

********************************************************************************

عندما شاهدت هذا الفيديو تخيلت إذا طبق هذا الاختراع في مصر في ظل هذه القوانين ماذا سيكون الحال؟

مسموح بإجراء خمسين مكالمة من خلاله أي مكالمة آخري ب2 جنيه

مسموح لك التعرف علي عدد معين من المنتجات بعد ذلك علي كل منتج تريد أن تعلم معلومات عنه المنتج بجنيه

مسموح لك التعرف علي معلومات 20 شخص جديد بعد ذلك كل شخص ب5 جنيه

الكلام ده طبعا لو مصر اتطورت والاختراع ده نزل فيها

في النهاية أحب أقول تحت ظل هذه القوانين مصر بتتقدم بينا فعلا وألف شكر للحزب الوطني

M.S.M.O

I.M.S.A

هناك 9 تعليقات:

  1. أيوه طبعا بتتقدم ، مش اتقدمت كام مركز فى تصنيف الفيفا الدولى ؟ وبعدين انترنت ايه وبتاع ايه ؟ الناس وراها مهمة اكبر ، يجيبوا العيش مثلا قبل ما الفرن يقفل ، ولا يلحقوا يحجزوا دروس الثانوية قبل شهر 8 .. اكيد فيه حاجات اهم من النت والكلام الفاضى دا :D
    بس حكاية التليفونات دى نرفزتنى جدا ، جايين بعد السنين دى تقولو الصينى وحش ومينفعش ؟ طب بلاش احنا بالذات نتكلم عن الصينى
    شكرا على المقال .. انما مفيش حاجة تفاؤل خالص فى البلد ؟ :(

    ردحذف
  2. رغم أتفاقى معاك فى حاجات كثيرررررررررررررررر قوى
    بس أنا عارفه أن سياسة الأغستخدام العادل دى صح
    لسبب أننا فعليا فى مصر لنا limit محدد
    و النت عندنا فعليا سرعتها محدوده مش زى أوروبا و أمريكا اللى السرعة عندهم بالهبل
    و بالتالى لما واحد بيستخدم النت بكثافة شديدة فهو بيأثر ببطء على غيره فعليا
    المشكلة من الاّخر أن الشركات بتعتمد على أن مش كله بيدخل فى وقت واحد و ان فى ناس كثير مش بتخلص ال quota
    بتاعها أساسا فبيدوا النت بسرعات و كميات أكبر من المتاحة لمصر بكثير(طبعا بفرض أن كله يشتغل مع بعضه)
    علشان كده تلاقى النت بتقع أيام نتيجة الثانوية أو لأى ظرف بيخلى الكل يدخل نت
    يعنى هو مش عادل بس نصف العمى ولا العمى كله

    لكن طبعا من ناحية التقدم أنت فكرتنى بواحد عبقرى كان بيعدد إنجازات الرئيس و بيقول لى شوفى مصر تقدمت تكنولوجيا قد ايه من 80
    نت و موبايل و مأعرفش أيه...
    حضرته نسى أن ده بقوة الدفع
    و أننا اصلا متأخرين كثير عن العالم
    و دى أمور بتتصدر لينا طبيعى و إلا نبقى عايشين فى مجاهل أفريقيا

    ردحذف
  3. عزيزى ابحث عن الشرطة او الوزارة القبيحة سيئة السمعة اللى بتحشر مناخيرها فى كل حاجة، يخنقوا على الناس ازاى ؟ لما يقللوا سعة الانترنت هايحصل اختناق و بالتالى العيال بتوع النت اللى دوخوهوهم و خلوهم زى البراغيث هايقلوا شوية و هما يتفرغوا لاعداء الوطن ، حاجة تقرف ، ملعون ابو ده وطن

    ردحذف
  4. والله اتقدمنا في الفيفا أصل انا معلوماتي الكروية تنحصر في إن الجون ممكن يمسك الكورة بايديه غير كده لا اهتم ولا أفقه شئ فيها:D
    أن المشكلة عندي لما باجي أجيب عيش مش في الفرن هيقفل امتي المشكلة هو هيفتح امتي ؟ غير كمان عندي أمل إن أنا ممكن اطلب العيش أونلاين بعد كده من علي النت :)
    احنا لو ما اتكلمنش عن الصيني مين اللي هيتكلم احنا عندنا كل حاجة من الابرة للصاروخ صيني صيني
    هحاول الاقي حاجة تفاؤل بس كل الأخبار كئيبة بصراحة بس أوعدك إن الفترة القادمة هنزل كام بوست دمهم خفيف بس علشان العملية متبقاش ضرب نار علطول 

    ردحذف
  5. ماشي هتفق معاكي إن النت عندنا محدود لكن مأخدش أنا 14% من سعة الخط بتاعي وبعد كده يقولي اقعد بسرعة متنفعاش تبقي سرعة ده لولا الملفات المتخزنة علي الجهاز مكنتش قدرت افتح أي صفحة بالسرعة العجيبة دي
    128 دي اول ما نزل الانترنت مصر وايامها كانت الشبكة مفيهاش التقدم الرهيب في الميديا ده وكان أغلب الصفحات حاجات مكتوبة من غير فلاش أو جافا فكان الموضوع مقبول لكن دلوقتي أقل سرعة الواحد ممكن يقعد بيها 256 أو 512 بالرغم إن أقل سرعة في الدول المحترمة مش هتقل عن واحد ميجا مش عايز اقول السرعات بره كام علشان الناس متتعقدش
    و قبل القانون ده كان في بند صغير في العقود القديمة بأن ليك سعة محددة بس كانت حوالي 60 - 65 % من الخط بتاعك مش متذكر الصراحة
    اللي بيقع ساعة الثانوية العامة مش النت بقدر ما هو المواقع المتصممة إنها تتحمل عدد قليل من الزيارات في وقت واحد ده كان أسلوب تخريب قديم للمواقع وتوقيع السيرفرات غالبا الناس بطلت تستخدم الأسلوب وده يدل علي إن المواقع الحكومية متقدمة قد ايه وبستخدم أحسن تكنولوجيا
    وفعلا مصر اتقدمت بينا في العهد المبارك كتير مش شايف الإنجازات بس إحنا ناس نيتها وحشة ومبيعجبهاش العجب
    وبتبطر علي النعمة المغموسة ببركة آل مبارك =))

    ردحذف
  6. عزيزي المصري أفندي فعلا من الأسباب الغير معلنة لتضييق النت هو الناشطين والمطالبين بحقوق الإنسان عن طريق الانترنت لأنهم أولا بينشروا فيديوهات التعذيب الممتازة الخارجة من وزارة السلخانة لتعذيب المواطنين وللحد من جلب التقارير الخارجية عن أحوال مصر التي تكشف زيف ما تدعي به الصحف القومية وأبواق النظام بالإضافةإذا كنت أنا شخص عادي مثل حال جميع الشعب لن أهتم بأن أضيع مساحتي في مطالعة الأخبار والحركة السياسة في مصر عن أطالع آخر أخبار الفنانة سوسو أو أشاهد آخر رقصات الراقصة فوفو :D

    ردحذف
  7. فى حالة الضغط الشديد النت بتقع على المحورين
    الموقع يقع و دع بسبب أنه خلص ال bandwidth
    المسموح له و هذا الأغسلوب مازال متبع و لمكن ال bandwidth نفسها هى اللى كبرت و اتسعت و اصبح هناك تقنيات جديدة مثل ال ajax بتخلى الضغط على السيرفر اقل
    لكن كمان عند الضغط الكبير و لما الضغط بيخلينا نعدى السرعة المسموحة لنا فالنت كله بيقع فعليا و بتلاقى كل المواقع بطيئة جدا و بعضها مش بيفتح رغم انه ماهوش علاقة بالثانوية خالص

    و ةبعدين مع غحترامى 128 ميجا معقولة فى التصفح العادى لكن طبعا من غير youtube
    كلامى مش معناه انك مظلوم و ان كلنا مظلومين
    انا بس بأقول ان الغلطة هى أننا موافقين على تخصص هذه السرعات الضعيفة لنا فى مصر و فى نفس الوقت فاتحيين الإشتراكات على البحرى

    ردحذف
  8. و من ناحية النعمة اللى احنا فيها
    تخيل عندك حق
    ما هو الأكل كثير و الميه كثيرررررررررررررر
    و الشقق فاضيه
    و المواصلات ماليه الدنيا
    و كل شوية يقولونا فكوا الحزام فكوا الحزام
    و مفيش حد غالى على قلوبنا كرهنا فى الدنيا كلها
    تصدق فعلا احنا اللى مايملاش عيننا غير التراب
    و متبترين على النعمة

    ردحذف
  9. كنت امباراح مع واحد صاحبي مهندس اتصالات وسألته علي موضوع إذا كا إحنا السرعة داخلة لينا محددة ولا لأ وقالي هما بيعملواالقوانين دي علشان يقدروا يزودوا عدد المستخدمين مع المحافظة علي نفس سعات التحميل وقاعد يشرح لي شوية حاجات تقنبة كده معناها إن في الآخر لو هما عايزين يخلوا العملية مفتوحة لكل الناس في ايديهم الموضوع ده بس هم بيستخدموا تقنيات قديمة وأكثر تكلفةعلشان يخنقوا علي الناس

    ردحذف

خد راحتك في الجنان معنا حرية الرأي مكفولة للجميع حتي لو هتجنن علينا
نظرا لوجود مشاكل في نظام التعليقات لغير معرفين برجاء عدم التعليق بغير معرف منعا لاختفاء التعليقات