الثلاثاء، يونيو 29، 2010

الطريقة المثالية في السيطرة علي التليفزيون ( للمتزوجين فقط )

في الوقت الحالي تذاع مباريات كأس العالم وبما إن أغلب الكائنات الذكورية بتحب حاجة اسمها كرة القدم طبعا الكائنات الأنثوية – ده إذا كان لسه في إناث - بتشد في شعرها – ده برضه إذا كان شعرها صالح للشد أصلا - أول ما المباراة بتبدي بعدها بيتحول الزوج إلي تمثال لا يري لا يسمع لا يتكلم سوي المباراة فقط لا غير ولذلك عزيزي الزوج أنا هعرض عليك طريقة تساعدك في الانفراد بشاشة التليفزيون بعيدا عن شد الزوجة لشعرها إحنا برضه هنخليها تشده ومش بعيد ترمي نفسها من البلكونة بس أهم حاجة إنها تكون بعيدة عن التليفزيون وقت المباراة

f16cf2371c

المدام بتجهز نفسها علشان تطبخ لسيادتك الأكل قال يعني ستات اليومين دول بيعرفوا يطبخوا

9c94db03f9 تقوم سيادتك تطلع زي الفرقع لوز وأوعي تخليها تدخل المطبخ اضحك عليها بكلمتين حلوين مهما عقلهم علي قدهم استريحي إنتي يا حبيبتي إنت بتطبخي لي كل يوم من ايديك الحلوة دي قعدي انتي استريحي كده واتفرجي علي الحلقة رقم ألف من المسلسل الهندي التركي المصري السوري الخليجي وقول أي اسم هيطلع اسم مسلسل في الآخر

7a7edd7febطبعا فيران مصر كلها هتلعب في صدرها ما هي مش متعودة علي الكلام ده منك بس مش مشكلة أهم حاجة إنك توصلها لتليفزيون

fe3f1d95c5مجرد ما هي وصلت لتليفزيون كده إحنا عدينا مرحلة الخطر بمجرد ما التليفزيون يتفتح قدامها والمسلسل يبتدي هتنسي أصلا إنها متزوجة بس ده مش من تأثير التليفزيون ده من تأثير المسلسل والحدق يفهم

كده تمام قوي نكمل إحنا شغل ونطبخ لها أحلي طبخة

f888cf07f3 المهم إنك تكون بتعرف تطبخ ومتفضحناش قدام المدام ممكن تصيع وتطلب أكل من بره ما هي تكون معدومة الحواس برضه أمام المسلسل زيك بالضبط قدام الكورة فمش هتسمع جرس الباب

226b67502a

حسسها إنها ملكة وقدم لها الأكل واخدمها أحسن خدمة كل حاجة تهون علشان الماتش هي طبعا مش هتصدق عينيها وهتحس إنها بتحلم وهتشعر بالذهول والفيران هترجع تاني تجري بس زي ما قلت عقلهم صغير فاقعد اضحك عليها بكام كلمة حلوة من بتوع زمان قول للزمان ارجع يا زمان المهم إنك تخليها غير مهيئة إنها تأخد أي صدمة وكده جيت الخطوة الأساسية اللي هتخليك تنفرد بالتليفزيون

af9b2527e8أيوه بالضبط كده طبعا سيادتك هتكون متفقة معاها إنها هتغسل المواعين وباقي الأطباق والحاجات المستخدمة

وامشي بمبدأ أنا ماشي عليه ليه تستخدم طبق واحد في حاجة لما ممكن تستخدم 3 أطباق مادام إنت اللي مش هيقف يغسل الأطباق يبقي خلاص خليها تشيل بقي يا معلم واستمتع إنت بالمباراة والكرة ومش بعيد إنك تستمتع بزوجة جديدة بس متنساش أخوك في دعوة الفرح

الحيلة دي ممكن استخدامها مع أي مباراة سيادتك عايز تركز فيها أو عايز تستريح شوية من زن الهانم حبة و مع استمرار استخدامك للحيلة دي هيوصل بها الوضع ده إذا فضلت صاحية وبتلعب ولم تنتحر بعد إنك في كل مرة تعلن عن رغبتك في تحضير الطعام بأنها ستتجه مباشرة للسؤال عن رغباتك وإذا كان في مباراة هامة اليوم أم لا ومش بعيد تروح تقعد عند أمها وقت المباراة وكده يبقي إنت كسبت الماتش وصحتك وأتمني لك حياة زوجية سعيدة

************************************************

طبعا علشان أنا أهلي محتاجين لي وفي شوية ناس لسه باقية علي مينفعش أدي نصيحة للذكور من غير ما اسيب نصيحة للمرأة الحلوة الجميلة الأنثي الشاطرة اللي بتعرف تطبخ – مش بقولك عقلهم علي قدهم – طبعا سيادتك عايز تتطلعي عين جوزك اللي أول ما الماتش يجي يروح سايبك وكأنه مش متجوز غير البتاعة المدورة اللي قاعد يتفرج عليها طول اليوم وبعد ما الماتش يخلص لازم يشوف التحليل بتاع المباراة حامل ولا مش حامل عندها السكر ولا لأ هديك طريقة متجربة بس ابقي ادعيلي بعدها

طبعا إذا نجحت في تطبيق الكلام اللي فوق ده هتنجحي في إن جوزك يسيب التليفزيون ليك ومش بعيد البيت ويقعد علي القهوة ويتفرج علي الماتش مع الجيران والحبايب و ساعتها يكون ليكي مطلق الحرية في إنك تتفرجي علي المسلسل أو تجيبي الجيران عندك وتقعدوا تجيبوا في سيرة الناس براحتكم من غير صداع ذلك الكائن المسمي زوجك

وأتمني لك حياة زوجية سعيدة إنت أيضا

**************************************************

الواد إسلام اللي كان محبوس في الجيش شوية ومريحني منه نازل إجازة النهارده فهيجي يسلم سريع سريع وبعد كده نرجعه لوحدته سالما ونقولهم خلوا عندكم شوية كمان

M.S.M.O

I.M.S.A

هناك 8 تعليقات:

  1. مالك يا اخ بتسلخ فى الاناث لية مفيش مدونات اناث يردوا عليك :) تعرف البوست بتاعك وصفة ممتازة لخراب البيوت بس لما يبقى فى بيوت الاول :)

    ردحذف
  2. هو أنا كده ابقي سلخت ده انا بس قلت اتسلي شوية :D
    هو احنا عايشين غير علي حس المدونات الإناث انا ساعات بحس إن مفيش غير انا وإسلام بس الذكور الوحيدين اللي بيكتبوا تعليقات
    هخرب البيوت أكتر ما هي مخروبة b-(
     مش كفاية علينا حالة طلاق كل ست دقايق
    ولو عايز تشوفي السلخ صح ابقي اقرأي الجزء الثالث لقالوا في المرأة
    http://klammganyn.blogspot.com/2010/02/3.html

    ردحذف
  3. يعنى انا كل مرة بأرد على البوسيت بتاعك
    بس بما انى سيدة و متزوجة
    مش هأرد بس خلاص

    ردحذف
  4. ليه كده بس هو انا عملت حاجة :)

    ردحذف
  5. :-o احنا رجعنا تانى للكلام دا ؟ بعدين كاس العالم قرب يخلص خلاص ، ومش هتلاقوا غير الدورى المصرى اللى اخرته الاهلى دايما :D
    بس بصراحة الفيديو جااااااااااااامد ، انا مش فاهمة هو استحمل ازاى ، عموما الرجالة عندنا نفسهم مش طويل كده ، مرتين بس وهينزل القهوة على طووول :))
    ومبروك عودة اسلاام السريعة دى :)

    ردحذف
  6. لأ معملتش حاجة
    ده انت ملاااااااااااااااااااااااااااااااااك
    و طالع لك جناحين بيض x(

    ردحذف
  7. ما أنا قولت ننزل موضوع دمه خفيف بدل الكأبة اللي حوالينا :D
    وفي حاجة أحسن من إن أنا أدي نصايح مفيدة للمتزوجين =))=))=))=))
    الرجالة بتاعتنا بصراحة نفسها طويل جدا انزل أي قهوة وشوفي مبارايات الشد بتاعة الشيشة

    ردحذف
  8. أنا فعلا ملاك بس من غير جناحين :)

    ردحذف

خد راحتك في الجنان معنا حرية الرأي مكفولة للجميع حتي لو هتجنن علينا
نظرا لوجود مشاكل في نظام التعليقات لغير معرفين برجاء عدم التعليق بغير معرف منعا لاختفاء التعليقات