قررت أنا أقوم بإنزال عدة مواضيع لتوضيح بعض طرق النصب والسرقة
حتي لا يقع الشخص فيها بعد رؤيتي للكثير
من أصحاب النيات والنفوس البريئة
بس ياريت محدش يتعلم ويجي يطبق
علشان حرامي ونصاب قديم
وفنان وهم محترم
وجرابي لسه مليان ألاعيب وأحاجي .
كم تكون المظاهر خادعة !
من منا لم يقابل شحاذ أو مسكين وأخذته العطفة والشفقة
ومد له يد العون والإحسان ليفاجأ بعد مرور الزمن
بأن هذا الشخص مجرد ممثل بارع
يجيد لفت الانتباه وجذب العطفة والشفقة
أو يموت هذا الشخص ليكشف عن ثروة طائلة
أخذ يجمعها طوال حياته من التسول
اترككم مع هذه الصور ولي عودة بعد ذلك .
في صور السابقة متسول إذا رأيته ربما تعطيه صدقة
لكن الحقيقة أنك ربما أنت من يحتاج إلي هذه الصدقة
وهناك كثيرين مثل هذا الشحات وتعددت أساليبهم
فمنهم من يأخذك في حضنه ويطلب منك أجرة السفر
وطبعا الشهادة الصحية المضروبة من أيام جدي خفرع
الله يمسيه بالخير
والموضة الجديدة الشحاتة بالنقاب وتحس
إن تحت النقاب راجل مش ست
لأ ودلوقتي في شحاتة إلكترونية
يعني مهما قولت عن الأمثال دي مش هخلص
وهي موجودة في كل مكان حوالينا.
البعض سيخبرني بأنه يعامل الله أو يتاجر مع الله تجارة لن تبور
و المهم النية وأنا قصدي أعمل خير وكل هذا الكلام الجميل الرائع
اللي بصراحة ميأكلش عيش وبيساعد علي انتشار أمثال هذا المخادع
طب قولنا نعمل إيه يا عم المجنون ؟وإزاي نفرق بين الحقيقي والمزيف؟
مبدئيا المحتاج الحقيقي ستشعر بعدم إلحاحه وبمذلة حقيقة في عينيه
لأن الأيام والظروف دفعته دفع لهذا العمل وسيرضي بأقل مبلغ تعطيه لك
بينما الآخرون سينظر لك بقرف لو أعطيته مبلغ قليل
أو يدعي عليك وعلي اللي جايبينك علشان قلتله ربنا يسهلك
- وقت ما كانت الفلوس المعدن لسه نازلة الشحاتين
مكونش بيردوا يخدوها وعجبي علي ده الزمان-
المحتاج الحقيقي عايز يغير من حالته ومش عاجبه الوضع ده
فبيدور علي أي فرصة حقيقة حتي لو كان هينحت في الصخر
- واحد صاحبي مهندس لاقي شحاتة بتشحت
فراح لها وقالها في مصنع عايزين عاملة نظافة
ب 350 في شهروأنا ممكن أعينك بدل الشحاتة والبهدلة
مش عايز أقول الست عملت في ايه
هسيب لخيالكم الموقف
صاحبي مكنش يعرف إن المبلغ ده
بتعمله الست دي في يوم -
مهما حكيت علي القصص اللي شوفتها
بعيني عن النصابين دول مش هخلص
إذا كيف أساعد المحتاجين الحقيقيين ؟
وأمنع المنافقين والمخادعين من الانتشار؟
وكيف أتأكد من وصول الصدقة فعلا إلي مستحقيها؟
-أنا مش همشي ورا كل شحات واتأكد فعلا إنه محتاج ولا لأ-
مش إنت اللي هتمشي في جمعيات خيرية بتعمل تقصي للحالة الاجتماعية
للفرد وتشوف فعلا إذا كان هذا الفرد محتاج ولا لأ
أمثال هذه الجمعيات
وهناك جمعيات آخري ستجدها
علي جانب الصفحة الأيمن
بكل بساطة ستطلب من الشحات بياناته
بكل ود واحترام معلنا رغبتك في مساعدته وتقديم الخير له
إذا أبدي تجاوب معك أعلم بأنه شخص يحتاج لتغيير موقفه
ويحتاج لمن يساعده حقا
أما إذا وجدت الوجه الشيطاني فأعلم بأنه مجرد مخادع آخر
وهناك حل آخر بدل الحديث معه غالبا المتسول له مكان شبه ثابت
لا يتغير مع مرور الزمن يمكنك ابلاغ هذه الجميعات عن هذا المكان وانتهي الموضوع
إن انتشار هؤلاء المخادعين هي مسئوليتنا نحن
نحن من نشجعهم ونعطي لهم الأسباب
لتكاثر كوباء سرطاني في المجتمع.
كل ما أرجوه هو التوقف عن السلبية
والبدء في تحول إيجابي
وليكن شعارك في الحياة
ساعد من يستحق.
وللحديث بقية........
M.S.M.O
I.M.S.A
كلام جميل جدا ، وحقيقى كلنا بتخدع فى الشحاتين لانهم بيجددوا باستمار وبيطوروا من طرق الشحاتة ( ما شاء الله على التطور يعنى )
ردحذفواحيانا الالحاح و ( الرزالة ) بتخلى الواحد هيعمل اى حاجة عشان يخلص من الشحات ( ويا سلام بقى لو كان شحات مسن وخبرة وفى الحاجات دى )
فكرة الجمعيات فكرة جميلة ، لكن محتاجة وعى شوية ، لان اللى هيقول لشحا ادينى بياناتك هيبقى لازم عليه يتابعه كويس وكده ، غير لما يديله فلوس فى ساعتها ويخلص
شكرا على الموضوع ودروس النصب الجيدة ( واهو الواحد لو ملقاش شغل يبقى عنده صنعة برضه )
متقلقيش علي شغل
ردحذفمش هيسمحوا لينا نعدي سور المستشفي أصلا
موضوع ممتاز
ردحذفلان الظاهره دى بنعانى منها كل يوم
وفى كل مكان
وياريت فكره الجمعيات دى تتنفذ بجد