الاثنين، فبراير 22، 2010

اشتري النار

وجدت هذه القصة وأعجبتني
برغم عدم وقوفي علي حقيقتها

هذه القصة تحكي قصة
نصاب نصب علي نصاب
نصاب باع الوهم باسم الدين
ونصاب آخر اشتري ليبيع الوهم
إن أكثر تجارة رابحة في هذه الدنيا هي تجارة الوهم
و خاصة عندماتكون باسم الدين
*********************************
في تاريخ اوربا و في عصورها المظلمة كانت الكنسية تبيع للناس صكوك غفران
بمقتضاها يدخل الجنة بدون حساب - يا عيني علي الجمال والحلاوة طب مادخول الجنة سهل اهوه لازم تعقدوا الدنيا وتقول صلوا وصوموا وحجوا ما الحياة ايزي موزو خالص -

وكانت أسعارهذه الصكوك غالية جداً
ورغم غلائها إلا أن الناس مقبلون علي شراءها بشكل كبير جدا
فـكان الشخص بشرائه هذا الصك الذي يكتب فيه اسمه و أنه يملك أرض في الجنة .
كان ربح الكنيسة من هذه الصكوك أرقام فلكية بحسابات هذا الزمان .
- أكيد طبعا نصاب ولاقي زباين يقول لأ دي تبقي عيب في حقه-

و في أحد الأيام جاء أحد التجار اليهود للكنسية
وأخبرهم عن نيته لشراء النار كاملة
- يا جماعة الرجل كان عايز يتعذب هو وعيلته في خصوصية -
فتعجبت الكنيسة من أمر هذا التاجر واجتمع مسئولون الكنيسة كاملة
وقرروا بينهم القرار التالي بأن أراضي النار أراضٍ كاسدةٌ خاسرة
- مع إنك لو بعتها في مصر هتكسب الناس هتفضل جهنم علي العيشة اللي تقرف
علي أقل هناك هتعرف إنت بتتعذب ليه -
ولن يأتينا غبي أخر غير هذا الغبي
ويشتريها منا إذا سنبيعها له بثمن عالي ونتخلص منها
فقررت الكنسية أن تبيع له النار وأشترى التاجر النار كاملةً من الكنيسة وأخذ الصك
مكتوب فيه أنه أشترى النار كاملة.
- أيوه يا عم زقطط إنت والعيلة هيتقفل عليكم باب نار واحدة-

وبعدها خرج التاجر للناس جميعاً وقال لهم أنه اشترى النار كاملةً
ورأى الجميع العقد المكتوب فيه ذلك وقال لهم
إن كنت قد اشتريت النار كاملة فهي ملكي وقد أغلقتها ولن يدخلها أي أحد
فـما حاجتكم لـشراء أراضي في الجنة وقد ضمنتم عدم دخول النار لأني أغلقتها؟

وبعدها لم يشتري أي شخص أرضاً في الجنة لأنه ضمن عدم دخول النار
بدأت الكنيسة تخسر أموال تلك التجارة ولم تعد تدر لها شيئا
- حد قالكم تتاجروا مع يهودي لا أقصد الإهانة يا إسلام -

فعادت الكنيسة واشترت من التاجر اليهودي النار التي كانت قد باعتها له
ولكن بـأضعاف مضعفة عن سعرها الذي اشتراها به .
- مش بقولكم نصاب نصب علي نصب -


M.S.M.O
I.M.S.A

هناك 6 تعليقات:

  1. فكرة جامدة فى النصب يا محمد
    لكن قولي اذا كان اليهودي قدر يعمل كدا
    لو حد تاني اليهودي ممكن يتعلم منه
    زي حضرتك هيستغل الموقف ازاي

    ردحذف
  2. اولا القصه رائعه جدا
    والمغزى منها اروع

    بس السبب الى دفعنى وبشده للرد
    انى اشيد بالعلاقه الرائعه
    بينك وبين اسلام
    علاقه قائمه على الشفافيه كمانرى وعلى الملأ
    بارك الله فيما بينكم

    ردحذف
  3. كنت هسقع شوية أراضي شوف بقي من العصور الوسطي لحد دلوقتي المتر كان هيبقي بكام


    علاقة بيني وبين إسلام فيها شفافية ومهلبية وزبادي خلاط ورز بلبن
    تأخدي طبق

    ردحذف
  4. اعتقد انك تقصد تاخد طبق
    وعموما الرد مفيش مانع اخد

    ردحذف
  5. معلهش حقك علي
    وخد طبق تاني علي حساب المحل

    ردحذف
  6. لا يهودى جامد بصراحة ، هو دا التفكير ولا بلاش
    بس والله احنا عندنا نصابين اذكى منه ، يعنى فيه حد يقدر ينصب على شعب كامل والشعب راااااااضى واخر تمام ؟
    شكرا على الموضوع

    ردحذف

خد راحتك في الجنان معنا حرية الرأي مكفولة للجميع حتي لو هتجنن علينا
نظرا لوجود مشاكل في نظام التعليقات لغير معرفين برجاء عدم التعليق بغير معرف منعا لاختفاء التعليقات