قليل من العبث (1)

لا أريد أن أفكر

أريد أن أخذ أجازة من التفكير

لذلك قررت أن قليل من العبث لن يضرني بعد كل الضغوط المحيطة بي

لذلك قررت أن أشارككم قليل من هذا العبث

فليبدأ العبث

ღ♥ღ______ღ♥ღ___ღ♥ღ______♥ღ♥ღ

مرة واحد قرر يرشح نفسه رئيس الجمهورية

مسكوه بتوع أمن الدولة و قالولوا أنت مجنون ولا ايه، قالهم هو شرط؟

ღ♥ღ______ღ♥ღ___ღ♥ღ______♥ღ♥ღ

صعيدي بالجيش اسمه ثابت

كل ما يصرخ الضابط ثابت يقول : افندم!!!

الضابط يقول للصعيدي : يابابا مش انته ,أنا قصدي خليك ثابت مكانك.

علم الضابط ان الوزير حيزورهم وقال : أكيد ثابت حيفضحني قدام الوزير

فأحسن لي أطلعه اجازه .

يوم وصل الوزير صرخ الضابط : ثابت

صرخوا الصعايده كلهم : مش هنا يافندم طلع اجازه .

ღ♥ღ______ღ♥ღ___ღ♥ღ______♥ღ♥ღ

واحد اتصل بمراتة قالها حضري المية السخنة

راح صاحبة قالة انت حمش قوي

قالو امال هاغسل المواعين بمية باردة

ღ♥ღ______ღ♥ღ___ღ♥ღ______♥ღ♥ღ

واحد مسطول راح صيدلية يشترى جبنة

حاول الصيدلى يفهمه ان مفيش جبنه بتتباع هنا وشويه و مسطول تاني جه

فالصيدلى قاله فهم صاحبك ان مفيش جبنه بتتباع هنا

قال لة ياعم سيبك منة دا غبى ادينى بنص جنيه لانشون

ღ♥ღ______ღ♥ღ___ღ♥ღ______♥ღ♥ღ

واحد بيقول لمراته انا بحب فيتراك جدا قالتله و انا بحب محمود جدا جدا

قلها بس فيتراك ديه مربه قالتله و محمود ده عسل

ღ♥ღ______ღ♥ღ___ღ♥ღ______♥ღ♥ღ

مسطول راح المحكمة,القاضى بيسأله انت متجوز مين؟قاله:متجوز واحدة ست

القاضى قاله انت هتهرج؟أمال فى حد بيتجوز راجل؟,قاله:اه اختى

ღ♥ღ______ღ♥ღ___ღ♥ღ______♥ღ♥ღ

قام بعض من الإرهابيون باختطاف طائرة مصرية

وقاموا بتهديد جميع من في الطائرة بالقتل إذ لم ينصاعوا لأوامره

وبعد فترة تقدمت امرأة لرئيس الإرهابيين وقالت

أنا لست بمصرية أنا صوماليه وحضرت لمصر للعمل والآن أنا عائدة لبلدي

لكي أطعم أولادي وأنت تعرف المجاعة في الصومال قاتلة

فأمر رئيس الإرهابيين بإنزالها من الطائرة

وبعدها بقليل تقدمت امرأة أخرى لرئيس الإرهابيين وقالت

أنا لست بمصرية أنا إندونيسية وقد أصابنا إعصار تسونامي

و توفي كل أقربائي ولم يبقى إلا أنا فأمر بإنزالها من الطائرة

بعدها تقدم رجل متوسط العمر وقال أنا مصري وأنا من مشجعي نادي الزمالك

فبكى رئيس الإرهابيين وبكى جميع من في الطائرة على حال هذا المشجع

فأمر رئيس الإرهابيين بالإعفاء عن جميع المحتجزين وأعطى المشجع مكافأة مالية وسلم نفسه

ღ♥ღ______ღ♥ღ___ღ♥ღ______♥ღ♥ღ

ياعوضين بنتك ماتت

قام الصعيدى وبسرعة رمى نفسه من الطابق العاشر

لما وصل الطابق الثامن تذكر انه ما عندوش بنت

لما وصل السادس تذكر انه مش متجوز

لما وصل للرابع تذكر انه مش عوضين ولكنه حسنين

لما وقع عالارض ماحصلش حاجة

ღ♥ღ______ღ♥ღ___ღ♥ღ______♥ღ♥ღ

الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسيا

الدكتور: بنعمله إختبار البانيو

الصحفي: واللي هو ؟

الدكتور: بنملى البانيو ميّه على آخره ... وندي المريض معلقة وكوباية وجردل ... وبنقوله فضيلنا البانيو ده من الميّة

الصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردل

الدكتور: مممم ... هو عامة، العاقل حيرمي ده كله ويشيل سدادة البانيو ... تحب اوضتك على الشارع ولا بتبص على الجنينة ؟؟

ღ♥ღ______ღ♥ღ___ღ♥ღ______♥ღ♥ღ

جورج قرداحي بيسأل واحد صعيدي ببقوله الحج فرض ولا سنه

قاله هتصل بصديق أتصل

بهريدى صديقه وقاله الحج فرض ولا سنه

هريدي قاله لا الحج قرعه.

ღ♥ღ______ღ♥ღ___ღ♥ღ______♥ღ♥ღ

اسد قالولو حنسفرك السعودية

الاسد فرح جدا وقالك بقى دى بلد اللحمة والفتة وحنعيش

الاسد وصل السعودية وفى اول يوم مستنى الغدا الحارس رمي موزة

الاسد استغرب قوى وسكت.

تانى يوم فى الغدا الحارس بردوا قطع له موزة ورمها

الاسد قال ايه العبط ده وراح ماسك الحارس وقاله انا ايه؟ قاله اسد

والاسد بياكل ايه؟ قاله لحمة قاله طب ايه الموز ده

الحارس قاله: ما هو انت داخل السعودية بتاشيرة قرد

ღ♥ღ______ღ♥ღ___ღ♥ღ______♥ღ♥ღ

واحد صعيدي بيكلم بلدياته عن وصف وجمال حور العين في الجنه

فرد بلدياته وما هو مصير زوجاتنا في الدنيا

فقال له في الغالب هيعذبوا بيهم الكفار

ღ♥ღ______ღ♥ღ___ღ♥ღ______♥ღ♥ღ

مره خمس صعايده داخلين امتحان فجالهم سوال ما هي عدد ارجل المعزه؟

كلهم قعدوا بقي يسالوا الدحيح بتاعهم مكنش بيرد عليهم

بعد الامتحان بيسالوا انت مكنتش بترد ليه

قالهم اصل المراقب كان جنبي معرفتش

اطلع المعزه

ღ♥ღ______ღ♥ღ___ღ♥ღ______♥ღ♥ღ

واحد عنده كتكوت مفترس

كل ما يدخله قفص الفراخ يروح الكتكوت واكلهم

وفي قفص القرود ياكلهم

وفي قفص القطط ياكلهم

راح راميه في الصحرا

صعب عليه الكتكوت وراح يشوفه

بعد تلات أيام

لقى الكتكوت مرمي عالأرض والنسور بتحوم حواليه

الراجل قاله : يا حبيبي إنت مت ؟

قام الكتكوت وقال له : يخرب بيتك بوظت الكمين

ღ♥ღ______ღ♥ღ___ღ♥ღ______♥ღ♥ღ

تقدم 3مقاولين امريكاني و مكسيكي و مصرى للمناقصة

الامريكاني اخد مقاسات السور و تقدم بسعر 900 دولار

سأله مسئول البيت الابيض: ليه 900 دولار

قال : 400 دولار خامات+ 400 دولار عمالة و 100 دولار مكسب

و المكسيكي اخد مقاسات السور و تقدم ب 700 دولار للمناقصة

لما سأله قال: 300 دولار خامات+ 300 دولار عمالة و 100 دولار مكسب

أما المصرى فراح من غير ماياخد أي مقاسات و قال للمسئول:

أنا هاخد 2700 دولار في الحوار دة

المسئول رد علية و قالة: لية يا عم كل دة

رد علية المصرى و قالة: 1000 دولار ليا و 1000 دولار ليك و نجيب المكسيكي يعمل الشغلانة ب700

وطبعا المصري هو اللي كسب المناقصة

ღ♥ღ______ღ♥ღ___ღ♥ღ______♥ღ♥ღ

أرجو أن تكون تلك النكت أعجبتكم

وأخرجتكم قليلا من الجو الكئيب المحيط بنا

ღ♥ღ______ღ♥ღ___ღ♥ღ______♥ღ♥ღ

M.S.M.O

I.M.S.A

Share |