مبارك : عارف يا ابليس ياخويا، انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي ......وش وش وش وش
مبارك : لالا يا ابليس الفكره دي مش نافعه ، عاوز حاجه أشد
أبليس : طب خد دي ...... وش وش وش وش
مبارك : لالا ، برضه مش نافعه ، ايه يا ابليس انت بقيت خرع كده ليه ، هات
ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك
ღ♥ღ______ღ♥ღ___ღ♥ღ______♥ღ♥ღ
مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 28 سنه ؟
2 - ليه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع مبارك
وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه؟
قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت رئيس بقالك 28 سنه ؟
2 - ليه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟
ღ♥ღ______ღ♥ღ___ღ♥ღ______♥ღ♥ღ
مرة سيادة الريس مد إيده في جيبه لقي 5 مليون جنيه!!
فزعل قوي وخاف وقال إيه الفلوس دي؟ دي الفلوس دي حرام؟
فسأل أحد مساعديه فدله على طريق الشيخ طنطاوي رئيس الأزهر
وقال له: اسأل الشيخ وهو يقول لك الحل.
ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟
دي بسيطة خالص يا ريس ما تزعلش نفسك؟
كل اللي هتعمله هتروح وتطوف حول الكعبة 10 مرات.
الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟
عمنا صفوت :78 لفة.
الريس: يخرب بيتك أنت؟ ده أنت خربت البلد!!
عمنا صفوت: أنت جاي علي انا؟ روح شوف ابنك جايب موتوسيكل وبقاله 3 أيام بيلف
ღ♥ღ______ღ♥ღ___ღ♥ღ______♥ღ♥ღ
*كان الرئيس المبارك فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا نظيف
- فى رقبتى يا ريس كله تمام والسلطة هياخدها جمال
(ثم راح فى غيبوبة أفاق منها بعد قليل )
- وصيتك الشعب من بعدى يا نظيف.
- ما تخافش يا ريس الشعب ياكل الزلط
(ثم راح فى غيبوبة أفاق منها بعد قليل )
- نظيف
- نعم يا ريس؟
- ماتنساش توكيل الزلط لجمال
ღ♥ღ______ღ♥ღ___ღ♥ღ______♥ღ♥ღ
كان الرئيس حسني مبارك في زياره إلى انجلترا
و في خلال مناقشاته مع الملكه سألها
كيف تديرين أمورالبلاد بهذه الصرامه ؟
فقالت: الحل أن يكون لديك و من
حولك مستشارين يستطيعون الاجابه على أي سؤال في أي وقت
حتى يخلصوك من أي مشكله قد تحدث
فتعجب حسني مبارك و سألها . تعنين مستشارين أذكياء؟؟
قالت نعم . فقال و كيف تتأكدين من ذلك
فقالت له :بسيطه يمكنك من خلال سؤال أن تكتشف معدل ذكاء مستشارك
انتظر سأعطيك مثالا على ذلك
قامت الملكة باستدعاء توني بلير
وقالت : عزيزي توني لدي سؤال
لك أبوك و امك لديهم طفل و ليس أخوك وليس أختك .
فمن يكون؟
فقال توني بلير : سيكون أنا
فضحكت الملكه و صرفته و نظرت لمبارك و قالت أرأيت
فتعجب الرئيس و عاد فورا إلى القاهره و طلب الاجتماع مع
رئيس الوزراء فقال له يا نظيف
أبوك و امك عندهم
عيل و مش أخوك ومش أختك يبقوا مين ؟؟
فقال له : والله
يا ريس انا مش متأكد اديني فرصه أفكر
خرج نظيف مسرعا
و قرر عقد اجتماع مع مجلس الوزراء و في خلال الجلسه طلب
عقد جلسه طارئه مع حبيب العادلي وزير الداخليه
يا حبيب أبوك و امك عندهم عيل و مش أخوك
و مش أختك يبقي مين ؟؟
فرد عليه حبيب العادلي يبقى أنا يا نظيف باشا ..
فضحك نظيف و اتجه إلى مبارك
فلما دخل عليه قال له سيدي عرفت إجابه سؤالك.
فقال له الرئيس و ما هو فقال نظيف
سيكون حبيب العادلي بالتأكيد
فغضب منه الرئيس و قال له
يا حمااااااااااار لو أبوك و امك عندهم عيل
ومش أخوك ومش أختك هيبقى توني بلير يا غبي
ღ♥ღ______ღ♥ღ___ღ♥ღ______♥ღ♥ღ
بعد ما الرئيس مات وبدأ يتعذب جم خيّروه بين 3 طرق تعذيب:
1-يتعذب انجليزى يعنى ساعه جلد وساعه حرق وباقى اليوم راحة
2-يتعذب امريكانى 6 ساعات جلد و6 ساعات حرق وباقى اليوم راحة
3-يتعذب مصرى يعنى 12 ساعه جلد و12 ساعه حرق ومفيش راحة
هواختار الطريقة الانجليزى
فبعد اول يوم تعذيب
شاف كمال الشاذلى معدى
بيقولوا :انت بتتعذب ازاى؟
قاله:مصرى
قاله:طب ده مفيش راحة
قاله : لااااااااا
اصل الفرن قافل والجلاد مجاش
ღ♥ღ______ღ♥ღ___ღ♥ღ______♥ღ♥ღ
بيقولك مره شيخ اتمسك فى امن الدوله و سابوه
فامن الدوله مراقبينه . اول يوم لقوه ماشى فى شارع
الهرم راحوا مكلمين الريس و قالوله الشيخ تاب ياريس
تانى يوم لقوه فى كباريه قالوا الشيخ تاب و اناب ياريس
تالت يوم لقوه فى الاتوبيس بيسرق واحد قالوا الشيخ تاب
و اناب و بقى من الحزب الوطنى ياريس
ღ♥ღ______ღ♥ღ___ღ♥ღ______♥ღ♥ღ
اشتكى الريس لوزير الداخليه إن 'حمو النيل 'ما بيخلهوش ينام
بعد ثلاث أيام اتصل وزير الداخليه وقاله تمام يا فندم
قبضنا على كل اللى اسمهم حمو وجارى ردم النيل سعادتك
ღ♥ღ______ღ♥ღ___ღ♥ღ______♥ღ♥ღ
مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب سال السواق مين اللي انت معلقهم صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي
ღ♥ღ______ღ♥ღ___ღ♥ღ______♥ღ♥ღ
حسني مبارك بيخطب في الشعب
فكل شويه واحد يقوم ويقول عاش حسني مبارك موحد الاديان
ويقعد يروح حسني مكمل كلامه وشويه ويقوم الراجل ويقول عاش حسني مبارك موحد الاديان
فاتمسك امن دوله وطااااااااخ ويقولوله ايه الي انت بتقوله دا ازاي موحد الاديان دي مصر فيها مسيحين ويهود ومسلمين وطااااااخ فردعاليهم يا باشا ماهوه الي مكفرنا كلنا
ღ♥ღ______ღ♥ღ___ღ♥ღ______♥ღ♥ღ
حسنى مبارك ركب طياره هو وعيلته.
طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده.
سوزان قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره.
الطيار قال طيب ما ترمى نفسك وتسعد 80 مليون
ღ♥ღ______ღ♥ღ___ღ♥ღ______♥ღ♥ღ
الريس :إخبرنى بصراحة يا نظيف ولا داعى للمجاملة أو النفاق
نظيف :أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس :طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس :طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ
ღ♥ღ______ღ♥ღ___ღ♥ღ______♥ღ♥ღ
بيقولك كمال الجنزوري جاله بعد ما شاله من الوزارة
وقاله عايز أعرف انت شيلتنى ليه ياريس
قالوا يا كمال يا حبيبي التغيير سُنة الحياه ، قالوا طيب شيلت وزير المواصلات ليه
قالوا يا كمال يا حبيبي التغيير سُنة الحياة
قالوا طيب ممكن أسالك سؤال امال ليه انت الوحيد اللى مابتتغيرش
قالوا ياحبيبي تغييركم انتم سُنة لكن أنا وجودي فرض
ღ♥ღ______ღ♥ღ___ღ♥ღ______♥ღ♥ღ
حسني كان عاوز يغيـر دولارات و مش لاقي في السوق
فراح منادي نظيف:
حسني : مفيش دولارات في السوق ليه يا نظيف؟
نظيف :الحج و العمرة ياباشا خلصوا على الاحتياطي
حسني :بقولك ايه حج ايه وبتاع ايه من السنة الجاية الحج يبقى في مصر
نظيف :يا باشا ازاي بس
حسني :اتصرف
بعد يومين رجع نظيف و قاله : كله تمام يا باشا خلاص الحج حيبقى عندنا
حسني : طب و الكعبة حتعمل فيها ايه ؟
نظيف :حنعملها في ميدان الحجاز - مصر الجديدة و يبقوا يلفوا حواليها
الريس : طب و السعي؟
نظيف :ياباشا يبقوا يجروا في طريق صلاح سالم لغاية المطار و يرجعوا
حسني : و عرفه ؟
نظيف : يطلعوا المقطم ياباشا
حسني : طب و رجم إبليس يا فالح ؟
نظيف :إتعب معانا شوية بقى يا ريس
ღ♥ღ______ღ♥ღ___ღ♥ღ______♥ღ♥ღ
ياريت يا جماعة تزورني بعد ما يتقبض علي
وكل سنة وأنتوا مبسوطين من حكامنا
ღ♥ღ______ღ♥ღ___ღ♥ღ______♥ღ♥ღ
M.S.M.O
I.M.S.A
السلام عليكم ورحمة الله وبركاته
ردحذفطبعا النكت المجنونة دي مش غريبة عن مدونة المجانين
وربنا يستر وتختفي يا اسلام
بجد مجموعة جامدة جدااااااا