الثلاثاء، نوفمبر 16، 2010

واستمر جناننا لمدة عام….

سنة أنا مش مصدق نفسي معقول عدي سنة علينا  ،سنة من ساعة ما جعلنا الفكرة واقع بامتلاكنا مدونة

نطلع فيها جناننا وناس تانية تشاركنا جناننا وناس توافق عليه وناس تختلف وتعترض معانا :)

أنا لسه فاكر إسلام عندي بيقولي احنا عايزين نعمل مدونة

يا بني انت كل ما تشوفني تقولي عايزين نعمل مدونة وننشغل في الحياة  ومبنعملش حاجة

هو مش إنت عبقري الكمبيوتر بتاعنا قولي هنعملها امتي ؟

 بقولك ايه احنا نعملها دلوقتي

وبدأت في عمل حساب جديد علي جوجل كخطوة أولي لامتلاك مدونة

طيب هنسميها ايه؟

مش عارف

يعني قاعد تقول لي اعمل مدونة ومش عارف هنسميها ايه احنا أكيد ناس مجانين علي فكرة

انت لسه واخد بالك ،ما كل الناس بتقول علينا إننا مجانين من الزمان

طيب مادام كل الناس بتقول علينا إننا مجانين وإحنا مجانين فعلا

ايه رايك لو نسميها كلام مجانين ؟

تصدق الاسم جامد وحلو ولايق علينا

طبعا بما إن أخوكم بيكره حاجة اسمه فرانكو اراب فعلشان يكتب عنوان المدونة

استخدمت قاموس يحول العربي لفرانكو اراب :D

وبعد ذلك جاء الوقت لكتابة وصف للمدونة وفي لحظة نزل الوحي علي بإن أكتب الكلمات الآتية

الدنيا حالها غريب وعجيب

البعض يراها من منظور المثقفين

والبعض يراها من منظور المتدينين

والأخر يراها من منظور العقلانيين

وكل فرد يراها بطريقته

ولكن لم يجرب أحد أن يراها بطريقة المجانين

سوي المجانين

لذلك قررنا أن ننقل إليكم كلام مجانين

لكن يجب علينا أن نحذرك

بإنك لن تعود تري الحياة كما كنت تراها من قبل

وبدأت اكتب أول موضوع ليكون إعلان بداية مدونة جديدة

وإن البداية هتكون مع اتنين مجانين

 

طبعا الناس اللي كانت معانا من الأول ولإن المدونة اتولدت في لحظة جنان عالية شوية

أكيد فاكرين شكل المدونة كان عامل ازاي وازاي المواضيع كانت سايحة في بعضها :D

وبرضه فاكرين إننا كنا بنحط مواضيع بصورة أشبه بطفل فرح بلعبته الجديدة

 

لكن المهم إن المدونة اتولدت واتطورت بمرور الوقت سواء إن كان من ناحية الشكل أو من ناحية الموضوعات اللي بنحطها والأهم إن في  ناس حبيتها وناس كرهتها وناس اتفقت معانا في حاجات وناس اختلفوا معانا في حاجات وناس قالوا لنا مش جايين هنا تاني وناس دعت علي اليوم اللي خلي أي حد يبقي عنده مدونة ويتكلم في اي حاجة وناس وناس وناس

تحياتي لكل الناس اللي كرهونا قبل اللي حبونا واللي اعترضوا علي كلامنا قبل الناس اللي اتفقت معانا ،وتحياتي وامتناني لجميع الناس المتابعين لمدونة ومن أثروا المواضيع بالنقاشات والتعليقات .

وتحياتي لحبيبي وأخوي الكبير -هو كبير بس في السن يا جماعة – إسلام ،شريكي في حاجات كتير زيادة قوي عن لازم هقولهالك تاني مش كفاية كده بقي ولا ايه  ولازم كلنا ندعي له إن جيشه ميخلصش قصدي يخلصه علي خير :D

 

ولحسن حظي فلقد أتت الذكري السنوية الأولي للمدونة مع أول أيام العيد الأضحي كل عام وأنتم والأمة الإسلامية في جميع أنحاء العالم بخير وسلامة وكل واحد نفسه في حاجة قبل العيد اللي جاي يكون حققها ،وأيضا تشاء الصدف السعيدة وإن لم تكن صدفة لإني أنا مخططها لها بالصراحة :D أن تكون هذه هي التدوينة رقم 200 ،في خلال عام واحد قدمنا لكم 200 تدوينة يعني تدوينة كل يومين إلا شوية صغنونة  وبحكم العادة فسأنتقي بعض المواضيع المميزة من خلال ال 200 تدوينة السابقة وأهديها إهداء لجميع المتابعين لنا وإهداء خاص لمن لم يتابع المدونة معنا منذ البداية :)

 

عالم عيال عيال

في دول البولوتيكا

أبجديات القومية

فوازير رمضان وستجدونها هنا أيضا

مقاتل الأرض الأخير

أنا وميكي

مسرحية عبثية

حمقي

قبح أم جمال؟

هؤلاء هم قادتنا

شباب تكت وعايز يتنكت ....

في النار....

أتمني أن أراها….

قـــصــــة زواج ....

قالوا في المرأة….

الجنون أنـــواع ….

فى سبيل هذه الأنثى ...

عـــلامـــات تـــعجـــب ... ( !!!! )

التربية العسكرية ... ماذا تعرف عنها ؟

التسول من منظور آخر

دقــات مـنـتـصـف الـلـيـل ...

مازلت.....

خرسانة + ستيل + قط = تيييييت

الـــكـــــائـــــــن ...

كل سنة وأنت ريس يا ريس

الاسم خالد

الطريقة المثالية في السيطرة علي التليفزيون ( للمتزوجين فقط )

خمسة جنان…. مجموعة ألغاز رائعة لمحبي الألغاز

لعنة و بقايا شفاه

الذئب أصله خروف

حكومة تأخذك إلي الجنة

Boogey

الأسانسير مصري يا باشامهندس

إذا كانوا هما نصابين إحنا مجانين.... عن الغش التجاري في بلادنا

كيف تصنع إرهابي ؟!

معنى الحب.....

 

كل سنة وإنتم طيبين ومستحملين جناننا الذي أتمني إنه يستمر

إذا ظل القائمين علي هذه المدونة خارج أسوار العباسية

وفي زحمة الكلام نسينا أهم حاجة

تورتة عيد الميلاد يتاعة المدونة وهكتفي بهذه التورتة لأن أنا عامل ريجيم :D

1

 

 

 

  M.S.M.O & I.M.S.A

 

هناك 16 تعليقًا:

  1. كل سنه وانتو طيبيييييين
    وان شاء الله من تطور لآخر :)

    ردحذف
  2. كل سنة وانتو طيبين تلات مرات .. العيد طبعا والخروف :D
    وعيد ميلاد المدونة ، فين التورتة بس ؟ ;)
    والتدوينة رقم 200 كمان
    وان شاء الله فى تقدم مستمر وتطور :)

    ردحذف
  3. كل سنة وانتم طيبين
    وبالتوفيق لانكم استحققتم النجاح عن جدارة

    ردحذف
  4. كل سنة و المدونة فى كبر ان شاء الله و يبقى فيها صراع فكرى عنيف :))

    ردحذف
  5. كل سنة و انتوا طيبين

    really
    i am so proud
    all my greatings & happy wishes for you to reach the next year with a bigger success

    happy 1st year
    & happy coming one

    ردحذف
  6. كل سنة وانتوا طيبين دايما يارب

    وعقبال 99 سنة تدووين :((

    ردحذف
  7. ميرسي ليكم يا جماعة كلكم
    كلماتكم الرقيقة أثلجت صدري
    وبجد أتمني إننا نحقق تطور في المدونة أفضل من هذا وتكون كل تدويناتنا عند حسن ظنكم حتي لو حدث اختلاف فكري
    ميرسي لكل كلماتكم الجميلة واعذروني لتأخري في الرد بسبب ظروف خارجة عن ارادتي
    :)

    ردحذف
  8. كل سنة و انتم طيبيين و عقبال مليون سنة :)

    ردحذف
  9. كل سنة وانتم طيبين
    ومن جنان لجنان
    قصدى من تقدم لتقدم
    عيد سعيد

    ردحذف
  10. كل سنة وانتم طيبين
    وعيد سعيد
    وعيد ميلاد سعيد لمدونتكم
    وكل سنة وانتم مجانين
    وعلي فكرة انا هبقي يوم بطوله اشوف اللي فاتني
    وشكرا يا سالام علي كلامنك لغادة عني وميرسي لزوقك بجد كتير ..وسلامك وصل وتحياتي وسلامي لك ولكل المجانين

    ردحذف
  11. ميرسي للجميع بجد بتحرجونا بذوقكم :)
    رحاب لما إسلام يرجع إن شاء الله من الجيش رسالتك هتوصله ويارب تكون منورة المدونة دايما عندنا :)

    ردحذف
  12. كل سنة و أنتوا طيبين و مجانين
    و اوعوا تعقلوا

    ردحذف
  13. وإنت طيبة يا حنان لا متقلقيش صعب نعقل في وسط كل الحاجات اللي بتحصل حوالينا دي :D

    ردحذف
  14. كل سنه وإنتم مجانين ^^
    كل سنه وإنتم ناجحين مع بعض ياااارب
    كل سنه ومدونتكم وزواركم فخورين بيكم
    ^^

    معلش ياإسلام أنا إتأخرت في الرد عشان
    الكمبيوتر عندي طب ساكت :)))

    ربنا يحميك يامحمد وإنت ياإسلام ترجع من الجيش بالسلامه
    وأهو وصلّت لرحاب حبيبتي السلام وسبقتني كمان :)))

    على فكرة أنا قريت كتيييير من المواضيع بجد تحفه وإسلوب مختلف

    تسلموا إنتوا الإتنين
    تحياتي الملونه لروحكما الطيبه
    ^_^

    ردحذف
  15. الف شكر لكل المتواجدين
    كلماتكم اثلجت صدري
    مرة أخرى شكرا للجميع ..
    شيفا ، بلاك بيرل ، غير معروف ، امين ، فينوس ، تيرز ، اسكارنوتاك ، رحاب ، حنان ، غادة ..
    تسلموا ومنورين ويسعدني تواجدكم الدائم ..
    تحياتي لكم جميعا

    ردحذف
  16. شكرا لكل من ترك تعليقا أو زار بوست عيد المدونة
    تحياتي للجميع واتمنى ان تكون البوستات دائما حائزة على إعجابكم ...
    وأن تثير بداخلكم روح المناقشة والتعليقات
    تحياتي وانتظروا الجديد دائما من كلام المجانين
    بل انتظروا قريبا جنان من نوع أخر
    وانتظروا الجنان الحقيقي ...

    ردحذف

خد راحتك في الجنان معنا حرية الرأي مكفولة للجميع حتي لو هتجنن علينا
نظرا لوجود مشاكل في نظام التعليقات لغير معرفين برجاء عدم التعليق بغير معرف منعا لاختفاء التعليقات