كل سنة وأنتم طيبين وحلوين

 

كل سنة وأنتم طيبين وحلوين وعندنا منورين

هل شهر رمضان وزي ما كريمة مختار قالت رمضان شهقة انت جيت

أنا بحب شهر رمضان مش بس علشان الصوم والعبادات و الكلام ده

لأن الشهر ده بيفضح حقيقتنا بيورينا ازدواجيتنا كمجتمع وأفراد

 

من المفترض إن شهر رمضان شهر زهد وعبادة لكن لما تبص حولك هتلاقي إنه أكثر شهر بنصرف فيه علي المأكولات

والأكل وأغلب الأكل ده بيروح في الزبالة في الآخر طب ليه مش عارف

 

أول كام يوم في رمضان بتلاقي المساجد ايه حاجة تشرح القلب الحزين بعدها انسي يا عمرو

وفي آخر كام يوم برضه نفس النظام

 

من المفترض إن الشهر ده نطلع منه و وزننا نازل مش زايد 10 –12 كيلو

كنت بقول لواحد صاحبي إني هحاول انزل وزني زيادة في رمضان قالي انت عبيط يا ابني

 

معدل الشتائم والغضب والانفعال السريع في تزايد وارتفاع عن باقي الشهور وبعد ما يشتم ويبهدل الدنيا يقول اللهم إني صائم

ياريت يا جماعة تاكلوا حاجة مسكرة علي السحور ترفع لكم مستوي السكر في الدم تاني يوم

 

حبايبي الشحاتين والمتسولين أبوس ايديكم ابعدوا عني بدل ما افطر عليكم

وياريت يا جماعة اللي حابب يعمل خير فعلا ميديش لناس دي حاجة ويودي الفلوس لجمعيات الخيرية زي رسالة وغيرها

 

لما بتعدي واحدة حلوة أو مش حلوة هو أي حاجة تقترب من نون النسوة المعاكسة بدل ما بتكون

يا قمر أو يا حلوة أو يا مزة أو أي نوع من أنواع المعاكسة بتتحول إلي اللهم إني صائم

 

حبايبي اللي قاعدين قدام أم التليفزيون 48 ساعة في 24 ساعة هتخرجوا من رمضان

مخكم أكثر بياضا من جيب الموظف بعد يوم 4 في الشهر أبوس ايديكم اتحركوا وكفاية عليكم مسلسل واحد ولا اتنين

 

حبايبي اللي بيناموا لغاية قبل المغرب بشوية اصحي يا روح قلب ماما بابا جاب موز

 

أكثر ما يثبت ازدواجية هذا الشعب إن أكثر معدلات لبيع الخمور هي قبل وبعد رمضان

لدرجة إن محلات الخمور بتقفل لأن اللي عندها خلص مش تطبيقا لقانون بمنع بيع الكحوليات في رمضان

معلومة في الخباثة الدليفري شغال في رمضان

 

حبايبي بتوع الخيم الرمضانية وكافيهات مع بعد منتصف الليل ارحموا صدركم شوية من الدخان

 

عزيزي فاطر رمضان افطر في السر وفي الخباثة بسبب تطبيق قانون المجاهرة

وهيتعمل لك قضية وهتتحبس في الآخر يا تدفع كفالة وانت عارف الشرطة عندنا لا هتفرق بين مسلم ولا غير مسلم

ولا حد معذور ولا مش معذور والسنة الي فاتت خير دليل علي الكلام ده

۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩ ۩

هذه بعض المظاهر البسيطة التي تفضح ازدواجيتنا

وكل سنة وأنتم طيبين

وبمناسبة رمضان و حتي يكون إسلام شاركنا بكتابته حتي وهو بعيد

فسأذكركم بفوازير رمضان لكن بطعم أخر التي وضعها في المدونة من قبل

وممكن تسلي صيامكم بدل التليفزيون

 

1)- موضة تسقيط البنطلون

2)- البنطلونات الضيقة

3)- الزواج الحديث

4)- نجم الجير

5)- برشامة مناخير

6)- الجمال جمال الروح

7)- الدفاع عن بدوى

8)- شجار

9)- الخلع

10)- الخمر

11)- الأستاذ

12)- عمليات التحويل

13)- صوما مقبولا

14)- فتاوي

15)- نجوم هاوية

16)- الموظفون في الأرض

17)- انت مش عارف انت بتكلم مين

18)- العنب العنب

19)- النظافة من الإيمان

20)- معمول لك عمل

21)- مدد يا سيدي مدد

22)- 0900

23)- فرانكو

24)- الدوا من التلفاز

25)- الرقص فن هادف

26)- صناعة النجوم

27)- الإصلاح يا صلاح

28)- انشرها وإلا …

29)- شعارات شعارات شعارات

30)- دعاة 

 

وكل سنة وأنتم طيبين وفي الخير ساعيين والناس لسه نايميين ومش فاكرين إن الساعة

اتاخرت ياريت يرجعوا ساعتهم لأن حكومتنا الرشيدة قررت إن الزمن هيرجع ساعة لورا

وبعد كده تقدمه ساعة لقدام لمدة أسبوع وبعد كده هترجعه لورا وده يرجع إلي إن الزمن عندنا ليس لا قيمة

وكل سنة وأنتم زي ما أنتم عايزين

 

M.S.M.O

I.M.S.A

Share |